நீண்டகாலம் தடுத்து வைக்கப்பட்டுள்ள மாணவர்.. நீதிமன்றில் பதிலளிக்க முடியாமல் திணறிய பொலிஸார்

Sri Lanka Police Israel Supreme Court of India

By Sajithra Jul 09, 2025 03:17 PM GMT

Sajithra

Report

பயங்கரவாதத் தடுப்புச் சட்டத்தின் (PTA) கீழ் கிட்டத்தட்ட ஒன்பது மாதங்கள் தடுத்து வைக்கப்பட்டிருந்த, 21 வயதான விமானப் போக்குவரத்து மாணவர் முகமது ரிஃபாய் முகமது ஸுஹைல் எந்தக் குற்றமும் செய்யவில்லை என்று தெஹிவளை பொலிஸார் (9) மவுண்ட் லெவினியா நீதிமன்றத்திற்குத் தெரிவித்துள்ளனர்.

இந்நிலையில், எந்தக் குற்றமும் செய்யாத குறித்த மாணவன் ஒன்பது மாதங்கள் தடுத்து வைக்கப்பட்டிருந்தார் என நீதிமன்றம் எழுப்பிய கேள்விக்கு பதிலளிக்க முடியாமல் பொலிஸார் திணறியதாக தெரிவிக்கப்படுகின்றது.

சமூக நீதி சட்டத்தரணிகள் கூட்டமைப்பின் கூற்றுப்படி, தெஹிவளை பொலிஸ் பொறுப்பதிகாரி, ஸுஹைலுக்கு பிணை வழங்குவதில் காவல்துறை பொலிஸாருக்கு எந்த ஆட்சேபனையும் இல்லை என்றும், விசாரணையின் போது ஸுஹைலுக்கு எதிராக எந்த ஆதாரமும் கிடைக்கவில்லை என்பதையும் ஒப்புக்கொள்வதாகவும் நீதிமன்றத்தில் தெரிவித்துள்ளார்.

இன்ஸ்டாகிராம் பதிவு

மாவனெல்லாவைச் சேர்ந்த ஸுஹைல், கடந்த 2024 ஒக்டோபரில் முதன்முதலில் தெஹிவளையில் உள்ள இஸ்ரேலிய தூதரக வளாகத்திற்கு அருகில் கைது செய்யப்பட்டார்.

நீண்டகாலம் தடுத்து வைக்கப்பட்டுள்ள மாணவர்.. நீதிமன்றில் பதிலளிக்க முடியாமல் திணறிய பொலிஸார் | Anti Israel Post Mohamed Rifai Mohamed Suhail Case

ஆரம்பத்தில் தனது தேசிய அடையாள அட்டையை எடுத்துச் செல்லாததற்காக தடுத்து வைக்கப்பட்டிருந்தாலும், அதைக் காட்டிய பின்னர் நீதிமன்றத்தால் விடுவிக்கப்பட்டார்.

பின்னர், இஸ்ரேலிய கொடி மிதிக்கப்படுவதைக் காட்டும் இன்ஸ்டாகிராம் பதிவின் அடிப்படையில் பயங்கரவாதத் தடைச் சட்டத்தின் கீழ் மீண்டும் கைது செய்யப்பட்டார்.

இவ்வழக்கில், இன்று விசாரணையின் போது, எந்த குற்றமும் நடக்கவில்லை என்றால், ஸுஹைல் ஏன் இவ்வளவு காலம் தடுத்து வைக்கப்பட்டிருந்தார் என்று மஜிஸ்திரேட், பொலிஸாரிடம் கேள்வி எழுப்பியதாக கூறப்படுகிறது.

இந்நிலையில், பயங்கரவாத தடைச் சட்டத்தின் கீழ் பிணை வழங்க நீதிமன்றத்திற்கு அதிகாரம் இல்லை என்றும், இது தொடர்பில் முன்னதாகவே சட்டமா அதிபரிடம் கலந்து ஆலோசிக்காததற்காக பொலிஸாரை அவர் விமர்சித்ததாகவும் கூறப்படுகின்றது.