இஸ்ரேலுக்கு எதிராக எழும் சர்வதேசம் : சமூக ஊடகங்களில் எதிர்ப்பை வெளியிடும் மக்கள்

பாலஸ்தீனத்தின் மீதான தாக்குதல் தீவிரமடைந்து தற்போது, ராஃபா எல்லையில் இஸ்ரேல் கொடூர தாக்குதலை தொடுத்து வருகிறது.

இந்நிலையில், 'All Eyes on Rafah' எனும் வார்த்தையை உலககெங்கிலும் உள்ள மக்கள் மத்தியில் குறிப்பாக பிரபலங்களும் சமூக ஊடகங்களில் பதிவிட்டு தமது எதிர்ப்பை வெளியிட்டு வருகின்றனர்.

200 நாட்களுக்கும் மேலாக இஸ்ரேல் ராணுவம், ஹமாஸ் அமைப்பை அழிப்பதற்காக காசாவில் உள்ள பாலஸ்தீன மக்கள் மீது தாக்குதலை தொடுத்து வருகிறது. இதில் 35 ஆயிரத்திற்கும் அதிகமான மக்கள் உயிரிழந்துள்ளனர்.

போர் காரணமாக காசாவுக்குள் நிவாரண பொருட்கள் எதுவும் வரவில்லை. இதனால் உணவு, குடிநீர் தேடி எகிப்து எல்லையான ராஃபாவில் பாலஸ்தீன மக்கள் குவிந்துள்ளனர்.

ராஃபா எல்லையை கடந்துவிட்டால் எகிப்துக்கு சென்றுவிடலாம். ஆனால், எகிப்து பாலஸ்தீன மக்களை அனுமதிக்கவில்லை. இருப்பினும், அம்மக்களுக்கு தேவையான அனைத்து அடிப்படை தேவைகளையும் எகிப்து செய்து வருகிறது.

ராஃபா எல்லையில் தாக்குதல்

உலக நாடுகள் அனுப்பும் மருந்துகளும், உணவும் எகிப்து வழியாக ராஃபா எல்லைக்கு அருகில் குவித்து வைக்கப்பட்டிருக்கின்றன. இந்நிலையில் அண்மையில் இஸ்ரேல் பாதுகாப்புப்படை, ராஃபா எல்லையில் தாக்குதல் நடத்தியுள்ளது.

இதில், 35 பேர் பலியாகியுள்ளனர். இந்த தாக்குதலுக்கு எதிராக உலகம் முழுவழுதும் பிரபலங்கள் மற்றும் மக்கள் கொதித்தெழுந்து வருகிறார்கள்.

ஆக்கிரமிக்கப்பட்ட பாலஸ்தீனப் பகுதிகளின் உலக சுகாதார அமைப்பு அலுவலகத்தின் இயக்குநர் ரிக் பீபர்கார்ன்தான் முதன் முதலில் இந்த வாக்கியத்தை பயன்படுத்தினார்.

அதனை தொடர்ந்து இந்தியாவின் பிரபல சினிமா நட்சத்திரங்கள், இந்தியாவில் உள்ள ஈரான் தூதரகம் தொடங்கி சர்வதேச பிரபலங்கள் வரை இந்த வார்த்தையை பயன்படுத்த தொங்கியுள்ளனர்.

தமிழர்கள் பலமானால் பலஸ்தீனத்திற்கு அடுத்து தமிழர் தேசமா..!

இலங்கை வந்த பிரித்தானிய பெண்ணுக்கு காத்திருந்த அதிர்ச்சி