வட்டுக்கோட்டை இளைஞன் விவகார வழக்கில் வழங்கப்படவுள்ள மரண விசாரணை தொடர்பான கட்டளை

Sri Lanka Police Jaffna Sri Lanka Magistrate Court Northern Province of Sri Lanka

By Theepan Dec 19, 2023 01:33 PM GMT

Theepan

in சமூகம்

Report

வட்டுக்கோட்டை இளைஞன் படுகொலை வழக்கில் மரண விசாரணை தொடர்பான கட்டளை எதிர்வரும் ஜனவரி 2ஆம் திகதி வழங்கப்படவுள்ளது.

யாழ்ப்பாணம் நீதவான் நீதிமன்றில் இன்றைய தினம் (19.12.2023) வழக்கு விசாரணைக்கு எடுத்துக் கொள்ளப்பட்ட போது, இறந்த நபரை மல்லாகம் நீதவான் நீதிமன்றத்தில் முற்படுத்திய பொலிஸார், வட்டுக்கோட்டை பொலிஸ் நிலைய பொறுப்பதிகாரி உள்ளிட்ட சிலர் மரண விசாரணையில் சாட்சியம் வழங்கியுள்ளார்.

ஒத்தி வைக்கப்பட்டுள்ள வழக்கு

இதேவேளை, மல்லாகம் நீதவான் நீதிமன்றத்தில் முற்படுத்த முன்னர் உயிரிழந்தவர் தொடர்பாக தெல்லிப்பழை சட்ட வைத்திய அதிகாரியால் அறிக்கை மேற்கொள்ளப்பட்டுள்ளது.

வட்டுக்கோட்டை இளைஞன் விவகார வழக்கில் வழங்கப்படவுள்ள மரண விசாரணை தொடர்பான கட்டளை | Case Regarding Vaddukoddai Youth Dead

மல்லாகம் நீதவான் நீதிமன்றத்தின் உத்தரவில், யாழ்ப்பாணம் போதனா வைத்தியசாலையில் உயிரிழந்த நபரை அனுமதித்தமை தொடர்பான மருத்துவ அறிக்கையை சமர்ப்பிக்க ஆவண செய்யுமாறு, நீதிமன்ற பதிவாளருக்கு யாழ்ப்பாணம் நீதவான் ஏ.ஏ.ஆனந்தராஜா உத்தரவிட்டுள்ளார்.

மரண விசாரணை தொடர்பான கட்டளை எதிர்வரும் ஜனவரி 2ஆம் திகதிக்கு வழக்கு ஒத்திவைக்கப்பட்டுள்ளது. வழக்கில் உயிரிழந்த இளைஞன் சார்பில் பெருமளவான சட்டத்தரணிகள் முன்னிலையாகியிருந்தனர்.

வட்டுக்கோட்டை பொலிஸாரினால் கைது செய்யப்பட்ட நாகராசா அலெக்ஸ் எனும் இளைஞன் சித்திரவதைகளுக்கு உள்ளான நிலையில் நவம்பர் 19ஆம் திகதி உயிரிழந்தமை குறிப்பிடத்தக்கது.