பிரதமர் மோடியின் விசேட அழைப்பு.. நாளை இந்தியா புறப்படும் ஜனாதிபதி அநுர

Anura Kumara Dissanayaka Narendra Modi President of Sri lanka

By Sajithra Feb 16, 2026 12:39 PM GMT

Sajithra

in அரசியல்

Report

இந்திய பிரதமர் நரேந்திர மோடியின் விசேட அழைப்பிற்கு இணங்க, ஜனாதிபதி அநுரகுமார திசாநாயக்க நாளை (17) மாலை இந்தியாவுக்கு விஜயம் மேற்கொள்கின்றார்.

இந்தியாவில் இடம்பெறும், AI Impact Summit 2026 மாநாட்டில் பங்கேற்பதற்காக அவர் இந்த உத்தியோகபூர்வ விஜயத்தை முன்னெடுக்கவுள்ளார்.

செயற்கை நுண்ணறிவை (AI) மனிதகுலத்தின் நன்மைக்காகப் பொறுப்புணர்வுடன் பயன்படுத்துவதை நோக்கமாகக் கொண்டு, இந்தியப் பிரதமர் நரேந்திர மோடியின் தலைமையில் இந்த மாநாடு நடைபெறவுள்ளது.

அநுரவின் உரை

இந்த மாநாட்டில் ஜனாதிபதி அநுர குமார திசாநாயக்க எதிர்வரும் 19ஆம் திகதி உரையாற்றவுள்ளார்.

பிரதமர் மோடியின் விசேட அழைப்பு.. நாளை இந்தியா புறப்படும் ஜனாதிபதி அநுர | Ai Impact Summit 2026 India Anura Kumara Visits

ஐந்து நாட்கள் நடைபெறவுள்ள இந்த மாநாட்டில் 20 நாடுகளின் அரச தலைவர்களும், 45இற்கும் மேற்பட்ட நாடுகளின் பிரதிநிதிகளும் பங்கேற்கவுள்ளனர்.

அத்துடன், செயற்கை நுண்ணறிவுத் தொழில்நுட்பத்தின் எதிர்கால முன்னெடுப்புகள் மற்றும் உலகளாவிய சவால்களை முறியடிக்க அதனை எவ்வாறு பயன்படுத்தலாம் என்பது குறித்து இங்கு விரிவாகக் கலந்துரையாடப்படவுள்ளது.

இந்த இந்திய விஜயத்தின் போது, ஜனாதிபதி இந்தியப் பிரதமர் நரேந்திர மோடி உள்ளிட்ட பல நாட்டுத் தலைவர்களுடன் இருதரப்புப் பேச்சுவார்த்தைகளை நடத்தவுள்ளார் என அறவிக்கப்பட்டுள்ளது.