13 பேர் கொண்ட கும்பலின் இரகசிய திட்டம் அம்பலம் - சிறைக் கைதிகளால் உடைக்கப்பட்ட சூத்திரதாரியின் முதுகெலும்பு

நீர்கொழும்பு சிறைச்சாலையில் சமீபத்தில் நடந்த கலவரத்தின் முக்கிய சந்தேக நபரும், ஒழுங்கமைக்கப்பட்ட பாதாள உலகக் கும்பலின் உறுப்பினருமான கட்டுவெல்லகம சுரேஷ், சிறைச்சாலைக்குள் வைத்து மற்றொரு குழுவினரால் தாக்கப்பட்டதில் படுகாயம் அடைந்துள்ளதாக தெரியவந்துள்ளது.

போதைப்பொருள் கடத்தலில் ஈடுபட்டுள்ள ஒரு போட்டி கும்பலால் இந்தத் தாக்குதல் நடத்தப்பட்டிருக்கலாம் என சந்தேகம் எழுந்துள்ளது. இந்தத் தாக்குதலில் சுரேஷின் முதுகு கடுமையாக சேதமடைந்துள்ளதுடன், அவரால் தற்போது நடக்க முடியாத நிலையில் ஏற்பட்டுள்ளதாகவும் தெரிவிக்கப்பட்டுள்ளது.

பொதுமக்கள் எதிர்ப்பினால் இடைநிறுத்தப்பட்ட காணி சுவீகரிப்பு நடவடிக்கை

சுரேஷ் இறந்துவிட்டதாக சமூக ஊடகங்களில் சில தவறான செய்திகள் பரவினாலும், அது உண்மையல்ல என்றும் அவர் முதுகு எலும்பு முறிவு காரணமாக அவதிப்படும் நிலையில் இருப்பதாகவும் கூறப்படுகிறது.

13 பேர் கொண்ட குழுவினரின் திட்டம்

சிறைச்சாலையில் வெடித்த இந்த பெரிய அளவிலான கலவரத்தை, பிரபல பாதாள உலகத் தலைவரான கெஹல்பத்தர பத்மாவின் நெருங்கிய கூட்டாளியான கட்டுவெல்லகம சுரேஷ் என்பவர் திரைக்குப் பின்னால் இருந்து திட்டமிட்டு அரங்கேற்றியுள்ளார்.

நீர்கொழும்பைச் சேர்ந்த ராக்கி உட்பட 13 பேர் கொண்ட கும்பல் இந்த முழு சதித்திட்டத்தையும் திட்டமிட்டிருந்த போதிலும், ஆச்சரியப்படும் விதமாக, இந்த மோதலின் முடிவில் அவர்களில் யாருக்கும் ஒரு சிறு காயம் கூட ஏற்படவில்லை.

சிறையின் முதல் நாளில் நடந்த இரட்டைக் கொலைகளுக்குப் பின்னாலும் இந்த நபர்களே இருப்பதாக புலனாய்வாளர்கள் சந்தேகம் வெளியிட்டுள்ளனர்.

இந்தச் சம்பவத்தைத் தொடர்ந்து, முன்னெச்சரிக்கை நடவடிக்கையாக கட்டுவெல்லகமவைச் சேர்ந்த சுரேஷ் மற்றும் நீர்கொழும்பைச் சேர்ந்த ராக்கி உள்ளிட்ட பல உயர் பாதுகாப்பு கைதிகளை காலி - பூஸா உயர் பாதுகாப்பு சிறைக்கு உடனடியாக இடமாற்றம் செய்யவும், போதைப்பொருள் தடுப்புக்கு எதிர்ப்பு தெரிவித்தவர்கள் உள்ளிட்ட மற்ற கைதிகளை நாடு முழுவதும் உள்ள பல்வேறு சிறைகளுக்குப் பிரித்து அனுப்பவும் அதிகாரிகள் நடவடிக்கை எடுத்துள்ளனர்.  

நீர்கொழும்பு சிறைச்சாலை மோதலில் இரவோடு இரவாக அகற்றப்பட்ட ஆயுதங்கள் - ஏற்பட்ட பெரும் மனித பேரவலம்

கிளிநொச்சி மாவட்டத்தில் டெங்கு நோய் பரவல் அதிகரிப்பு