இலங்கை வந்த மூவர் கட்டுநாயக்க விமான நிலையத்தில் கைது

Sri Lanka Police Bandaranaike International Airport Arrest

By Vethu May 25, 2026 03:02 AM GMT

Vethu

in குற்றம்

Report

மூன்று வெளிநாட்டு விமானப் பயணிகள் இன்று அதிகாலை கட்டுநாயக்க விமான நிலைய சுங்க அதிகாரிகளால் கைது செய்யப்பட்டுள்ளனர்.

60 இலட்சம் ரூபாவிற்கும் அதிக பெறுமதியுடைய வெளிநாட்டில் தயாரிக்கப்பட்ட சிகரெட் தொகையை சட்டவிரோதமான முறையில் நாட்டிற்குள் கொண்டு வர முயன்ற மூவரே இவ்வாறு கைது செய்யப்பட்டுள்ளனர்.

கைது செய்யப்பட்டவர்கள் 31, 36 மற்றும் 40 வயதுடைய சீன நாட்டு வணிகர்கள் என தெரியவந்துள்ளது.

பசுமை வழித்தடம்

சந்தேகநபர்கள் சிகரெட் தொகையை, பசுமை வழித்தடம் ஊடாக வெளியே கொண்டு செல்ல முயன்ற போதே சுங்க அதிகாரிகளால் கைது செய்யப்பட்டுள்ளனர்.

இலங்கை வந்த மூவர் கட்டுநாயக்க விமான நிலையத்தில் கைது | 3 Passengers Arrest In Bia

சுங்க அதிகாரிகளின் அவதானத்தை திசை திருப்புவதற்காக, சந்தேகநபர்கள் இந்த சிகரெட் தொகையை சீனாவில் இருந்து கொள்வனவு செய்து மலேசியாவின் கோலாலம்பூர் நகருக்கு கொண்டு சென்றுள்ளனர். பின்னர், அங்கிருந்து கட்டுநாயக்க விமான நிலையத்திற்கு வந்துள்ளனர்.

சுங்க அதிகாரிகள்

இதன்போது அவர்கள் கொண்டு வந்த 06 பயணப் பொதிகளுக்குள் 40,000 சிகரெட்டுகள் அடங்கிய 202 சிகரெட் பெட்டிகள் மறைத்து வைக்கப்பட்டிருந்த நிலையில் சுங்க அதிகாரிகளால் கண்டறியப்பட்டுள்ளன.

இலங்கை வந்த மூவர் கட்டுநாயக்க விமான நிலையத்தில் கைது | 3 Passengers Arrest In Bia