ஐ.நா அகதிகள் ஒப்பந்தத்திற்கு 75 ஆண்டுகள் நிறைவு

இரண்டாம் உலகப் போரின் பேரழிவுகளுக்குப் பிறகு, போர் மற்றும் அடக்குமுறைகளில் இருந்து தப்பிப் பிழைக்கும் மக்களுக்கு அடைக்கலம் அளிப்பதற்காக உருவாக்கப்பட்ட 1951-ஆம் ஆண்டின் ஐ.நா. அகதிகள் ஒப்பந்தம் தனது 75ஆவது ஆண்டை நிறைவு செய்கிறது.

உலகளவில் இலட்சக்கணக்கான உயிர்களைக் காப்பாற்றிய இந்த வரலாற்றுச் சிறப்புமிக்க ஒப்பந்தம், சர்வதேச அளவில் தஞ்சம் கோருபவர்களின் உரிமைகளை உறுதிசெய்கிறது.

போயிங் 737 மேக்ஸ் விமானங்கள்: இருக்கைகளைப் பரிசோதிக்க அமெரிக்க வான்வெளி நிர்வாகம் எச்சரிக்கை!

ஐ.நா அகதிகள் ஒப்பந்தம்

எனினும், தற்போது உலகம் முழுவதும் 4.1 கோடிக்கும் அதிகமான மக்கள் கட்டாயமாக இடம்பெயர்ந்து அகதிகளாக வாழ்ந்து வருகின்றனர்.

அமெரிக்க ஜனாதிபதி டொனால்ட் ட்ரம்ப்பின் புதிய கொள்கைகள் மற்றும் பல்வேறு நாடுகளின் கட்டுப்பாடுகள் காரணமாக இந்த ஒப்பந்தத்தின் மீதான மதிப்பு சவாலுக்கு உள்ளாகியுள்ளது.

இந்தச் சூழலில், இந்த ஒப்பந்தம் மூலம் பயனடைந்த மற்றும் இன்னும் பாதுகாப்பற்ற சூழலில் வாழும் 6 அகதிகள் தங்களின் அனுபவங்களைப் பகிர்ந்து கொண்டுள்ளனர்.

மனித உரிமைகள் வழக்கறிஞரான ஹுவான் கார்லோஸ் ஆர்சே, நிக்கரகுவா அரசின் அடக்குமுறைகளில் இருந்து தப்பி கோஸ்டாரிகாவிற்குச் சென்று, பின்னர் ஐ.நா. உதவியுடன் ஸ்பெயினில் தஞ்சம் புகுந்து பாதுகாப்பான வாழ்க்கையை வாழ்ந்து வருகிறார்.

நீதியரசர்களின் ஓய்வு வயதை கூட்டுவது நீதித்துறைச் சுதந்திரத்தில் தலையிடும் செயல் - சுமந்திரன்

இரண்டாம் உலகப் போர்

சூடான் உள்நாட்டுப் போரினால் பெற்றோரால் எகிப்திற்கு அகதியாகக் கொண்டு செல்லப்பட்ட வென்யென் கேப்ரியல், பின்னர் அமெரிக்காவில் குடியேறி பிரபல NBA கூடைப்பந்து வீரராகவும், ஐ.நா. அகதிகள் முகமையின் (UNHCR) தூதுவராகவும் உயர்ந்துள்ளார்.

இரண்டாம் உலகப் போரின் போது நாஜிக்களிடம் இருந்து தப்பிக்கக் குகையில் பிறந்த ஹெர்ஷல் க்ரீன்பிளாட், போருக்குப் பின் அமெரிக்காவில் குடியேறினார்.

அக்காலத்தில் அகதிகளுக்குக் கிடைத்த ஆதரவு தற்காலத்தில் குறையும் சூழல் குறித்து இவர் கவலை தெரிவிக்கிறார். சையத் ஆலம் மியான்மர் இராணுவத்தின் இன அழிப்பு நடவடிக்கையில் இருந்து தப்பி வங்கதேச அகதிகள் முகாமில் தங்கியுள்ளார்.

வங்கதேசம் இந்த ஐ.நா. ஒப்பந்தத்தில் கையெழுத்திடாததால், வன்முறைகளும் இயற்கைப் பேரிடர்களும் நிறைந்த முகாம்களிலேயே இன்றும் பாதுகாப்பற்ற சூழலில் வாழ்ந்து வருகிறார்.

வெளிநாட்டில் சிக்கிய ஆபத்தான நபர் - இலங்கையில் பெண்கள் தமைமையில் செயற்படும் குழு

நாடுகடத்தாமை கொள்கை

1948 போரில் பாலஸ்தீனத்தில் இருந்து தப்பி லெபனான் சென்ற ஹுஸ்னியா அகமத் கோஸ்லான், 70 ஆண்டுகளுக்கும் மேலாக லெபனான் முகாமிலேயே கல்வியறிவு மற்றும் முறையான சட்டப் பாதுகாப்பு இன்றி வாழ்ந்து வருகிறார்.

சிரியாப் போரிலிருந்து தப்பி, கடலில் மூழ்கிய படகை நீந்தியே கரைசேர்த்து ஜெர்மனியில் தஞ்சம் அடைந்த யுஸ்ரா மார்டினி, பின்னர் ஒலிம்பிக் போட்டியில் பங்கேற்றுள்ளார்.

தற்போது போர் முடிவுக்கு வந்துள்ள சூழலில் தனது தாய்நாட்டின் மறுசீரமைப்பிற்கு உதவ விருப்பம் தெரிவித்துள்ளார். ஒரு நபர் தனது சொந்த நாட்டிற்குத் திரும்ப அனுப்பப்பட்டால் அவருக்குப் பேராபத்து ஏற்படும் பட்சத்தில், அவரைப் பலவந்தமாகத் திருப்பி அனுப்பக் கூடாது என்ற 'நாடுகடத்தாமை' கொள்கையே இந்த ஒப்பந்தத்தின் அடிப்படையாகும்.

உலகளவில் 130-க்கும் மேற்பட்ட ஆயுத மோதல்கள் நிலவும் இன்றைய சூழலில், அகதிகள் பாதுகாப்பு ஒப்பந்தம் மேலும் வலுப்படுத்தப்பட வேண்டும் என மனித உரிமை ஆர்வலர்கள் வலியுறுத்துகின்றனர்.