லங்காசிறி FM
தேசிய மட்டச் சதுரங்கப் போட்டியில் கரவெட்டி மாணவன் ஆஜீத் சாதனை - சர்வதேசத் தகுதிகாண் சுற்றுக்குத் தெரிவு
இலங்கைப் பாடசாலைகள் சதுரங்க சங்கம் நடத்திய 2026ஆம் ஆண்டுக்கான தேசிய மட்டத் தனிநபர் சதுரங்கப் போட்டியில் 5 வெற்றிகளைக் குவித்து, சர்வதேசப் போட்டிகளுக்கான தகுதிகாண் சுற்றுக்குத் தெரிவாகி யாழ். வடமராட்சி - கரவெட்டியைச் சேர்ந்த சிறுவன் நிசாந்தன் ஆஜீத் அபார சாதனை படைத்துள்ளார்.
இந்தத் தேசிய மட்டச் சதுரங்கப் போட்டிகள் கடந்த 23, 24 மற்றும் 25ஆம் திகதிகளில் இடம்பெற்றன.
மிகச் சிறப்பான திறமையை வெளிப்படுத்திய மாணவன்
இறுதிச்சுற்றில், 6 வயதுக்குட்பட்ட ஆண்களுக்கான பிரிவில் வடக்கு மாகாணத்தைப் பிரதிநிதித்துவப்படுத்திப் பங்கேற்ற கரவெட்டி மாணிக்கவாசகர் வித்தியாலயத்தைச் சேர்ந்த மாணவன் நிசாந்தன் ஆஜீத் மிகச் சிறப்பான திறமையை வெளிப்படுத்தினார்.
நடைபெற்ற மொத்தம் 7 சுற்றுகளில் 5 சுற்றுகளில் அபார வெற்றியீட்டி 'மெரிட்' பட்டியலில் இடம் பிடித்தார். இதன் மூலம் எதிர்வரும் சர்வதேச சதுரங்கப் போட்டிகளுக்கான தகுதிகாண் சுற்றுகளில் பங்கேற்கும் வாய்ப்பையும் அவர் தனதாக்கிக் கொண்டார்.
திறமையான பயிற்றுவிப்பு மற்றும் வழிகாட்டல்
செல்வன் பெனியல் மற்றும் செல்வன் ஆற்றலன் ஆகியோரின் திறமையான பயிற்றுவிப்பு மற்றும் வழிகாட்டலின் கீழேயே நிசாந்தன் ஆஜீத் இந்தச் சாதனையைப் படைத்துள்ளார் என்பது குறிப்பிடத்தக்கது.
சிறுவயதிலேயே தேசிய மட்டத்தில் சாதனை படைத்து சர்வதேசத் தகுதிகாண் சுற்றுக்குத் தெரிவாகியுள்ள மாணவன் நிசாந்தன் ஆஜீத்தை பாடசாலைச் சமூகத்தினரும், சதுரங்க வீரர்களும், பிரதேச மக்களும் பாராட்டி வாழ்த்துகளைத் தெரிவித்து வருகின்றனர்.
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
