லங்காசிறி FM
ஞானசார தேரருக்கு எதிரான தீர்ப்பு விவகாரம்! நீதிமன்றம் பிறப்பித்த உத்தரவு
பொதுபல சேனா அமைப்பின் பொதுச்செயலாளர் ஞானசார தேரருக்கு எதிரான நீதிமன்றத் தீர்ப்பின் மேலதிக நடவடிக்கைகள் குறித்து ஆராய மேன்முறையீட்டு நீதிமன்றத்தில் குறித்த வழக்கு இன்று(29.09.2026) விசாரணைக்கு எடுத்துக் கொள்ளப்பட்டுள்ளது.
நீதிமன்ற அவமதிப்பின் பேரில் ஞானசார தேரருக்கு வழங்கப்பட்ட ஆறு வருட சிறைத்தண்டனை தொடர்பில் மைத்திரிபால சிரிசேன ஜனாதிபதியாக இருந்த காலத்தில் வழங்கப்பட்ட ஜனாதிபதி மன்னிப்பை உயர் நீதிமன்றம் அண்மையில் சட்டப்படி செல்லாது என தீர்ப்பளித்தது.
வழக்கை ஒத்தி வைக்க
அதனடிப்படையில் நீதிமன்ற அவமதிப்பு வழக்கில் வழங்கப்பட்ட தீர்ப்பை நடைமுறைப்படுத்துவது குறித்து மேன்முறையீட்டு நீதிமன்றத்தின் கருத்தைக் கோரி சட்டமா அதிபர் திணைக்களத்தால் மனுவொன்று தாக்கல் செய்யப்பட்டிருந்தது.
குறித்த மனு இன்று மேன்முறையீட்டு நீதிமன்றத்தில் விசாரணைக்கு எடுத்துக் கொள்ளப்பட்டது.
இதன்போது ஞானசார தேரர் நீதிமன்றத்தில் முன்னிலையாகியிருக்காத நிலையில், அவர் பித்தப்பை அறுவை சிகிச்சை காரணமாக மருத்துவமனையில் தங்கியிருப்பதாக தெரிவிக்கப்பட்டுள்ளது.
அத்துடன் தேவையேற்பட்டால் அவரை நீதிமன்றத்தில் முன்னிலைப்படுத்தத் தயாராக இருப்பதாக ஞானசார தேரர் சார்பில் முன்னிலையான சட்டத்தரணி நீதிமன்றத்தில் தெரிவித்திருந்தார்.
எனினும் ஞானசார தேரருக்கு வசதியான தருணமொன்றில் நீதிமன்றத்தில் முன்னிலையாக அனுமதி தருமாறும் அவர் வேண்டுகோள் விடுத்துள்ளார். அதனை சட்டமா அதிபர் திணைக்களமும் ஏற்றுக் கொண்டது.
அதனையடுத்து ஞானசார தேரர் நீதிமன்றத்தில் முன்னிலையாக தகுதியான மருத்துவ நிலையை அடையும் வரை வழக்கை ஒத்தி வைக்க உத்தரவிடப்பட்டுள்ளது.
ஜெயிலர் 2 பாக்ஸ் ஆபிஸில் வெற்றி பெற இத்தனை கோடி வசூல் வேண்டுமா.. மிகப்பெரிய இலக்கு! சாதிப்பாரா ரஜினிகாந்த் Cineulagam
அட்டகத்தி தினேஷின் காதலி இவர்தானா? ரசிகர்களை ஆச்சரியப்படுத்திய பிரபல தொகுப்பாளினியின் பதிவு! Manithan
பிரபல தொகுப்பாளினியை காதலிக்கும் லப்பர் பந்து புகழ் நடிகர் தினேஷ்... வெளிவந்த ஜோடியின் போட்டோஸ்... Cineulagam
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
