டெங்கு நோய்ப் பரவலை தடுப்பதற்கு உரிய நடவடிக்கையை முன்னெடுக்குமாறு அறிவுறுத்தல்

Trincomalee Dengue Prevalence in Sri Lanka

By H. A. Roshan Oct 14, 2026 12:19 PM GMT

H. A. Roshan

in சமூகம்

Report

திருகோணமலை மாவட்டத்தில் எதிர்வரும் மழைக்காலத்தின்போது அதிகரிக்கக்கூடிய டெங்கு நோய்ப் பரவலைத் தடுப்பதற்கும், கட்டுப்படுத்துவதற்கும் உரிய நடவடிக்கைகளை முன்னெடுக்குமாறு மாவட்ட அரசாங்க அதிபர் டபிள்யூ.ஜி.எம். ஹேமந்த குமார தெரிவித்தார்.

அத்தோடு, பொறுப்புகளைப் புறக்கணித்துச் செயற்படும் அதிகாரிகளுக்கு எதிராகப் பதவி நிலை பாராது சட்ட நடவடிக்கை எடுக்கப்படும் எனவும் அவர் குறிப்பிட்டார்.

திருகோணமலை மாவட்டச் செயலகத்தில் நேற்று (13.10.2026) நடைபெற்ற விசேட கலந்துரையாடலின்போதே அவர் இதனைத் தெரிவித்தார்.

டெங்கு நோய்ப் பரவல்

டெங்கு நோய்ப் பரவல் தீவிரமடைந்த பின்னரோ அல்லது ஆபத்து அதிகரித்த பின்னரோ அதனைக் கட்டுப்படுத்துவதற்கான நடவடிக்கைகளை மேற்கொள்வதில் பயனில்லை., முன்கூட்டியே உரிய தீர்மானங்களை எடுத்து தடுப்பு நடவடிக்கைகளை முன்னெடுப்பதே சிறந்த அணுகுமுறையாகும் எனவும் அவர் மேலும் குறிப்பிட்டார்.

சுகாதார அறிக்கைகளின்படி, திருகோணமலை மற்றும் உப்புவெளி ஆகிய பகுதிகள் டெங்கு நோய் அதிக ஆபத்துள்ள பகுதிகளாக அடையாளம் காணப்பட்டுள்ளன.

டெங்கு நோய்ப் பரவலை தடுப்பதற்கு உரிய நடவடிக்கையை முன்னெடுக்குமாறு அறிவுறுத்தல் | Appropriate Measures Spread Of Dengue Fever