உயிர்த்த ஞாயிறு தாக்குதலின் உண்மையை மறைக்கும் சதி இன்றும் செயல்பாட்டில்!

உயிர்த்த ஞாயிறு பயங்கரவாத தாக்குதல் பற்றிய உண்மையை மறைக்க முந்தைய அரசியல் தலைமைகள் மேற்கொண்ட முயற்சிகள், இன்றும் சில அரசு நிறுவனங்கள் மூலம் செயல்படுத்தப்படுவதாக பேராயர் மால்கம் கர்தினால் ரஞ்சித் தெரிவித்துள்ளார்.

கொச்சிக்கடை புனித அந்தோணியார் ஆலயத்தில் இன்று உயிர்த்த ஞாயிறு பயங்கரவாத தாக்குதலில் மரணித்தவர்களை நினைவுகூரும் நிகழ்வில் பங்கேற்றபோதே அவர் அறிக்கை ஒன்றின் மூலம் இதனை வெளிப்படுத்தியுள்ளார்.

தோற்கடிக்கப்பட்ட அரசியல் சக்திகளின் கட்டுப்பாட்டின் கீழ் பல்வேறு அரசு நிறுவனங்களை இயக்கும் ஒரு அரசு சார்பு நிறுவனம் செயல்பட்டு வருவதாகவும் அவர் கூறியுள்ளார்.

இது தொடர்பில் மேலும் அறிக்கையில் வெளிப்படுத்திய அவர், 

உயிர்த்த ஞாயிறு சதி குற்றச்சாட்டில் அடையாளம் காணப்பட்ட 24 நபர்கள்!

தாக்குதல்களுக்குப் பொறுப்பானவர்கள் 

“தாக்குதல்களுக்குப் பொறுப்பானவர்கள் மிக விரைவில் நீதியின் முன் நிறுத்தப்படுவார்கள் என்பது தான் தனது ஒரே நம்பிக்கை என்பதை நினைவுப்படுத்தி ஜனாதிபதியிடம் பல கோரிக்கைகளை முன்வைக்கின்றேன்.

இதன்படி, 

1. உயிர்த்த ஞாயிறு பயங்கரவாத தாக்குதல் அறிக்கையை நாடாளுமன்றத்தில் சமர்ப்பித்து அதைப் பகிரங்கப்படுத்துதல்.

2. மேலதிக விசாரணைகள் மற்றும் வழக்குகளை மேற்பார்வையிட ஒரு சுயாதீன வழக்கறிஞர் அலுவலகத்தை நிறுவுதல்.

3. தாக்குதலுக்குப் பின்னால் உள்ள அனைத்து சக்திகளையும் விசாரித்து, உண்மையை நாட்டுக்கு வெளிப்படுத்தி, குற்றம் சாட்டப்பட்டவர்களை அவர்களின் பதவியைப் பொருட்படுத்தாமல் சட்டத்தின் முன் நிறுத்த வேண்டும்.

4. செப்டம்பர் 21, 2019 அன்று வெளியிடப்பட்ட ஜனாதிபதி ஆணைக்குழு அறிக்கையின் அனைத்து பரிந்துரைகளையும் செயல்படுத்துதல்.

5. இராணுவப் புலனாய்வுப் பிரிவுக்கும் பயங்கரவாதத் தலைவர் சஹாரன் ஹாஷிமுக்கும் இடையிலான உறவு மற்றும் இங்கிலாந்தில் சேனல் 4 இல் ஒளிபரப்பான நிகழ்ச்சி குறித்து முழுமையான விசாரணை நடத்த வேண்டும்.

மேலும் நிகழ்ச்சியில் முக்கிய சாட்சியாக இருந்த ஆசாத் மௌலானாவின் அறிக்கைகள் குறித்து முழுமையான விசாரணை நடத்த வேண்டும்.

6. தாக்குதல்களுக்கு வழிவகுத்த அனைத்து இரகசிய சதித்திட்டங்களுக்கும் பின்னால் இருந்த சட்டவிரோத கலாச்சாரத்தையும், அதைத் தூண்டிய அரசுரிமையையும் இந்த நாட்டிலிருந்து அகற்ற தேவையான சட்டங்களை இயற்றுங்கள்.

7. நாட்டில் அரசியல் அதிகாரம் உள்ளவர்கள் ஆட்சியாளர்களுக்கு அல்ல, குடிமக்களின் ஊழியர்களாக இருக்கும் ஒரு புதிய கலாச்சாரத்தை நோக்கி நமது நாட்டை வழிநடத்துதல். போன்ற கோரிக்கைகள் முன்வைக்கப்படுகின்றன.

வீதியெங்கும் மரண ஓலம்! பலியெடுக்கப்பட்ட உயிர்களுக்கு நீதியின்றி தொடரும் ஆறாவது வருடம்..

தாக்குதலுக்குப் பின்னால் ஒரு பெரிய சதி

தாக்குதலுக்குப் பிறகு, அப்போது சட்டமா அதிபராக இருந்த டப்புல டி லிவேரா, தாக்குதலுக்குப் பின்னால் ஒரு பெரிய சதி இருப்பதாகக் கூறப்பட்டதை புறக்கணித்தார்.

அதன் பின்னர் குறித்த பதவிக்கு வந்த சட்டமா அதிபரும் இந்தத் தாக்குதலின் பின்னணியையும் அதன் சட்ட விவகாரங்களையும், அப்போதைய ஆட்சியாளர்களுக்கு மிக அருகில் செயல்படும் நடைமுறையையும் காட்டியதாக கூறப்பட்ட அறிக்கையையும் புறக்கணித்தார்.

இதன்மூலம் மக்களால் தேர்ந்தெடுக்கப்பட்ட அரசாங்கத்திற்கு எதிராகவோ அல்லது எதிராக முடிவெடுக்கும் அதிகாரம் கொண்ட ஒரு மேலாதிக்க அமைப்பின் செயல்பாடு எவ்வளவு சக்தி வாய்ந்தது என்பதை நமக்குக் காட்டப்பட்டுள்ளது.

தறடபோதைய ஜனாதிபதி இந்தப் பணியை மிகுந்த ஆர்வத்துடன் மேற்கொண்டுள்ளார். மேலும் அதை நிர்வகிக்க உயர் அதிகாரிகள் குழுவை நியமித்துள்ளார். ஆனால் தற்போதுள்ள சட்ட அமைப்பும், அதை செயல்படுத்துவதற்குப் பொறுப்பான சில அதிகாரிகளின் மெதுவான இருப்பும், எதிர்காலப் பணிகள் பல்வேறு தடைகளுக்கு மத்தியில் நடைபெறும் சூழ்நிலைக்கு வழிவகுத்துள்ளது.

தற்போதைய அரசாங்கத்திற்கும், இலங்கையின் நிலத்தை இரத்தத்தால் நனைத்த சிலருக்கும் மக்கள் மூன்றில் இரண்டு பங்கு அதிகாரத்தை வழங்கினர்.

தேவைக்கேற்ப அரசியலமைப்பு மற்றும் சட்ட மாற்றங்களைச் செய்வதன் மூலம், அரசியல் மற்றும் குண்டர் சக்திகளை அம்பலப்படுத்தல், கொலைகள், காணாமல் போதல்கள், வெள்ளை வான்கள், சித்திரவதை கூடங்கள், பாதாள உலக நடவடிக்கைகள், தனியார் படைகள் போன்றவற்றின் பின் உள்ள நமது வரலாற்றில் ஒரு கருப்பு கறையை ஏற்படுத்தியவர்களை அடையாளம் காணவேண்டும்.

மேலும் அவர்கள் விரைவாக நீதியின் முன் நிறுத்தப்படுவார்கள் என்று நினைப்போம்.

ஈஸ்டர் அறிக்கையின் மறைக்கப்பட்ட பகுதிகள்.. சிஐடிக்கு ஜனாதிபதி அதிரடி உத்தரவு!

கண்ணீர் கதையின் மற்றொரு அத்தியாயம்

இந்த விசாரணைகள் அனைத்தும் தாக்குதலின் நீண்ட கண்ணீர் கதையின் மற்றொரு அத்தியாயம்.

தற்போதுள்ள விதிகள் நீதியை நிலைநாட்டவும் நாட்டை சுத்தப்படுத்தவும் போதுமானதாக இல்லாவிட்டால், அவற்றை மாற்ற நமக்கு தைரியம் இருக்க வேண்டும்.

இந்த நாட்டின் பொது மக்கள் ஏற்கனவே உள்ள அரசாங்கத்தை மிகவும் உற்சாகமாக ஆதரித்தனர் என்பது தெளிவாகிறது. அதன்படி, நடைபெற்ற அனைத்து ஜனநாயக விரோத மற்றும் அரசியல் நோக்கம் கொண்ட நடவடிக்கைகளிலிருந்தும் நமது சமூகத்தை சுத்தப்படுத்த நடவடிக்கை எடுக்குமாறு ஜனாதிபதியை நாங்கள் கேட்டுக்கொள்கிறோம்.

ஒக்டோபர் 6, 2024 அன்று நீர்கொழும்பில் உள்ள கட்டுவாபிட்டியில் ஜனாதிபதி உறுதியளித்தபடி, இந்தத் தாக்குதலில் அப்பாவிகளின் இரத்தம் சிந்தப்படமை காலத்தின் மண்ணில் மூழ்கிவிடாமல் தடுக்கவும், இதன் உண்மையான பின்னணியைக் கண்டறிந்து சம்பந்தப்பட்ட அனைவரையும் நீதியின் முன் நிறுத்துவதும் நாம் உங்கள் மீது கொண்டுள்ள ஒரே நம்பிக்கை” என தெரிவிக்கப்பட்டுள்ளது.