அம்பாறையில் நேற்று நள்ளிரவுக்கு பின்னர் மேற்கொள்ளப்பட்டுள்ள பிரசார நடவடிக்கைகள் தொடர்பில் முறைப்பாடு

அம்பாறை (Ampara) நேற்று நள்ளிரவு 12 மணிக்கு பின்னர் சில பிரசார கூட்டங்கள் இடம்பெற்றுள்ளதுடன் சுவரொட்டிகள் அகற்றப்படாத நிலையில் காணப்படுவதாகவும் முறைப்பாடு செய்யப்பட்டுள்ளது. 

குறித்த முறைப்பாட்டினை தேர்தல் கண்காணிப்பு பெப்ரல் அமைப்பின் அம்பாறை மாவட்ட இணைப்பாளர் கந்தையா சத்தியநாதன், மட்டக்களப்பில் இன்று (19) இடம்பெற்ற ஊடக மாநாட்டின் போது முன்வைத்துள்ளார். 

இதற்கமைய, சம்மாந்துறை தொகுதியில் 2 முறைப்பாடும் கல்முனை தொகுதியில் 3 முறைப்பாடுகளும் பொத்துவில் தொகுதியில 3 முறைப்பாடுகளும் அம்பாறை தொகுதியில் இருந்து 3 முறைப்பாடுகள் உட்பட 11 முறைப்பாடுகள் இதுவரை கிடைக்கப் பெற்றுள்ளதாகவும் தெரிவித்துள்ளனர்.  

வாக்களிக்க செல்லும் பொதுமக்களுக்கு பொலிஸார் விடுத்துள்ள முக்கிய அறிவிப்பு

கண்காணிப்பாளர்கள் 

அத்துடன், மாவட்டத்திலுள்ள 115 வாக்களிப்பு நிலையங்களில் 115 நிலைகொள் கண்காணிப்பாளர்களையும் 16 நடமாடும் கண்காணிப்பாளர்களையும் ஒரு தேர்தல் தொகுதிக்கு ஒருவாகனம் வீதம் 4 தொகுதியிலும் 4 வாகனங்களில் கண்காணிப்பில் ஈடுபடவுள்ளன. 

அது மாத்திரமன்றி, வாக்கு கணக்கெடுப்பு நிலையத்தில் 10 கண்காணிப்பாளர்கள், கச்சேரியில் இருந்து வாக்கு எண்ண ஆரம்பிப்பது தொடக்கம் வாக்கு எண்ணி முடியும் வரை கண்காணிப்பில் இருப்பார்கள். 

அதேவேளை, இந்த முறை இரண்டாவது விருப்பு வாக்கு எண்ண வேண்டிய தேவை ஏற்படும் அப்படியாயின் 15 மணித்தியாலங்கள் தங்கியிருந்து கண்காணிப்பாளர்கள் கண்காணிப்பு பணியில் ஈடுபடுவார்கள்.

தேர்தலுக்கு பின்னரும் ஒரு வாரத்துக்கு விசேட பாதுகாப்பு ஏற்பாடுகள்

மறைமுக கண்காணிப்பு 

அதேபோன்று நீண்டநாள் கண்காணிப்பாளர்கள் 4 பேர் நியமிக்கப்பட்டு, அவர்கள் மறைமுகமாக கண்காணிப்பில் ஈடுபடுவார்கள் என்பதுடன் வேட்பாளர்களின் நிதி செலவு தொடர்பாக ஆராய்வதற்கு 3 பேரை நியமித்துள்ளோம்.

இந்நிலையில், தேர்தல் பிரசாரம் நேற்று நள்ளிரவு 12 மணிவரை முடிவுற்றாலும் மாவட்டத்தில் இரண்டு மணி வரை சில பிரசார கூட்டங்கள் இடம்பெற்றுள்ளன. 

இது தொடர்பாக தலைமை காரியாலயத்துக்கு அறிவத்துள்ளோன். அதேபோன்று சுவரொட்டிகள் அகற்றப்படாதுள்ளது தொடர்பாக பிரதி பொலிஸ் மா அதிபருக்கு அறிவித்துள்ளேன். கடந்த ஜனாதிபதி தேர்தலை விட இந்த வருடம் குறைவான முறைப்பாடுகளே கிடைத்துள்ளன. 

தற்போதைய, தேர்தல் சட்ட விதிகளின்படி வாக்குசாவடிகளுக்குள் முகவர்கள், கண்காணிப்பாளர்கள் மற்றும் அந்த வாக்குசாவடிகளில் பணியாற்றும் பொலிஸார், அதிகாரிகள் மற்றும் உத்தியோகத்தர்கள் மட்டும் தான் உள்நுழைய முடியும்" என சுட்டிக்காட்டியுள்ளார். 

2024ஆம் ஆண்டு ஜனாதிபதி தேர்தல்! பொதுமக்களுக்கு விதிக்கப்பட்டுள்ள தடை