அமெரிக்காவின் அறிக்கை உண்மைக்கு புறம்பானது: இந்தியா பதிலடி

United States of America India World

By Dharu Jun 29, 2024 08:46 AM GMT

Dharu

in உலகம்

Report

சர்வதேச மதச் சுதந்திரம் குறித்த அமெரிக்க அரசின் அறிக்கை ஒரு சார்பானது என்பதால், இந்தியா அதனை நிராகரித்துள்ளது என அந்நாட்டின் வெளியுறவுத் துறை செய்தித் தொடர்பாளர் ரந்திர் ஜெய்ஸ்வால் தெரிவித்துள்ளார்.

டெல்லியில் செய்தியாளர்களிடம் பேசிய அவர், "சர்வதேச மதச் சுதந்திரம் 2023 பற்றிய அமெரிக்க வெளியுறவுத் துறையின் அறிக்கை ஒரு சார்பானது என்பதால், அதனை இந்தியா நிராகரித்துள்ளது.

இந்தியாவின் சமூக அமைப்பைப் பற்றிய புரிதல் இல்லாமல், வாக்கு வங்கி அடிப்படையிலான கருத்துகள் மற்றும் பரிந்துரைக்கப்பட்ட கண்ணோட்டம் கொண்டதாக அந்த அறிக்கை உள்ளது.

ஒருதலைப்பட்சமான முன்கணிப்பு

குற்றச்சாட்டுகள், தவறான விளக்கங்கள், தேர்ந்தெடுக்கப்பட்ட உண்மைகளின் பயன்பாடு, ஒரு சார்பான ஆதாரங்களை நம்புதல் மற்றும் சிக்கல்களின் ஒருதலைப்பட்சமான முன்கணிப்பு ஆகியவற்றின் கலவையாக இந்த அறிக்கை உள்ளது.

அமெரிக்காவின் அறிக்கை உண்மைக்கு புறம்பானது: இந்தியா பதிலடி | Us Report Untrue India

இந்தியாவின் அரசியலமைப்பு விதிகள் குறித்தும், முறையாக இயற்றப்பட்ட இந்திய சட்டங்கள் குறித்தும் இந்த அறிக்கையின் சித்தரிப்பு விரிகிறது.

முன்கூட்டியே முடிவு செய்துவிட்ட ஒரு புனைவை, முன்னெடுப்பதற்கு ஏற்ப சம்பவங்கள் தேர்ந்தெடுக்கப்பட்டுள்ளன.

சட்டங்கள் மற்றும் ஒழுங்கு முறை

சட்டங்கள் மற்றும் ஒழுங்கு முறைகளின் செல்லுபடியாகும் தன்மையையும், அவற்றை இயற்றுவதற்கு சட்டமன்றங்களுக்கு உள்ள உரிமையையும் இந்த அறிக்கை கேள்விக்குள்ளாக்குகிறது.

அமெரிக்காவின் அறிக்கை உண்மைக்கு புறம்பானது: இந்தியா பதிலடி | Us Report Untrue India

இந்திய நீதிமன்றங்கள் வழங்கிய சில தீர்ப்புகளின் நேர்மையை இந்த அறிக்கை சந்தேகிக்கிறது. நிதி முறைகேடுகளைத் தடுக்கும் நோக்கோடு இயற்றப்பட்டுள்ள கண்காணிப்பு விதிமுறைகளையும் இந்த அறிக்கை எதிர்க்கிறது” என தெரிவித்துள்ளார்.