லங்காசிறி FM
கந்தளாய் பகுதியில் காட்டு யானைகள் அட்டகாசத்தை கட்டுப்படுத்த அவசர நடவடிக்கை
கந்தளாய் மற்றும் அதனைச் சுற்றியுள்ள பகுதிகளில் நாளுக்கு நாள் அதிகரித்து வரும் காட்டு யானைகளின் அச்சுறுத்தலைக் கட்டுப்படுத்த உடனடியாக நடைமுறைச் சாத்தியமான நடவடிக்கைகளை எடுக்குமாறு வெளிநாட்டு விவகார பிரதி அமைச்சரும், நாடாளுமன்ற உறுப்பினருமான அருண் ஹேமச்சந்திரா அதிகாரிகளுக்கு அவசர உத்தரவு பிறப்பித்துள்ளார்.
கந்தளாய் பிரதேச செயலகத்தில் நேற்று(03.06.2026) மாலை இடம்பெற்ற பிராந்திய ஒருங்கிணைப்புக் குழுக் கூட்டத்தில் கலந்துகொண்டு உரையாற்றியபோதே அவர் இவ்வாறு குறிப்பிட்டுள்ளார்.
காட்டு யானை அச்சுறுத்தல்களை கட்டுபடுத்த நடவடிக்கை
இதன்போது, காட்டு யானைகளின் ஊடுருவலால் உள்ளூர் மக்கள் எதிர்கொள்ளும் கடுமையான பிரச்சினைகள் குறித்து விரிவாக ஆராயப்பட்டுள்ளது.
அத்துடன், மக்கள் பிரதிநிதிகளால் பல முக்கிய பிரச்சினைகள் சுட்டிக்காட்டப்பட்டுள்ளதாக தெரிவிக்கப்பட்டுள்ளன. இதன்படி, கந்தளாய் பேராறு பகுதியில், மாரிகாலங்களில் மக்கள் எதிர்கொள்ளும் பிரச்சினைகளுக்கு மத்தியிலும், மக்களின் பிரதான வாழ்வாதாரமாக விளங்கும் நூற்றுக்கணக்கான ஏக்கர் விவசாய நிலங்கள் காட்டு யானைகளால் தொடர்ச்சியாக நாசமாக்கப்பட்டு வருகின்றன. இதனால் விவசாயிகள் பெரும் பொருளாதார இழப்புகளைச் சந்தித்து வருகின்றனர்.
அண்மைக்காலமாக பாடசாலை வளாகங்களுக்குள் காட்டு யானைகள் நுழையும் சம்பவங்கள் அதிகரித்து வருகின்றன. இது மாணவர்களின் பாதுகாப்பிற்கு அச்சுறுத்தலாக அமைவதோடு, அவர்களின் கல்விச் செயல்பாடுகளையும் பெரிதும் பாதிப்பதாக கவலை வெளியிடப்பட்டது.
மக்களின் கோரிக்கை
இதனைத் தொடர்ந்து, கூட்டத்தில் பங்கேற்ற வனவிலங்கு பாதுகாப்புத் திணைக்கள அதிகாரிகள் மற்றும் சம்பந்தப்பட்ட நிறுவனங்களின் பிரதிநிதிகளுக்கு, இப்பிரச்சினைக்கு உடனடி தீர்வுகாண்பதற்கான முதற்கட்ட நடவடிக்கைகளை விரைந்து ஆரம்பிக்குமாறு பிரதி அமைச்சர் அருண் ஹேமச்சந்திரா அறிவுறுத்தினார்.
இந்த கூட்டத்தில் கந்தளாய் பிரதேச செயலாளர், பாதுகாப்புப் படையினர், பல்வேறு திணைக்களங்களின் தலைவர்கள் மற்றும் உள்ளூர் மக்கள் பிரதிநிதிகள் எனப் பலரும் கலந்துகொண்டனர்.
பிரதி அமைச்சரின் இந்த அதிரடி உத்தரவைத் தொடர்ந்து, கந்தளாய் பகுதியில் காட்டு யானைகளின் நடமாட்டத்தைக் கட்டுப்படுத்துவதற்கான முதற்கட்டப் பணிகள் விரைவில் ஆரம்பிக்கப்படும் என எதிர்பார்க்கப்படுகிறது.
68 பேர் கொல்லப்பட்ட மிக மோசமான ரயில் விபத்து: மூன்று நாட்கள் துக்கமனுசரிக்கும் ஸ்பெயின் News Lankasri
வழி மாற்றிவிடப்பட்ட விமானம்., லண்டனில் சிக்கித் தவித்த இந்திய பெண் - ரூ.1.6 லட்சம் இழப்பீடு News Lankasri
பிரித்தானியாவில் 2 கோடி குடும்பங்களுக்கு £100 ஆற்றல் மானியம்: சான்சலர் ஜான் ஹீலி அறிவிப்பு News Lankasri
இந்த 3 எண்களில் பிறந்தவரா நீங்க? உங்க வளர்ச்சிக்குத் தடையாக இருக்கும் பழக்கங்கள் என்ன தெரியுமா? Manithan
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
