லங்காசிறி FM
சீனாவின் கோவிட் தடுப்பூசி விவகாரத்தில் நிபுணர் குழு நீக்கம் மோசமான விளைவு! சிரேஷ்ட தமிழ் பெண் சட்டத்தரணி உயர் நீதிமன்றில் மனு
சீனாவின் சினோபார்ம் கோவிட் தடுப்பூசியின் பாதுகாப்பு செயற்திறன், தரம் தொடர்பில் தேசிய மருந்துகள் ஒழுங்குபடுத்தல் அதிகாரசபை ஊடாக முறையான அனுமதி அளிக்கப்படும் வரை அத்தடுப்பூசியை பயன்படுத்துவதை உடனடியாக தடுத்து நிறுத்துமாறு கோரி உயர் நீதிமன்றில் அடிப்படை உரிமை மீறல் மனு தாக்கல் செய்யப்பட்டுள்ளது.
சிரேஷ்ட சட்டத்தரணி கெளரி சங்கரி தவராசா ஊடாக இந்த மனு நேற்று உயர் நீதிமன்றில் தாக்கல் செய்யப்பட்டுள்ளது.
நோயாளர்களின் உரிமைகளுக்கான மக்கள் இயக்கம், அதன் தலைவர், செயலர் ஆகியோர் இம்மனுவை, சிரேஷ்ட சட்டத்தரணி கெளரி சங்கரி தவராசா ஊடாக தாக்கல் செய்துள்ள நிலையில், சுகாதார அமைச்சர் பவித்ராதேவி வன்னியாராச்சி, மருந்து உற்பத்தி, பகிர்ந்தளித்தல் மற்றும் ஒழுங்குபடுத்தல் அமைச்சர் சன்ன ஜயசும உள்ளிட்ட 24 பேர் பிரதிவாதிகளாகப் பெயரிடப்பட்டுள்ளனர்.
சீனாவின் குறித்த தடுப்பூசி நாட்டுக்குள் அனுமதிக்கப்பட முன்னர், அது குறித்து ஆராய நியமிக்கப்பட்ட நிபுணர் குழுவில் உள்ளடங்கிய உறுப்பினர்களை தன்னிச்சையாக நீக்கும் செயற்பாடு பொது மக்களுக்கு மோசமான விளைவுகளை ஏற்படுத்தும் எனவும், அது அரசியல் அமைப்பின் 12 (1)ஆம் உறுப்புரையை மீறும் செயல் எனவும் குறித்த மனு ஊடாக சுட்டிக்காட்டப்பட்டுள்ளது.
அத்துடன் தேசிய மருந்துகள் ஒழுங்குபடுத்தல் அதிகாரசபை, குறித்த தடுப்பூசி தொடர்பில் ஆராய நியமித்த நிபுணர் குழுவின் விபரங்களையும், அவர்கள் அத்தடுப்பூசி தொடர்பில் கோரிய விடயங்களையும் வெளிப்படுத்தப் பிரதிவாதிகளுக்கு உத்தரவிட வேண்டும் எனவும் அம்மனுவில் கோரப்பட்டுள்ளது.
அதன்படி, குறித்த தடுப்பூசியின் பாதுகாப்பு செயற்திறன், தரம் உள்ளிட்டவை உறுதி செய்யப்படும் வரை அதனை இலங்கையில் பயன்படுத்தத்தடை விதிக்கப்படல் வேண்டும் எனவும், இந்த மனுவை விசாரணைக்கு ஏற்றுத் தீர்ப்பு வழங்கும் வரை அவ்வூசிக்கு இடைக்காலத் தடை விதிக்குமாறும் மனுதாரர்கள் கோரியுள்ளனர்.
இந்த ராசியினர் 2025 இல் அசுர வேகத்தில் பணக்காரர் ஆகப்போகின்றார்கள்... பாபா வங்காவின் கணிப்பு Manithan
பிச்சைக்கார குடும்பத்தின் ஆடம்பர கொண்டாட்டம்: 20,000 பேருக்கு பரிமாறப்பட்ட அசைவ விருந்து! News Lankasri
குட் பேட் அக்லி படத்திற்கு பின் அஜித் இதை தான் செய்ய போகிறார்.. ரசிகர்களுக்கு காத்திருக்கும் ஷாக் Cineulagam
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
