கடலுக்கு செல்ல வேண்டாம் : மீனவர்களுக்கு அவசர எச்சரிக்கை

Srilanka Weather Rain Tamil nadu Bay of Bengal

By Steephen Nov 18, 2021 09:06 AM GMT

Steephen

in இலங்கை

Report

மன்னாரில் இருந்து காங்கேசன்துறை ஊடாக திருகோணமலை வரையான கடற்பரப்பில் நாளைய (19) காலை 7.30 மணி முதல் மீன்பிடியில் ஈடுபடுவதை தவிர்க்குமாறு இலங்கை வளிமண்டலவியல் திணைக்களம் அறிவித்துள்ளது.

அத்துடன் நாட்டின் ஏனைய கடற்பரப்புகளில் மீன்பிடியில் ஈடுபடுவோர் கவனமாக இருக்க வேண்டும் எனவும் திணைக்களம் கேட்டுக்கொண்டுள்ளது.

இலங்கையின் தென் கிழக்கு திசையில் வங்காள விரிகுடாவில் காணப்படும் காற்றழுத்த தாழமுக்கம் காரணமாக, கடல் மிகவும் கொந்தளிப்பாக இருக்கும் எனவும் இந்த காற்றழுத்த தாழமுக்கம் வடக்கு திசையில் வடமேற்கு நோக்கி சென்று இன்றைய தினம் ஆந்திராவின் தென் பகுதிக்கு அருகில் தமிழகத்தின் வடக்கு கரையை நோக்கி நகரும் என வளிமண்டலவியல் திணைக்களம் குறிப்பிட்டுள்ளது.

இதன் காரணமாக சில மாகாணங்களில் மழைப் பெய்யும் என திணைக்களம் கூறியுள்ளது. வடக்கு, வடமத்திய, வடமேல், மேல், சப்ரகமுவ மாகாணங்கள் மற்றும் திருகோணமலையில் அவ்வப்போது, மழையோ, இடியுடன் கூடிய மழையோ செய்யக் கூடும்.

வடக்கு மாகாணத்தில் 100 மில்லி லீற்றருக்கும் மேற்பட்ட அளவிலான கன மழைப் பெய்யும். வடமேல் மற்றும் அனுராதபுரம் மாவட்டத்தில் சில இடங்களில் 50 மில்லி லீற்றருக்கும் அதிகமான கன மழைப் பெய்யும்.

நாட்டின் ஏனைய பிரதேசங்களில் மாலை அல்லது இரவு நேரங்களில் மழைப் பெய்யக் கூடும் என்பதுடன் வடக்கு மற்றும் வடமத்திய மாகாணங்களில் அவ்வப்போது பலத்த காற்று வீசக் கூடும் எனவும் வளிமண்டலவியல் திணைக்களம் குறிப்பிட்டுள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை