லங்காசிறி FM
தீவிர உடல்நலக்குறைவு! நாசாவிலிருந்து பூமியில் தரையிறங்கிய விண்வெளி வீரர்கள்
சர்வதேச விண்வெளி நிலையத்திலிருந்து நான்கு விண்வெளி வீரர்களும் பூமியில் பாதுகாப்பாக தரையிறங்கியுள்ளதாக தெரிவிக்கப்பட்டுள்ளது.
நாசாவின் (NASA) மைக் ஃபிங்கே (கெப்டன்), ஜீனா கார்ட்மேன், ஜப்பானின் கிமியா யுய் மற்றும் ரஷ்யாவின் ஒலெக் பிளாட்டோனோவ் ஆகிய நால்வரே பூமிக்குத் திரும்பியுள்ளனர்.
தீவிர உடல்நலக்குறைவு
சர்வதேச விண்வெளி நிலையத்தில் தங்கியிருந்த நான்கு விண்வெளி வீரர்கள், ஒருவருக்கு ஏற்பட்ட "தீவிர" உடல்நலக் குறைவு காரணமாக திட்டமிட்ட காலத்திற்கு ஒரு மாதத்திற்கு முன்பே அவசரமாக வெளியேற்றப்பட்டு, கலிபோர்னியா கடற்கரை அருகே கடலில் பாதுகாப்பாக இறங்கினர்.
நான்கு வீரர்களில் யாருக்கு உடல்நலக் குறைவு ஏற்பட்டது அல்லது என்ன நோய் என்பது குறித்த விபரங்களை நாசா அதிகாரப்பூர்வமாக வெளியிடவில்லை.
இருப்பினும், பாதிக்கப்பட்ட வீரர் தற்போது நலமுடனும், உற்சாகத்துடனும் இருப்பதாக நாசா நிர்வாகி ஜாரெட் ஐசக்மேன் தெரிவித்துள்ளார்.
இவர்கள் கடந்த 2025 ஆம் ஆகஸ்ட் முதலாம் திகதி விண்வெளி நிலையத்திற்குச் சென்றனர். பெப்ரவரி மத்தியில் திரும்ப வேண்டிய இவர்கள், மருத்துவக் காரணங்களால் ஜனவரியிலேயே திரும்பியுள்ளனர்.
மூன்று வீரர்களுடன் இயங்கும் சர்வதேச விண்வெளி நிலையம்
இந்த நால்வரின் வெளியேற்றத்தைத் தொடர்ந்து, சர்வதேச விண்வெளி நிலையம் தற்போது வெறும் மூன்று வீரர்களுடன் இயங்கி வருகிறது. அடுத்த குழு பெப்ரவரி மாதம் செல்லும் வரை இவர்கள் நிலையத்தைப் பராமரிப்பார்கள்.
1998 ஆம் ஆண்டு சர்வதேச விண்வெளி நிலையம் அமைக்கப்பட்ட பிறகு, மருத்துவக் காரணங்களுக்காக ஒரு குழு முழுமையாக வெளியேற்றப்படுவது இதுவே முதல் முறையாகும்.
இதற்கு முன்னதாக சோவியத் யூனியன் காலத்தில் 1985 மற்றும் 1987 ஆம் ஆண்டு மட்டுமே உடல்நலக் குறைவால் விண்வெளிப் பயணங்கள் பாதியில் நிறுத்தப்பட்டுள்ளன.
விண்வெளி நிலையத்தில் சில மருத்துவ உபகரணங்கள் இருந்தாலும், அங்கு தங்கிச் சிகிச்சை அளிக்க தகுதியான மருத்துவர் கிடையாது.
விண்வெளி வீரர்களுக்குத் தரப்படும் அடிப்படை முதலுதவி பயிற்சியைத் தாண்டி ஒரு தீவிரப் பிரச்சனை ஏற்படும்போது, பூமிக்குத் திரும்புவதே ஒரே தீர்வாக உள்ளது.
மூன்று முடிச்சு சீரியலில் ஹீரோவாக நடிக்கும் நியாஸ் கான் வாங்கும் சம்பளம்.. எவ்வளவு தெரியுமா Cineulagam
மீண்டும் பிளாக்பஸ்டர் இயக்குநருடன் இணையும் அஜித்.. இதற்காகதான் ரசிகர்கள் காத்திருக்கிறார்கள் Cineulagam
ஏழு மாதங்கள் மகா பெரிய போர்... அச்சத்தை உருவாக்கியுள்ள பிரெஞ்சு ஜோதிடக்கலைஞரின் கணிப்பு News Lankasri
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
நெடுந்தீவு மேற்கு, பாண்டியன்குளம், வவுனியா, வெள்ளவத்தை, பிரான்ஸ், France
03 Mar, 2022
Kuala Lumpur, Malaysia, உரும்பிராய், Ilford, United Kingdom
12 Mar, 2025
