மகிந்தவின் மகனுக்கு விதிக்கப்பட்டுள்ள தடை - உயர் நீதிமன்றில் சமர்ப்பிக்கப்பட்டுள்ள மிக முக்கிய ஆவணங்கள்!

வெளிநாட்டு வர்த்தக மாநாட்டில் கலந்துகொள்வதற்காக, தனக்கு விதிக்கப்பட்டுள்ள பயணத் தடையை தற்காலிகமாக நீக்குமாறு முன்னாள் ஜனாதிபதி மகிந்த ராஜபக்சவின் மகன் யோஷித ராஜபக்ச விடுத்த கோரிக்கையை கொழும்பு உயர் நீதிமன்றம் நிராகரித்துள்ளது. 

முன்னாள் கடற்படைத் தளபதி வசந்த கரன்னாகொட மற்றும் யோஷித ராஜபக்ச ஆகிய இருவரும் அரசாங்கத்திற்கு இழப்பை ஏற்படுத்தும் ஊழல் குற்றத்தைச் செய்ததாக குற்றம் சுமத்தப்பட்டுள்ளது. 

இந்நிலையில் இது தொடர்பில் உரிய அறிவிப்புகளைப் பெற்ற பின்னர் கொழும்பு உயர் நீதிமன்றத்தில் முன்னிலையாகுமாறு கொழும்பு பிரதான நீதிபதி அசங்க எஸ். பொதரகம முன்னதாக உத்தரவிட்டார். 

அரசாங்கத்திற்கு இழப்பு 

இலஞ்சம் அல்லது ஊழல் புலனாய்வு ஆணைக்குழு தாக்கல் செய்த முறைப்பாடு, நீதிமன்றத்தின் முன் விசாரணைக்கு எடுத்துக்கொள்ளப்பட்டபோது, ​​இருவருக்கும் எதிராக கொழும்பு உயர் நீதிமன்றத்தில் குற்றப்பத்திரிகைகள் தாக்கல் செய்யப்பட்டுள்ளதாக ஆணைக்குழு நீதிமன்றத்திற்குத் தெரிவித்தது.

அதன்படி, உரிய அறிவிப்புகளைப் பெற்ற பின்னர் சந்தேக நபர்களான இருவரையும் உயர் நீதிமன்றத்தில் முன்னிலையாகுமாறு அறிவிக்கும்படி இலஞ்ச ஒழிப்பு ஆணைக்குழு நீதிமன்றத்தைக் கோரியது, மேலும் முன்வைக்கப்பட்ட உண்மைகளைக் கருத்தில் கொண்ட நீதிபதி இந்த உத்தரவைப் பிறப்பித்தார்.

2006 செப்டெம்பர் 1ஆம் திகதி முதல் 2007 ஜூன் 8ஆம் திகதி வரையிலான காலகட்டத்தில், யோஷித ராஜபக்ச முறையான கல்வித் தகுதிகள் இன்றி கடற்படையில் சேர்க்கப்பட்டு, அவருக்கு பிரித்தானிய அரச இராணுவப் பயிற்சியும் வழங்கப்பட்டதாகவும், அதன் மூலம் அரசாங்கத்திற்கு இழப்பை ஏற்படுத்தி, அவருக்கு முறையற்ற ஆதாயத்தை வழங்கியதாகவும் இலஞ்ச ஆணைக்குழு குற்றம் சாட்டியுள்ளது. 

அரசின் உயர் அதிகாரிகளின் சொத்து விபரம் குறித்து எடுக்கப்பட்டுள்ள அதிரடி தீர்மானம்!

வெளிநாட்டுப் பயணம்..

கடந்த 31ஆம் திகதியன்று, இந்த பிரதிவாதிகளுக்கு எதிராக கொழும்பு உயர் நீதிமன்றத்தில் எட்டு குற்றச்சாட்டுகளின் கீழ் ஒரு வழக்கு தாக்கல் செய்யப்பட்டது. முதல் பிரதிவாதி வசந்த கரன்னாகொட மற்றும் இரண்டாவது பிரதிவாதி யோஷித கனிஷ்க ராஜபக்ச ஆவர்.

இதன்போது, இவ்வழக்கு தொடர்பாக 25 சாட்சிகளின் பெயர்களும் 47 ஆவணச் சான்றுகளும் சமர்ப்பிக்கப்பட்டுள்ளன.

மேலும், சந்தேக நபரான யோஷித ராஜபக்சவுக்காக முன்னிலையான சட்டத்தரணி ரவின் நுவரபக்ச, தனது கட்சிக்காரர் ஒரு வெளிநாட்டு வர்த்தக மாநாட்டில் கலந்துகொள்ள உள்ளதால், அவர் மீது விதிக்கப்பட்ட பயணத் தடையை தற்காலிகமாக நீக்குமாறு கடந்த வாரம் தாக்கல் செய்யப்பட்ட ஒரு சிறப்பு மனுவின் மூலம் கோரியிருந்ததாகத் தெரிவித்தார்.

இருப்பினும், உயர் நீதிமன்றத்தில் குற்றப்பத்திரிகைகள் தாக்கல் செய்யப்பட்டுள்ளதால், இந்தக் கோரிக்கையைப் பரிசீலிக்க இயலாது எனக் குறிப்பிட்ட தலைமை நீதிபதி, சம்பந்தப்பட்ட கோரிக்கையை உயர் நீதிமன்றத்தில் சமர்ப்பிக்குமாறு உத்தரவிட்டார்.

பரபரப்பாகும் தென்னிலங்கை அரசியல்! கடும் பீதியில் ராஜபக்ச குடும்பம், அரசியல் நட்புகள்

You May Like This..