லங்காசிறி FM
மக்களிடம் இருந்து நிதியைச் சுரண்டும் அநுர அரசு - ஆனந்த பாலித்த பகிரங்க குற்றச்சாட்டு
அதிகாரத்துக்கு வருவதற்கு முன்னர் கப்பலிலிருந்து இறக்கப்படும் அதே குறைந்த விலைக்கு மக்களுக்கு எரிபொருளை வழங்குவோம் என்றும், விலை சூத்திரங்களை அகற்றி வெளிப்படைத் தன்மையை ஏற்படுத்துவோம் என்றும் வாக்குறுதி அளித்த தற்போதைய ஆட்சியாளர்கள், இன்று மக்களிடம் இருந்து பல்வேறு வழிகளில் நிதியைச் சுரண்டி வருகின்றனர் என்று ஐக்கிய மக்கள் சக்தியின் ஒன்றிணைந்த தொழிற்சங்கக் கூட்டமைப்பின் ஒருங்கிணைப்பாளர் ஆனந்த பாலித்த தெரிவித்துள்ளார்.
எரிபொருள் விலை உயர்வைத் தொடர்ந்து நேற்று(02.10.2026) ஊடகங்களுக்குக் கருத்துத் தெரிவிக்கும்போதே மேற்கண்டவாறு குறிப்பிட்டுள்ளார்.
வரிகள் மூலம் பெறப்பட்ட நிதி
மேலும் தெரிவிக்கையில், "உலக நிலவரங்களையும் பிராந்திய மோதல்களையும் காரணம் காட்டி, கையிருப்பில் உள்ள பழைய எரிபொருள் இருப்புகளுக்கு அரசு தன்னிச்சையாக விலையை உயர்த்தியுள்ளது.
பெற்றோலியக் கூட்டுத்தாபனமும் அரசும் இணைந்து வெளிநாட்டுத் தனியார் நிறுவனங்கள் அதிக இலாபம் ஈட்டுவதற்கு வழிவகுத்து, மக்களிடம் இருந்து மறைமுகமாகப் பணத்தைப் பறித்து வருகின்றன.
மின்சாரக் கட்டணம் மற்றும் எரிபொருள் விலையை உயர்த்தும் ஒவ்வொரு சந்தர்ப்பத்திலும், பெருந்தொகையை மானியமாக வழங்குவதாக அரசு போலி மாயையைத் தோற்றுவிக்கின்றது.
ஆனால், மக்களின் கைகளிலிருந்து வரிகள் மூலம் பெறப்பட்ட நிதியையே மீண்டும் மானியம் என்ற பெயரில் காட்டி, மக்கள் மீது இரட்டைச் சுமையைச் சுமத்துகின்றது.
மறைமுக சுரண்டல்கள்
நிலக்கரி கொள்முதலில் இடம்பெற்ற கோடிக்கணக்கான ஊழல்கள் மற்றும் முறைகேடான ஒப்பந்தங்களால் ஏற்பட்ட பெரும் நிதி இழப்புக்களை மூடிமறைக்கவும், அமைச்சர்கள் மற்றும் அதிகாரிகளைப் பாதுகாப்பதற்கவுமே இவ்வாறான சுமைகள் மக்கள் மீது சுமத்தப்படுகின்றன.
முறையான விலை ஒழுங்குமுறை குழுவொன்றை நியமிக்காமல், தன்னிச்சையான கடிதங்கள் மூலம் சட்டவிரோதமாக விலைகள் உயர்த்தப்பட்டு வருகின்றன.
தேர்தல் காலத்தில் திருகோணமலை எண்ணெய் தாங்கிகளைப் பயன்படுத்தி குறைந்த விலையில் எரிபொருள் வழங்குவதாகப் பேசிய தலைவர்கள், தற்போது மக்களை மீண்டும் மீண்டும் ஏமாற்றி வருகின்றனர்.
எனவே, அரசு உடனடியாக இத்தகைய மறைமுக சுரண்டல்களை நிறுத்திவிட்டு, வெளிப்படைத்தன்மையான விலைச்சூத்திரத்தை நடைமுறைப்படுத்துவதுடன், சுமையற்ற வகையில் மக்களுக்கு நிவாரணங்களை வழங்க வேண்டும்" என்றும் குறிப்பிட்டுள்ளார்.
முல்லைத்தீவு, கொய்யாத்தோட்டம், யாழ்ப்பாணம், Toronto, Canada
01 Oct, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026