லங்காசிறி FM
இலங்கையில் பெண்களை அச்சுறுத்தும் மார்பகப் புற்றுநோய்: மருத்துவ நிபுணரின் முக்கிய எச்சரிக்கைகள்
இலங்கையில் ஆண்டுதோறும் சுமார் 6,000 பேருக்கு புதிதாக மார்பகப் புற்றுநோய் கண்டறியப்படுவதாக கொழும்பு தெற்கு போதனா மருத்துவமனையின் அறுவை சிகிச்சை நிபுணர் மருத்துவர் காஞ்சனா விஜேசிங்க தெரிவித்துள்ளார்.
இதன்படி, நாளொன்றுக்கு சராசரியாக 15 புதிய நோயாளிகள் அடையாளம் காணப்படுவதுடன், 3 உயிரிழப்புகளும் பதிவாவதாக அவர் குறிப்பிட்டார்.
அவர் மேலும் தெரிவிக்கையில் ,பெண்களாக இருப்பது மற்றும் வயது அதிகரிப்பது ஆகியவை மாற்றியமைக்க முடியாத முதன்மை ஆபத்துக் காரணிகளாகும்.
சிகிச்சை
இருப்பினும், உடல் பருமன், உடற்பயிற்சியின்மை, புகைபிடித்தல் மற்றும் தீங்கு விளைவிக்கும் இரசாயனங்கள் கொண்ட உணவுகளை உட்கொள்ளுதல் போன்ற மாற்றியமைக்கக்கூடிய காரணிகளும் புற்றுநோய் அபாயத்தை அதிகரிக்கின்றன.
மார்பகத்தில் கட்டிகள் தோன்றினாலும், மார்பகக் கட்டிகளில் சுமார் 99வீதமானவை புற்றுநோய் அல்லாதவை என்பது கண்டறியப்பட்டுள்ளது.தோலில் வீக்கம் அல்லது தோல் உள்நோக்கி இழுக்கப்படுதல் உள்ளிட்ட மாற்றங்கள் மற்றும் காம்பிலிருந்து இரத்தம் கசிதல் போன்றவை குணங்குறிகளாக இருக்கும்.
இந்தநிலையில், முடி கொட்டுதல், அறுவை சிகிச்சை மூலம் மார்பகத்தை இழத்தல், பெண்மையை இழந்துவிடுவோம் என்ற பயம் மற்றும் நோய் மீண்டும் மீண்டும் வரும் என்ற தவறான நம்பிக்கைகள் காரணமாகப் பலர் சிகிச்சையைத் தாமதப்படுத்துகின்றனர்.
இதனால், நோய் உடல் முழுவதும் பரவிய பின்னரே சிலர் மருத்துவ உதவியை நாடுகின்றனர். இருப்பினும், மார்பகப் புற்றுநோயை ஆரம்பத்திலேயே கண்டறிந்து, மருத்துவ மேற்பார்வையின் கீழ் உடனடியாகச் சிகிச்சை அளித்தால் அதை வெற்றிகரமாகக் குணப்படுத்த முடியும் என காஞ்சனா விஜேசிங்க குறிப்பிட்டார்.
அல்லைப்பிட்டி, பிரான்ஸ், France
12 Nov, 2011
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
