லங்காசிறி FM
பச்சிலைப்பள்ளியில் 5 அம்சக் கோரிக்கைகளை முன்வைத்து குடும்பஸ்தர் ஒருவர் உண்ணாவிரதப் போராட்டம்!
கிளிநொச்சி - பச்சிலைப்பள்ளி, வண்ணங்கேணி பகுதியில் குடும்பஸ்தர் ஒருவர் 5 அம்சக் கோரிக்கைகளை வலியுறுத்தி, சாகும்வரையிலான உண்ணாவிரதப் போராட்டம் ஒன்றை ஆரம்பித்துள்ளார்.
பொதுமக்கள் ஆதரவுடன் இன்றைய தினம்(25.06.2026) காலை 8:00 மணியளவில், ஒரு துளி நீர் கூட அருந்தாமல் குறித்த குடும்பஸ்தர் தனது சாகும்வரையிலான உண்ணாவிரதப் போராட்டத்தைத் தொடங்கியுள்ளார்.
5 அம்சக் கோரிக்கை
இந்த கவனயீர்ப்புப் போராட்டத்தில் ஈடுபட்டுள்ள குடும்பஸ்தர் முன்வைத்துள்ள 5 அம்சக் கோரிக்கைகளுள்,
விவசாயத்திற்காக ஒதுக்கப்பட்ட காணியைப் பிரிவு செய்து, எஞ்சிய நிலத்தில் இயற்கை எருக்களைப் (சாணம்) பயன்படுத்தி விவசாயம் செய்வதற்குரிய வழிவகைகளை ஏற்படுத்திக் கொடுக்க வேண்டும்.
இந்தப் பகுதியில் பின்தங்கிய சொத்தாகக் காணப்படும் 500 ஏக்கர் காட்டு நிலத்தில், 50 ஏக்கர் காணியை முதலீட்டு நடவடிக்கைகளுக்காக விடுவிக்க வேண்டும்.
அத்துடன், எமது கிராம மக்களுக்குப் பகிர்ந்தளிப்பதற்காகப் பச்சிலைப்பள்ளி பிரதேச செயலகத்தில் பதிவு செய்துள்ள மக்களுக்கு அதனை எந்தவித பாகுபாடுமின்றிப் பகிர்ந்தளிக்க வேண்டும்.
எமது கிராமத்தின் அபிவிருத்தி நடவடிக்கைகளுக்குப் பல்வேறு வழிகளிலும் முட்டுக்கட்டையாக இருப்பதுடன், விவசாயத்தை வளர்க்க விடமாட்டோம் எனக் கூறும் எமது கிராம உத்தியோகத்தரை (கிராம சேவையாளர்) உடனடியாக இடமாற்றம் செய்ய வேண்டும்.
போதைப்பொருள் பாவனையற்ற கிராமம்
போதைப்பொருள் பாவனையற்ற, ஒரு அழகான விவசாயக் கிராமத்தை உருவாக்குவதற்கு நாம் அனைவரும் ஒன்றிணைய வேண்டும்.
அரசாங்கத்தினால் எமக்காக அமைக்கப்பட்டு வரும் சமூகக் கட்டமைப்பு முறையான பயன்பாட்டிற்குக் கொண்டு வரப்பட வேண்டும்.
அத்தோடு, அரசு ஊழியர்கள் சிலர் மேற்கொள்ளும் சாதிவாதம், மொழிவாதம் மற்றும் இனவாதம் போன்ற பாகுபாடுகளை உடனடியாக நிறுத்த வேண்டும் ஆகியவை உள்ளடங்குகின்றன.
இந்த வரலாற்று முக்கியத்துவம் வாய்ந்த கவனயீர்ப்புப் போராட்டத்திற்கு ஆதரவு தெரிவிக்கும் வகையில், அந்தப் பகுதி மக்கள், சமூக ஆர்வலர்கள் மற்றும் பொதுமக்கள் எனப் பலரும் போராட்டம் நடைபெறும் இடத்திற்கு வருகை தந்து தங்களது ஆதரவை வழங்கி வருகின்றனர்.
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
