லங்காசிறி FM
இலங்கையின் சுதந்திர தினம் தமிழர்களுக்கு கரிநாள்: கவனயீர்ப்பு பேரணிக்கு அழைப்பு
இலங்கையின் சுதந்திர தினத்தை தமிழர்களின் கரிநாளாக பிரகடனப்படுத்தி கவனயீர்ப்பு பேரணிக்கான அழைப்பு விடுக்கப்பட்டுள்ளது.
மட்டக்களப்பில் இடம்பெற்ற ஊடகசந்திப்பில், மாவட்ட வலிந்து காணாமலாக்கப்பட்டவர்களின் சங்கத் அமலநாயகி அமல்ராஜ் மேற்கண்டவாறு தெரிவித்துள்ளார்.
இது தொடர்பில் அவர் மேலும் தெரிவித்த அவர்,
''தமிழ்த்தேசிய பற்றாளர்களே, எதிர்வரும் மாசி 4ம் திகதி, இலங்கை அரசாங்கம் தனது 75 வது சுதந்திர தினத்தினை கொண்டாடுகின்றது.
அச்சுறுத்தல் செயற்பாடு
இலங்கையின் ஆட்சியானது, காலனித்துவ ஆட்சியால், 1948 மாசி 4ஆம் திகதி சிங்கள ஆதிக்க அரசியல்வாதிகளின் கைகளில் ஒப்படைக்கப்பட்டதில் இருந்து தமிழர்கள் மற்றுமொரு சிங்கள ஆதிக்க சக்தியின் கீழ் அடிமையாக்கப்பட்டுள்ளார்கள்.
இதன்படி, இலங்கையில் தமிழர்கள் தொடர்ச்சியாக கொலை செய்யப்பட்டார்கள், தமிழர்களின் நிலங்கள் தொடர்ச்சியாக ஆக்கிரமிக்கப்படுகின்றன.
மேலும், தமிழர்கள் வலிந்து காணாமலாக்கப்பட்டதுடன், அவர்களை தேடி நீதி கோரும் அவர்களது உறவுகளும் சமூகச் செயற்பாட்டாளர்களும் ஊடகவியலாளர்களும் மட்டுமல்ல தமிழ் அரசியல் தலைவர்களும், நீதிபதிகளும் கூட அச்சுறுத்தப்படுகின்றனர், தாக்கப்படுகின்றனர்.
இதற்கமைய உள்நாட்டில் நீதி மறுக்கப்பட்டது. எமது உறவுகளை தேடும் உரிமை, வாழும் உரிமை, பேசும் உரிமை, வளங்களை அனுபவிக்கும் உரிமை, நீதி கோரும் உரிமை என்பன பயங்கரவாத தடைச்சட்டம், நிகழ்நிலை பாதுகாப்பு சட்டம் போன்றவற்றின் ஊடாகவும் இராணுவம், மகாவலி குடியேற்ற திட்டம் வன வள திணைக்களம் மற்றும் தொல்பொருள் திணைக்களம் என்பவற்றால் பறிக்கப்பட்டுள்ளன.
கவனயீர்ப்பு பேரணி
இவ்வாறு அடிமையாக வாழும் தமிழ் மக்களாகிய நாம், இலங்கையின் சுதந்திர தினத்தினை கரிநாளாக அனுஸ்டித்துவருகினறோம்.
எதிர்வரும் 04 பெப்ரவரி 2024 அன்று காலை 10.00 மணியளவில் கல்லடிப்பாலத்திலிருந்து காந்திப்பூங்காவரை கவனயீர்ப்பு பேரணி ஒன்றை வலிந்து காணாமல் ஆக்கப்பட்டவர்களின் உறவுகளின் சங்கம் மற்றும் பல்கலைக்கழக மாணவர்கள் இணைந்து ஏற்பாடு செய்துள்ளோம்.
இப்பேரணியில் கலந்து கொண்டு தமிழரின் அபிலாசைகளையும் தமிழ் மக்கள் எதிர்கொள்ளும் பிரச்சினைகளையும் சர்வதேசத்திற்கு வெளிப்படுத்துவோம் அனைவரும் வாரீர்" என்றார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
பிரித்தானிய அரசியலையே மாற்றும் என எதிர்பார்க்கப்படும் தேர்தல்: வாக்களிப்பு துவங்கியது... News Lankasri
ரொனால்டோவுக்கு அதிர்ச்சி கொடுத்த டிஆர் காங்கோ: ஃபிபா உலகக்கிண்ணத்தில் ரசிகர்கள் ஏமாற்றம் News Lankasri
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
