லங்காசிறி FM
பிரித்தானியாவில் சிறப்பாக இடம்பெற்ற டேவிட் கிண்ண கரப்பந்தாட்ட சுற்றுப்போட்டி(Photos)
Chandramathi
in ஐக்கிய இராச்சியம்
பிரித்தானியாவில் நேற்று (12/02/2023) ஞாயிற்றுக்கிழமை டார்ட்ஃபொர்ட் கரப்பந்தாட்ட கழகத்தினால் ஒழுங்கமைக்கப்பட்ட டேவிட் கிண்ண கரப்பந்தாட்ட சுற்றுப்போட்டி சிறப்பாக இடம்பெற்றது.
இந்த போட்டி சவுத்தோலில் உள்ள Dormers Wells Leisure Center என்ற மைதானத்தில் மறைந்த கரப்பந்தாட்ட வீரன் டேவிட் அவர்களது நினைவாக நடாத்தப்பட்டது.
27 கழகங்கள்
இச்சுற்றுப்போட்டியில் பிரித்தானியாவில் உள்ள 27 கழகங்கள் பங்கு பற்றி சிறப்பித்திருந்தன.
இப்போட்டியில் 5 பேர் கொண்ட போட்டியும் 4 பேர் கொண்ட போட்டியும் தனித்தனியாக நடைபெற்றது.
இந்த போட்டியில் சிறப்பாக விளையாடி வெற்றியை தமதாக்கிய கழகங்கள் மற்றும் ஆட்ட நாயகர்கள்,ஆட்ட தொடர்நாயகர்கள் ஆகியோர் தெரிவு செய்யப்பட்டு, பரிசில்களும் வழங்கி கௌரவிக்கப்பட்டது.
வெற்றி பெற்றவர்களின் விபரம்
இதற்கமைய 5 பேர் கொண்ட கரப்பந்தாட்ட போட்டியில் முதலாம் இடத்தை எல்லாளன் கழகமும் இரண்டாம் இடத்தை தொய்யன் கழகமும் மூன்றாம் இடத்தை ஈழம் ஸ்ரார் கழகமும் பெற்றுக்கொண்டன.
5 பேர் கொண்ட கரப்பந்தாட்ட போட்டியின் போட்டி நாயகனாக எல்லாளன் கழகத்தை சேர்ந்த சுதன் என்பவருக்கும் 5 பேர் கொண்ட கரப்பந்தாட்ட போட்டியின் தொடர்நாயகனாக கைதடி குமரநகர் கழகத்தை சேர்ந்த நேசன் என்பவருக்கும் வழங்கப்பட்டது.
இதேவேளை 4 பேர் கொண்ட கரப்பந்தாட்ட போட்டியில் முதலாம் இடத்தை ஈழம்ஸ்ரார் கழகமும் இரண்டாம் இடத்தை தொய்யன் கழகமும் மூன்றாம் இடத்தை மில்லர் கழகமும் பெற்றுக்கொண்டன.
4 பேர் கொண்ட கரப்பந்தாட்ட போட்டியின் போட்டி நாயகனாக ஈழம்ஸ்ரார் கழகத்தை சேர்ந்த குமரன் என்பவருக்கும் 4 பேர் கொண்ட கரப்பந்தாட்ட போட்டியின் தொடர்நாயகனாக மில்லர் கழகத்தை சேர்ந்த பிரதீப் என்பவருக்கும் வழங்கப்பட்டது.
ஆண்டுக்கு 40,000 வெளிநாட்டவர்களுக்கு குடியுரிமை வழங்கும் சுவிட்சர்லாந்து: ஆனால் அவர்கள் யார் தெரியுமா? News Lankasri
ரோஹினியால் மனோஜிடம் நேருக்கு நேர் சிக்கிய ஜீவா- சிறகடிக்க ஆசை சீரியல் பரபரப்பான கதைக்களம் Cineulagam
