லங்காசிறி FM
உயர்தர பரீட்சை நடத்தப்படும் திகதி - கல்வி அமைச்சு வெளியிட்டுள்ள முக்கிய அறிவிப்பு
2026 ஆகஸ்ட் 10 ஆம் திகதி தொடங்கவுள்ள கல்விப்பொதுத் தராதர உயர்தர பரீட்சையை ஒத்திவைக்குமாறு பல்வேறு தரப்பினர் விடுத்த கோரிக்கை தொடர்பாக, கல்வி, உயர் கல்வி மற்றும் தொழிற்கல்வி அமைச்சகம் முக்கிய அறிவிப்பை வெளியிட்டுள்ளது.
இது தொடர்பில் வெளியிடப்பட்டுள்ள அறிக்கையில்,
பரீட்சை கால அட்டவணை
2026 கல்வி பொதுத் தராதர உயர்தர பரீட்சைக்கு தயாராவதற்கு நேரம் இருப்பதால், பரீட்சை கால அட்டவணையை திருத்தி அமைக்கத் தேவையில்லை என்று அமைச்சகம் தெரிவித்துள்ளது.
அதன்படி, தேசிய கல்வி நிறுவனம் வெளியிட்ட ஆசிரியர் வழிகாட்டுதல்களின்படி, உயர்தர பாடத்திட்டத்தை முடிக்கத் தேவைப்படும் நாட்களின் எண்ணிக்கை 300 ஆகும் என்றும் அறிக்கையில் குறிப்பிட்டுள்ளது.
2026 உயர்தர பரீட்சையில் பங்கேற்கும் மாணவர்களுக்காக, கற்பித்தல் நடவடிக்கைகள் அதிகாரப்பூர்வமாகத் தொடங்கும் திகதியிலிருந்து 2026 ஆகஸ்ட் 7 ஆம் திகதி வரை பாடசாலைகள் செயல்படும் என்று அமைச்சகம் கூறியுள்ளது.
பரீட்சைக்கு தயாராவதற்கு வழங்கப்பட்டுள்ள நேரம்
இரண்டாவது மற்றும் மூன்றாவது முறையாக உயர்தர பரீட்சை எழுதும் மாணவர்களுக்கு, முந்தைய பரீட்சை முடிவுகள் வெளியான திகதியிலிருந்து தற்போதைய பரீட்சை நடைபெறும் திகதி வரையிலான இடைவெளி 4 மாதங்கள் மற்றும் 10 நாட்கள் ஆகும் என்றும் குறிப்பிடப்பட்டுள்ளது.
அதன்படி, 2026 ஆம் ஆண்டுக்கான உயர்தர பரீட்சைக்கு தயாராவதற்கு நேரம் வழங்கப்பட்டுள்ளதால், திகதியை திருத்தி அமைக்க தேவையில்லை என்றும் தெரிவித்துள்ளது.
அதேவேளை, 2026 ஆம் ஆண்டுக்கான கல்விப் பொதுத் தராதர உயர்தர (க.பொ.த உயர்தர) பரீட்சைகள் ஓகஸ்ட் 10 ஆம் திகதி முதல் செப்டம்பர் 05 ஆம் திகதி வரை நடைபெறவுள்ளதாக பரீட்சைகள் திணைக்களம் அறிவித்துள்ளமை குறிப்பிடத்தக்கது.
முதல் நாளிலேயே நல்ல வசூல் வேட்டை செய்துள்ள விஜய் ஆண்டனியின் நூறு சாமி திரைப்படம்... கலெக்ஷன் விவரம் இதோ Cineulagam
3 விக்கெட்டுகள் வீழ்த்தியதுடன், 12 பந்துகளில் 36 ரன் விளாசிய ஷானகா! சியாட்டில் அபார வெற்றி News Lankasri
பாசத்துக்கு மட்டுமே கட்டுப்படும் டாப் 3 பெண் ராசிகள் - இவர்கள் உறவாக கிடைப்பதே பெரும் வரம்! Manithan
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
