லங்காசிறி FM
இலங்கை தொடர்பில் உலக வங்கி வெளியிட்ட தகவல்
இலங்கையில் வறுமை நிலைமை கணிசமாக அதிகரித்துள்ளதாக உலக வங்கி தெரிவித்துள்ளது.
அதன்படி, 2024 ஆம் ஆண்டில் வறுமை விகிதம் 24.9 சதவீதமாக அதிகரித்துள்ளது.
மேலும் 10 சதவீத மக்கள் வறுமைக்கோட்டிற்கு மிக அருகில் வாழ்வதாக நேற்று (07) உலக வங்கி வெளியிட்ட ‘இலங்கையின் அபிவிருத்தியை நிலையமைத்தல்’ என்ற தலைப்பிலான சமீபத்திய அறிக்கையில் கூறப்பட்டுள்ளது.
உணவு விலைகளில் தொடர்ச்சியான அதிகரிப்பு குறிப்பிடத்தக்க விநியோக சவால்களை ஏற்படுத்துவதாகவும் தெரிவித்துள்ளது.
குறைந்த வருமானம்
மேலும் குறைந்த வருமானம் கொண்ட குடும்பங்கள் பணக்கார குடும்பங்களை விட உணவுக்காக தங்கள் செலவீனங்களில் மூன்று மடங்கு அதிகமாக ஒதுக்குவதும், உணவுப் பாதுகாப்பின்மை இதற்கு காரணம் என்றும்உலக வங்கி அறிக்கை சுட்டிக்காட்டியுள்ளது.
பொது மற்றும் தனியார் துறைகளில் ஊதியங்கள் அதிகரித்து வரும் அதே வேளையில், அவர்களின் உண்மையான வருவாய் 2022 க்கு முன்பு பதிவு செய்யப்பட்ட அளவை விட குறைவாகவே உள்ளது.
இதற்கிடையில், வறுமை விகிதம் 2024 இல் 24.9 சதவீதத்திலிருந்து இந்த ஆண்டு (2025) 22.4 சதவீதமாகக் குறையும் என்று கணிக்கப்பட்டுள்ளது.
உணவு விலைகள் உயர்ந்த போதிலும் பொருளாதார வளர்ச்சி உயர் மாற்று மட்டத்தில் உள்ளது.
பணவீக்கம்
பணவீக்கம் காரணமாக 2025 இல் வறுமை குறையும் என்றும் உலக வங்கி கணித்துள்ளது.முக்கிய சவால்கள் எஞ்சியிருப்பதால் இலங்கையின் பொருளாதாரம் முழுமையாக மீளவில்லை.
நீண்ட கால பொருளாதார வளர்ச்சிக்கு அவசர கட்டமைப்பு சீர்திருத்தங்கள் மற்றும் திறமையான பொதுச் செலவுகள் மிக முக்கியமானவை என்றும் உலக வங்கி கூறுகிறது. இலங்கையின் சமீபத்திய பொருளாதார செயல்திறன் வலுப்பெற்றுள்ளது.
இருப்பினும், மீட்சி முழுமையாக அடையப்படவில்லை, மேலும் பொருளாதார வளர்ச்சி நெருக்கடிக்கு முந்தைய நிலைகளுக்குக் கீழே உள்ளது. வறுமை கணிசமாக உயர்ந்துள்ளது.
இலங்கையின் பொருளாதாரம் இந்த ஆண்டு (2025) 4.6 சதவீதம் வளரும் என்று கணிக்கப்பட்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
வருமுன் காத்தல்: அனர்த்த காலத்தின் பேச்சாளர்கள் 10 மணி நேரம் முன்
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
புங்குடுதீவு 2ம் வட்டாரம், புங்குடுதீவு 10ம் வட்டாரம், St. Gallen, Switzerland
03 Dec, 2025
கரம்பொன் மேற்கு, ஊர்காவற்துறை, கொழும்பு, வவுனியா, Southall, United Kingdom, East Ham, United Kingdom
30 Nov, 2025
சங்கானை, யாழ்ப்பாணம், திருநெல்வேலி, கட்டுவன், முன்சன், Germany, Toronto, Canada, Peterborough, Canada
07 Dec, 2021
அனலைதீவு 3ம் வட்டாரம், சங்கானை, யாழ்ப்பாணம், Scarborough, Canada
27 Nov, 2025
