லங்காசிறி FM
நாட்டில் குறிப்பிட்ட சில மாவட்டங்களில் ஏற்பட்ட விபத்துக்களில் 6 பேர் பலி
நாட்டின் சில பகுதிகளில் கடந்த 24 மணித்தியாலங்களுக்குள் இடம்பெற்ற வாகன விபத்துக்களில் 14 வயது சிறுமி ஒருவர் உட்பட 6 பேர் உயிரிழந்துள்ளதுடன் ஒருவர் படுகாயமடைந்துள்ளதாக பொலிஸார் தெரிவித்துள்ளனர்.
இதற்கமைய, அம்பாறை, காரைதீவு, கிளிநொச்சி, வெயாங்கொடை, கட்டுகஸ்தோட்டை , வவுனியா மற்றும் ஓமந்தை ஆகிய பிரதேசங்களில் குறித்த விபத்து சம்பவங்கள் பதிவாகியுள்ளன.
இந்நிலையில், ஏற்பட்ட விபத்து சம்பவங்களின் போது 4 பேரை கைது செய்துள்ளதாகவும் பொலிஸார் குறிப்பிட்டுள்ளனர்.
வைத்தியசாலையில் அனுமதி
அம்பாறை, காரைதீவு பொலிஸ் பிரிவிலுள்ள மாவடிப்பள்ளியில் இருந்து சம்மாந்துறை நோக்கி பயணித்த தனியார் பேருந்து ஒன்றுடன் குறுக்கு வீதியில் இருந்து பிரதான வீதிக்கு சென்ற மோட்டார் சைக்கிள் ஒன்று மோதியதில் விபத்து ஏற்பட்டுள்ளது.
இதன்போது,14 வயது சிறுமி உயிரிந்துள்ளதுடன் மோட்டார் சைக்கிளை செலுத்திய அவரது தந்தை படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதுடன் பேருந்து சாரதி கைது செய்யப்பட்டுள்ளார்.
அதேவேளை, கிளிநொச்சியிலிருந்து வட்டக்கச்சி செல்லும் வீதியின் பன்னங்கண்டி பாலத்திற்கு அருகாமையில் இன்று அதிகாலை வீதியால் சென்று கொண்டிருந்த இளைஞன் மீது டிப்பர் ரக வாகனம் மோதியதில் பன்னங்கண்டி பகுதியை சேர்ந்த அந்தோனி அல்பிரட் அனுஷன் என்ற இளைஞன் உயிரிழந்ததுடன் டிப்பர் வாகன சாரத்தியை கைது செய்துள்ளதாக கிளிநொச்சி பொலிஸார் குறிப்பிட்டுள்ளனர்.
வவுனியா - ஓமந்தை பொலிஸ் பிரிவிலுள்ள பன்றிக்கெய்தகுளம் பகுதியில் இருந்து வவுனியா நோக்கி மோட்டார் சைக்கிளில் நேற்றிரவு பிரயாணித்த மோட்டார் சைக்கிள் ஓமந்தை எரிபொருள் நிரப்பு நிலையத்துக்கு அருகில் வீதி ஓரத்தில் துவிச்சக்கரவண்டி ஒன்றுடன் நின்றிருந்வர் மீது மோதியதில் விபத்து ஏற்பட்டுள்ளது.
கைது நடவடிக்கைகள்
இதன்போது, மோட்டாரில் பிரயாணித்த ஓமந்தை பகுதியைச் சேர்ந்த 46 மற்றும் 48 வயதுடைய இருவர் உயிரிழந்துள்ளதாக ஓமந்தை பொலிஸார் தகவல் வழங்கியுள்ளனர்.
இதேவேளை, வெயாங்கொடை மினுவாங்கொடை பிரதான வீதியில் 20 மையில்கல் பகுதியில் வீதியை குறுக்காக வந்த பெண் ஒருவர் மீது மோட்டார் சைக்கிள் ஒன்று மோதியுள்ளது.
இந்த விபத்தில் வத்தகா - வெயங்கொடை பிரதேசத்தைச் சேர்ந்த 41 வயதுடைய பெண் படுகாயமடைந்த நியைில் மினுவாங்கொடை வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.
இதனையடுத்து, மோட்டார் சைக்கிளை செலுத்திச் சென்றவரை பொலிஸார் கைது செய்துள்ளடன் கண்டி - யாழ்ப்பாணம் ஏ - 09 வீதியில் கட்டுகஸ்தோட்டை நகரில் பாதசாரி ஒருவர் மீது கார் ஒன்று மோதிய விபத்தில் 71 வயதுடைய முதியவர் ஒருவர் உயிரிழந்ததையடுத்து கார் சாரதியை கட்டுகஸ்தோட்டை பொலிசார் கைது செய்துள்ளனர்.
இந்நிலையில், குறித்த விபத்து இடம்பெற்ற பிரதேசங்களை சேர்ந்த பொலிஸ் நிலைய பொலிஸார் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.
அம்பாறையில் நேற்று நள்ளிரவுக்கு பின்னர் மேற்கொள்ளப்பட்டுள்ள பிரசார நடவடிக்கைகள் தொடர்பில் முறைப்பாடு
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
