லங்காசிறி FM
புதிய பிரதமரை தெரிவு செய்வதற்கான வாக்களிப்பு நிறைவுக்கு வந்தது - திங்களன்று முடிவு
Murali
in ஐக்கிய இராச்சியம்
பிரித்தானியாவில் போரிஸ் ஜோன்சனுக்குப் பதிலாக யாரை பிரதமராக்குவது என்பதை முடிவு செய்வதற்கான கன்சர்வேடிவ் தலைமைப் போட்டியில் வாக்களிப்பு நிறைவடைந்துள்ளது.
இதன்படி, போட்டியாளர்களான ரிஷி சுனக் மற்றும் லிஸ் ட்ரஸ் ஆகியோரில் யார் வெற்றியாளர் என்பது திங்களன்று 12.30 மணிக்கு அறிவிக்கப்படவுள்ளதுடன், வெற்றியாளர் செவ்வாய்கிழமை ராணியால் முறையாக பிரதமராக நியமிக்கப்படுவார்.
பிரதமராக நியமிக்கப்பட்டவர் புதிய அமைச்சரவையில் அமைச்சர்களை நியமிக்கத் தொடங்குவார்கள். எவ்வாறாயினும், அதிகார மாற்றம் முடியும் வரை போரிஸ் ஜோன்சன் பதவியில் நீடிப்பார் என அறிவிக்கப்பட்டுள்ளது.
வரி குறைப்புகளை வழங்குவதாக உறுதி
டோரி உறுப்பினர்களின் கருத்துக் கணிப்புகளின்படி, வெளியுறவுச் செயலாளரான ட்ரஸ் வெற்றி பெறுவதற்கான வாய்ப்பு இருப்பதாக கூறப்படுகின்றது. அவர் வெற்றிபெற்றால் அவசர பதீட்டில் பில்லியன் கணக்கான பவுண்டுகள் வரி குறைப்புகளை வழங்குவதாக உறுதியளித்துள்ளார்.
முன்னாள் அதிபர் ரிஷி சுனக் ஒரு வருடத்திற்கு எரிசக்தி பட்டியல்களில் வட் வரியை குறைப்பதாகக் கூறினார், ஆனால் பணவீக்கம் குறையும் வரை நிரந்தர வரிக் குறைப்புக்கள் காத்திருக்க வேண்டும் என தெரிவித்துள்ளார்.
வாழ்க்கைச் செலவுகள் அதிகரிப்பு
உள்நாட்டு எரிசக்தி விலைகள் இலையுதிர் காலத்தில் உயரும் நிலையில், வாழ்க்கைச் செலவுகள் அதிகரிப்பதைப் பற்றி என்ன செய்வது என்பது சமீபத்திய வாரங்களில் போட்டியில் ஆதிக்கம் செலுத்தியது.
இரு வேட்பாளர்களும் விலை உயர்விலிருந்து குடும்பங்களை எவ்வாறு பாதுகாப்பார்கள் என்பதையும், விலை வரம்பினால் மூடப்படாத வணிகங்களுக்கு உதவி செய்வதையும் விவரிக்க வேண்டிய அழுத்தத்திற்கு உள்ளாகியுள்ளதாக தெரிவிக்கப்படுகின்றது.
இந்நிலையிலேயே, தற்போது வாக்களிப்பு நிறைவுக்கு வந்துள்ளதாகவும், எதிர்வரும் திங்கட் கிழமை கன்சர்வேடிவ் தலைவர் யார் என்பது அறிவிக்கப்படும் எனவும் பிரித்தானிய ஊடகங்கள் செய்தி வெளியிட்டுள்ளன.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
