லங்காசிறி FM
வங்காள விரிகுடாவில் உருவாகும் புயல்! விடுக்கப்பட்டுள்ள அவசர எச்சரிக்கை
வங்காள விரிகுடா கடற்பரப்பில் இலங்கைக்குக் கிழக்கே உருவாகியுள்ள குறைந்த காற்றழுத்தப் பிரதேசம், மட்டக்களப்பிலிருந்து கிழக்கே சுமார் 650 கிலோமீற்றர் தொலைவில் நிலைகொண்டுள்ளதாக வளிமண்டலவியல் திணைக்களம் தெரிவித்துள்ளது.
குறித்த காற்றழுத்தப் பிரதேசம் வடமேற்குத் திசையில் நகர்ந்து, இலங்கையின் கிழக்குக் கரையிலிருந்து விலகிச் செல்லும் என எதிர்பார்க்கப்படுவதுடன், நாளை (15) தாழமுக்கமாக வலுவடையக்கூடிய சாத்தியம் காணப்படுகின்றது.
வானிலை முன்னறிவிப்புகள்
இதனைத் தொடர்ந்து, எதிர்வரும் நவம்பர் 16ஆம் திகதியளவில் மத்திய வங்காள விரிகுடா கடற்பரப்பில் புயலாக வலுவடையக்கூடும் என எதிர்வுகூறப்பட்டுள்ளது.
இதன்காரணமாக, இன்று (14) அதிகாலை 5.30 மணி முதல் மறு அறிவித்தல் வரை, வட அகலாங்குகள் 05°N முதல் 15°N வரையிலும், கிழக்கு நெட்டாங்குகள் 80°E முதல் 90°E வரையிலும் உள்ள ஆழ்கடல் பிரதேசங்களிலும், காங்கேசன்துறையிலிருந்து திருகோணமலை, பொத்துவில் ஊடாக ஹம்பாந்தோட்டை வரையான கரையோரப் பகுதிகளுக்கு அப்பால் உள்ள கடற்பரப்புகளிலும் கடற்றொழில் மற்றும் கடல் பயண நடவடிக்கைகளில் ஈடுபடுவதைத் தவிர்க்குமாறு அறிவுறுத்தப்பட்டுள்ளது.
மேலும், குறித்த கடற்பிரதேசங்களில் ஏற்கனவே தங்கியுள்ள கடற்றொழிலாளர்கள் மற்றும் கடற்பயணிகள் உடனடியாக அங்கிருந்து விலகி, பாதுகாப்பான இடங்களுக்குச் செல்லுமாறும் அறிவுறுத்தப்பட்டுள்ளனர்.
அத்துடன், வளிமண்டலவியல் திணைக்களத்தினால் வெளியிடப்படும் எதிர்கால வானிலை முன்னறிவிப்புகள் மற்றும் அறிவிப்புகள் தொடர்பில் தொடர்ந்தும் அவதானத்துடன் இருக்குமாறும் மீனவ சமூகத்தினரிடம் கோரிக்கை விடுக்கப்பட்டுள்ளது.
இடியுடன் கூடிய மழை
இதேவேளை, காங்கேசன்துறையிலிருந்து திருகோணமலை, மட்டக்களப்பு மற்றும் ஹம்பாந்தோட்டை ஊடாக காலி வரையான கரையோரத்திற்கு அப்பால் உள்ள கடற்பரப்புகளில் பல இடங்களில் மழை அல்லது இடியுடன் கூடிய மழை பெய்யக்கூடும்.
நாட்டைச் சூழவுள்ள கடற்பரப்புகளில் வடகிழக்கு அல்லது வடக்கு திசையிலிருந்து காற்று வீசக்கூடும் எனவும், காற்றின் வேகம் மணித்தியாலத்துக்கு 30 முதல் 40 கிலோமீற்றர் வரை காணப்படலாம் எனவும் தெரிவிக்கப்பட்டுள்ளது.
குறிப்பாக, காங்கேசன்துறையிலிருந்து திருகோணமலை மற்றும் மட்டக்களப்பு ஊடாக ஹம்பாந்தோட்டை வரையான கடற்பரப்புகளில் காற்றின் வேகம் அவ்வப்போது மணித்தியாலத்துக்கு 60 கிலோமீற்றர் வரை அதிகரிக்கக்கூடும்.
நாட்டைச் சூழவுள்ள ஏனைய கடற்பரப்புகளில் காற்றின் வேகம் அவ்வப்போது மணித்தியாலத்துக்கு 50 கிலோமீற்றர் வரை அதிகரிக்கக்கூடும் என வளிமண்டலவியல் திணைக்களம் மேலும் தெரிவித்துள்ளது.
you may like this..
பிரித்தானியாவிலிருந்து வெளியேற வாக்கெடுப்பு நடத்திய கிராமம்: ஏமாற்றத்தை அளித்துள்ள தகவல் News Lankasri
மைக்ரோசாஃப்ட் சேவை முடக்கம்... பிரித்தானியா முழுவதிலும் மருத்துவமனைகள், பாடசாலைகள் பாதிப்பு News Lankasri
ஹார்முஸ் முடக்கம்... லொறிகளில் கச்சா எண்ணெய் ஏற்றுமதியை முன்னெடுக்கும் மத்திய கிழக்கு நாடு News Lankasri
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
