இலங்கையர்கள் எதிர்கொள்ளப் போகும் கடுமையான பொருளாதார நிலை.. முக்கிய அதிகாரியின் எச்சரிக்கை

மத்திய கிழக்கு பிராந்தியத்தில் தொடரும் மோதல்கள் மற்றும் எரிபொருள் விலை உயர்வு காரணமாக நாட்டில் பணவீக்கம் 7 ​​சதவீதம் வரை உயரக்கூடும் என மத்திய வங்கி ஆளுநர் நந்தலால் வீரசிங்க தெரிவித்துள்ளார்.

குறுகிய காலத்தில் மத்திய கிழக்கு போர் தணியும் என கணிக்கப்பட்டிருந்தாலும், அதன் நீண்ட கால நீடிப்பு காரணமாக நாட்டின் பொருளாதாரம் கடுமையாக பாதிக்கப்பட்டுள்ளது என்றும் அவர் சுட்டிக்காட்டியுள்ளார். 

நேற்று இரவு (01) தென்னிலங்கை தொலைக்காட்சி ஒன்றில் ஒளிபரப்பப்பட்ட நிகழ்ச்சியில் பங்கேற்றபோது மத்திய வங்கி ஆளுநர் நந்தலால் வீரசிங்க இந்த தகவலை வெளியிட்டுள்ளார். 

எகிறும் எரிபொருள் விலை.. திணறி வரும் அநுர அரசாங்கம்

அதிகரிக்கும் பணவீக்கம்.. 

அவர் இதன்போது, "இந்த வாரம், எரிபொருள் விலை மேலும் அதிகரித்துள்ளது. அதிகரித்துள்ளது என்பதன் பொருள், அது தவிர்க்க முடியாமல் 5.4வீதம் - 5.5வீதம் வரை அதிகரிக்கும் என்பதாகும்.

அதில் எந்தப் பிரச்சினையும் இல்லை. அது அதிகரிக்கும் என்பது இப்போது தெளிவாகத் தெரிகிறது. இதற்குக் காரணம், நாம் இதுவரையிலான தரவுகளைப் பார்க்கும்போது, ​​எரிபொருள் விலைகளின் அதிகரிப்பை மட்டுமே நம்மால் காண முடிகிறது.

நுகர்வில் இன்னும் குறைவை நாம் காணவில்லை. அதனால்தான், பணவீக்கம் தவிர்க்க முடியாமல் 5வீதமாக அதிகரிக்கும் அபாயம் உள்ளது, மேலும் இது தொடர்ந்தால், அது 7 வீதத்தை எட்டக்கூடும்.

அமெரிக்கா - ஈரான் பரஸ்பர வான்வழித் தாக்குதல்: குவைத் வான் பாதுகாப்புப் படை தீவிர நடவடிக்கை

 பணவியல் கொள்கை

அதற்கான ஒரு தயாரிப்பாக, கடந்த வாரம் நமது பணவியல் கொள்கையை நாம் கடுமையாக்கினோம். இதன் மூலம், அடுத்த மூன்று மாதங்களில் தேவையை எப்படியாவது சமநிலைப்படுத்துவதும், தேவையைக் குறைப்பதன் மூலம் பணவீக்கம் அதிகரிப்பதைத் தடுப்பதும் நாட்டிற்கு மிகவும் முக்கியமானது.

நாங்கள் தேவையைக் கட்டுப்படுத்தவும் பணவீக்கத்தைக் கட்டுப்படுத்தவும் முயற்சிக்கிறோம்.

அதேநேரம், சட்டப்பூர்வமாக சம்பாதித்த எந்தவொரு பணத்தையும் இலங்கைக்கு அனுப்புவதற்கு எந்தவொரு நபருக்கும் தடையில்லை. எந்தப் பிரச்சினையும் இல்லை.

நாட்டில் பணச்சலவை தொடர்பான சட்ட அமைப்பு உள்ளது. அதன்படி, எந்தவொரு சட்டப்பூர்வமான பணத்தையும் இலங்கையில் உள்ள ஒரு வங்கிக்கு, வங்கி வாயிலாக அனுப்புவதற்கு எந்தத் தடையும் இல்லை. அது சட்டவிரோதப் பணமாக இருந்தால், அதை அனுப்புவது கடினம்” என குறிப்பிட்டுள்ளார். 

நாட்டில் அதிர்ச்சியை ஏற்படுத்தி வரும் மதகுருக்களின் செயல்கள்.. அடுத்தடுத்து பதிவாகும் சிறுவர் துர்நடத்தைகள்