லங்காசிறி FM
இளங்குமரன் எம்.பிக்கு எதிரான வழக்கு: நீதிமன்றில் குற்றப்பத்திரம் தாக்கல்
கடந்த ஆண்டு நவம்பர் மாத இறுதியில் கிளிநொச்சியில் வெள்ள நிவாரணப் பணியில் ஈடுபட்டிருந்த கிராம சேவையாளரைத் தேசிய மக்கள் சக்தியின் யாழ்ப்பாணம் மாவட்ட நாடாளுமன்ற உறுப்பினர் க. இளங்குமரன் தாக்கினார் என்று கூறப்படும் விடயத்தை ஒட்டிய வழக்கில் குற்றப்பத்திரம் திறந்த நீதிமன்றத்தில் வாசித்துக் காட்டப்பட்டது.
இந்த நடவடிக்கை நேற்று(26.10.2026) இடம்பெற்றுள்ளதாக தெரிவிக்கப்பட்டுள்ளது.
கடமையில் இருந்த கிராம சேவையாளரைத் தாக்கியமை, கடமையில் இருந்த அரச ஊழியரைப் பணி செய்ய விடாமல் தடுத்தமை ஆகிய இரு குற்றச்சாட்டுகள் நேற்று(26) கிளிநொச்சி நீதிவான் நீதிமன்றத்தின் குற்றவாளிக் கூண்டில் நிறுத்தப்பட்டிருந்த அவருக்கு வாசித்துக் காட்டப்பட்டன.
நீதிமன்றத்தில் குற்றப்பத்திரம் தாக்கல்
இரண்டு குற்றச்சாட்டுகளிலும் தான் சுத்தவாளி என்று அவர் நீதிமன்றில் மறுத்துரைத்தார்.
இதனையடுத்து, இந்த விடயத்தை ஒட்டிய வழக்கை வரும் பெப்ரவரி 18ஆம் திகதி பிற்பகலில் விசாரணை செய்வதற்கு நீதிமன்றம் நேர நிர்ணயம் செய்துள்ளது.
கிளிநொச்சி நீதிவான் கிருஷாந்தன் முன்னிலையில் இந்த வழக்கு நேற்றைய தினம் எடுத்துக்கொள்ளப்பட்ட போதே மேற்கண்டவாறு நிர்ணயிக்கப்பட்டுள்ளது.
பாதிக்கப்பட்ட கிராம சேவையாளரின் சார்பில் ஜனாதிபதி சட்டத்தரணி எம்.ஏ.சுமந்திரன் நீதிமன்றில் முன்னிலையாகி இருந்தார்.
9 மாதங்கள் கழித்து மீண்டும் விசாரணை
இந்த வழக்கு இந்த ஆண்டு ஆரம்பத்தில் எடுத்துக்கொள்ளப்பட்டு, இது தொடர்பாக நடவடிக்கை எடுப்பதற்கு பொலிஸாருக்கு 9 மாத கால அவகாசம் வழங்கி நீதிமன்றம் வழக்கை ஒத்திவைத்திருந்தது.
ஆயினும் கடந்த செப்டெம்பர் 28ஆம் திகதி 9 மாதங்கள் கழித்து இந்த வழக்கு மன்றில் எடுத்துக் கொள்ளப்பட்ட போது பொலிஸ் தரப்பு வழக்குத் தொடர்பில் எந்த நடவடிக்கையும் எடுக்கவில்லை என்பதை ஜனாதிபதி சட்டத்தரணி சுமந்திரன் நீதிமன்றில் சுட்டிக்காட்டியிருந்தார்.
இதனையடுத்து, இந்த விடயத்தில் விரைந்து நடவடிக்கை எடுக்கப் பொலிஸாருக்கு உத்தரவிட்ட நீதிமன்றம், 3 வார காலம் அவகாசம் வழங்கி வழக்கை நேற்றைய தினத்துக்கு ஒத்திவைத்திருந்தது.
இந்த நிலையில், வழக்கு மீண்டும் எடுத்துக்கொள்ளப்பட்ட போது யாழ். மாவட்ட நாடாளுமன்ற உறுப்பினர் இளங்குமரனுக்கு எதிராக இரண்டு குற்றச்சாட்டுக்கள் அடங்கிய குற்றப்பத்திரத்தைப் பொலிஸார் மன்றில் தாக்கல் செய்திருந்தனர்.
குற்றங்கள் நிரூபணமானால்... தாமஸ் மெர்க்கலுக்கு 12 ஆண்டுகள் வரை சிறைத்தண்டனைக்கு வாய்ப்பு News Lankasri
தேர்தல் முடிய காத்திருக்கும் ட்ரம்ப்... மத்திய கிழக்கில் ரகசியமாகக் குவிக்கப்படும் இராணுவம் News Lankasri
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026