லங்காசிறி FM
பாதாள உலகக் குழுவுடன் தொடர்பில் இருந்த இளம் தம்பதி பாணந்துறையில் கைது..!
பாணந்துறை மற்றும் மொரட்டுவ பகுதிகளுக்கு ஐஸ் போதைப்பொருளை விநியோகிக்கும் ஒரு நுட்பமான போதைப்பொருள் கடத்தல் நடவடிக்கையில் ஈடுபட்டிருந்த இளம் தம்பதியினர், வலனாவில் மத்திய ஊழல் தடுப்பு நடவடிக்கைப் படையினரால் கைது செய்யப்பட்டுள்ளனர்.
இந்த நடவடிக்கை நேற்று(11.10.2026) முன்னெடுக்கப்பட்டுள்ளது.
இதன்போது, 1,651,901 மில்லிகிராம் ஐஸ் போதைப்பொருளும், போக்குவரத்திற்காகப் பயன்படுத்தப்பட்ட ஒரு மோட்டார் சைக்கிள் வாகனமும் பொலிஸாரால் மீட்கப்பட்டுள்ளது.
விசாரணையை திசைத்திருப்ப முயற்சி
வெளிநாட்டில் இருக்கும் "மொதரா அசிதா" என்ற முக்கிய போதைப்பொருள் கடத்தல்காரரின் வழிகாட்டுதலின் கீழ், இந்த சந்தேக நபர்கள் சில காலமாக இந்த மோசடியை செய்து வருவதாகவும் பொலிஸார் விசாரணையில் தெரியவந்துள்ளனர்.
இந்த நிலையில், கைது செய்யப்பட்ட சந்தேக நபர்கள், தனது இரண்டு வயது மகளுக்கு உடல்நலக்குறைவு காரணமாக சிகிச்சைக்காக அனுமதிக்கப்பட்டுள்ளதாகவும், அவரை பார்வையிடுவதற்காக தன்னை அழைத்துச் செல்ல வேண்டும் என்றும் பொலிஸாரிடம் கோரி, விசாரணையை திசைதிருப்ப முயற்சித்துள்ளதாக கண்டறியப்பட்டுள்ளது.
25 வயது இளம் தம்பதி கைது
வலனாவில் மத்திய ஊழல் தடுப்பு நடவடிக்கைப் பிரிவின் பொறுப்பாசிரியர், பிரதம ஆய்வாளர் இந்திக்க வீரசிங்கவுக்குக் கிடைத்த இரகசியத் தகவலின் பேரில், பணிப்பாளர், உதவி பொலிஸ் கண்காணிப்பாளர் ரோகன் ஒலுகலவின் உத்தரவுகளின் பேரில் இந்தச் சோதனை நடத்தப்பட்டுள்ளது.
இதற்காகப் புலனாய்வு அதிகாரிகளை நியமித்து இரகசியக் கண்காணிப்பு மேற்கொள்ளப்பட்டு, பின்னர் இந்தச் சோதனை நடத்தப்பட்டது.
கைது செய்யப்பட்டவர்கள், மொதரா, ஜயகத்புரவைச் சேர்ந்த 25 வயதான "மொதரா சீக்கோ" மற்றும் அவரது 21 வயதான மனைவி ஆவார். மேலதிக விசாரணைகளுக்காகச் சந்தேக நபர்கள் எகோட உயான பொலிஸ் நிலையத்தில் முன்னிலைப்படுத்தப்பட்டுள்ளனர்.
மேலும், தடுப்புக் காவல் உத்தரவுகள் பெறப்பட்டு, விரிவான விசாரணைகள் முன்னெடுக்கவுள்ளதாகவும் தெரிவிக்கப்பட்டுள்ளது.
Bigg Boss 10: இரண்டாவது குறும்படத்தினை வெளியிட்ட விஜய் சேதுபதி... வாயடைத்துப்போன போட்டியாளர்கள் Manithan
உண்மையாக நேசிக்கும் ரிஷப ராசிக்காரர்களின் மறுபக்கம் தெரியுமா? இவர்களை பிரிந்தால் இழப்பு உங்களுக்குத்தான்! Manithan
உக்ரைனிலிருந்து இறக்குமதி செய்யப்பட்ட முட்டைகள்: பிரித்தானியர்களுக்கு ஒரு எச்சரிக்கை செய்தி News Lankasri
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
