கிளிநொச்சியில் இரண்டாம் காலாண்டுக்கான சிறுவர் அபிவிருத்திக் குழுக் கூட்டம்

கிளிநொச்சி மாவட்டத்தின் இரண்டாம் காலாண்டுக்கான சிறுவர் அபிவிருத்திக் குழுக் கூட்டமொன்று நடைபெற்றுள்ளது.

குறித்த கலந்துரையாடல் கிளிநொச்சி மாவட்ட பதில் அரசாங்க அதிபர் எஸ். முரளிதரனின் தலைமையில், மாவட்ட செயலக மாநாட்டு மண்டபத்தில் நேற்று(07.08.2024) காலை 10.00 மணிக்கு இடம்பெற்றுள்ளது.

முல்லைத்தீவில் மின்சாரம் தாக்கி இராணுவ வீரர் ஒருவர் உயிரிழப்பு

விசேட கலந்துரையாடல்

இதன்போது, கடந்த காலாண்டு கலந்துரையாடலில் இனங்காணப்பட்ட பிரச்சனைகள் தொடர்பில் மேற்கொள்ளப்பட்ட தீர்மானங்கள், அவற்றை நடைமுறைப்படுத்தியதனூடாக ஏற்பட்ட முன்னேற்றங்கள்,சிரமங்கள் தொடர்பாகவும் புதிதாக அடையாளப்படுத்தப்பட்ட பிரச்சனைகள் அவற்றுக்கான தீர்மானங்கள் குறித்தான விடயங்கள் கலந்துரையாடப்பட்டுள்ளன.

தற்போதைய சூழ்நிலையில் மாவட்ட ரீதியில் சிறுவர்கள் எதிர்கொள்ளும் பிரச்சினைகள் மற்றும் சிறுவர் அபிவிருத்தி தொடர்பான விடயங்களில் அதீத கவனம் செலுத்தப்பட்டுள்ளன.

அத்துடன், பாடசாலை மாணவர்களின் வரவு ஒழுங்கின்மை, இடைவிலகல் தொடர்பாக ஆராயப்பட்டு மாணவர்களின் மீளிணைப்பு செயற்பாடுகள் தொடர்பாக கலந்துரையாடப்பட்டுள்ளன.

இதேவேளை, முன்பள்ளிகளுக்கான காலை உணவு வழங்குதல், மாணவர்களின் போசாக்கு தொடர்பாகவும் சுகாதாரம், பிறப்புச் சான்றிதழ் தொடர்பான நடவடிக்கைகள், சிறுவர் கழக செயற்பாடுகள், சிறுவர் இல்லங்கள், கிராமிய சிறுவர் அபிவிருத்திக் குழு செயற்பாடுகள், தொடர்பான விடயங்கள் கலந்துரையாடப்பட்டுள்ளன.

இதனைவிட சட்டவிரோத செயற்பாடுகள், சிறுவர் பாதுகாப்பு மற்றும் துஸ்பிரயோகம், சிறுவர் தொழில்கள், பால்நிலை சார் வன்முறைகள், துறைசார்ந்து பணியாற்றுகின்ற அரச சார்பற்ற நிறுவனங்களின் செயற்பாடுகள் தொடர்பாகவும் கவனம் செலுத்தப்பட்டுள்ளன.

மேலும், பாலியல் வன்முறை தொடர்பில் பாதிக்கப்படுகின்ற நபர்களுக்கான உடனடி உதவிகளை விரைவாக பெற்றுக்கொடுப்பதற்கான சாத்தியமான வழிமுறைகள் ஆராயப்பட்டுள்ளதுடன் இவ்வுதவிகளை வழங்க புதிய நிறுவனங்கள் முன்வந்துள்ளன.

இக் கலந்துரையாடலில் மாவட்ட மேலதிக அரசாங்க அதிபர் (காணி) உதவி மாவட்ட செயலாளர், மாவட்ட அனர்த்த முகாமைத்துவ உதவிப்பணிப்பாளர்,உதவிபிரதேச செயலாளர்கள்,பிராந்திய உள்ளூராட்சி உதவி ஆணையாளர் அலுவலக உத்தியோகத்தர்கள், கல்வித் திணைக்கள அதிகாரிகள், பாடசாலை அதிபர்கள்,பொலிஸ் பொறுப்பதிகாரிகள், தொழில் திணைக்கள உத்தியோகத்தர்கள், எனப் பலரும் கலந்து கொண்டுள்ளனர்.

விதிமீறல் குற்றச்சாட்டு: இலங்கை வீரர் தகுதி நீக்கம்

ஒன்லைன் மூலம் பொருட்களை கொள்வனவு செய்த இருவர் கைது