லங்காசிறி FM
ஈரான் மீதான முக்கிய தடையை தளர்த்திய அமெரிக்கா! ஏப்ரல் வரை நடைமுறையில்..
மத்திய கிழக்கு போரின் காரணமாக எண்ணெய் விலைகள் அதிகரித்துள்ள நிலையில், அமெரிக்கா - கடலில் ஏற்கனவே ஏற்றப்பட்டுள்ள ஈரான் எண்ணெய் மீதான தடைகளை தற்காலிகமாக தளர்த்தியுள்ளது.
அமெரிக்க நிதித்துறை நேற்றையதினம்(20) வெளியிட்ட அறிக்கையில், மார்ச் 20க்கு முன்பு கப்பல்களில் ஏற்றப்பட்டுள்ள ஈரான் கச்சா எண்ணெய் மற்றும் பிற பெட்ரோலிய பொருட்களை விநியோகித்து விற்பனை செய்ய அனுமதி வழங்கப்பட்டுள்ளது.
தற்காலிகமாக நீக்கம்
இந்த அனுமதி ஏப்ரல் 19 வரை நடைமுறையில் இருக்கும் என கூறப்பட்டுள்ளது.
இந்த முடிவு, அமெரிக்க நிதித்துறையின் வெளிநாட்டு சொத்துகள் கட்டுப்பாட்டு அலுவலகம் (Office of Foreign Assets Control) மூலம் எடுக்கப்பட்டது. இதற்கு முன் ரஷ்ய எண்ணெய் தொடர்பான தடைகளும் இதேபோன்று தளர்த்தப்பட்டிருந்தன.
ஈரான், உலகின் சுமார் 20% எண்ணெய் மற்றும் எரிவாயு போக்குவரத்து நடைபெறும் ஹார்முஸ் நீரிணையை (Strait of Hormuz) நடைமுறையில் மறித்து வைத்திருப்பது மற்றும் மத்திய கிழக்கில் உள்ள எரிசக்தி கட்டமைப்புகள் மீதான தாக்குதல்கள் ஆகியவை உலக எண்ணெய் விலைகளை அதிகரிக்க காரணமாகியுள்ளது.
அமெரிக்க நிதி செயலாளர் ஸ்காட் பெஸ்சென்ட் (Scott Bessent) இந்த நடவடிக்கையை “குறுகிய கால, குறிப்பிட்ட அனுமதி” என விளக்கினார்.
எண்ணெய் விநியோகம்
உலகளவில் எரிசக்தி விநியோகத்தை அதிகரித்து சந்தை நிலைத்தன்மையை உறுதி செய்வதே இதன் நோக்கம் எனவும் தெரிவித்தார்.
“தற்போது தடைசெய்யப்பட்ட ஈரான் எண்ணெயை சீனா குறைந்த விலையில் குவித்து வைத்துள்ளது. இந்த எண்ணெயை தற்காலிகமாக உலக சந்தைக்கு திறக்கும்போது, சுமார் 140 மில்லியன் பேரல்கள் அளவிலான எண்ணெய் கிடைக்கும். இது விநியோக அழுத்தத்தை குறைக்கும்,” என அவர் குறிப்பிட்டார். ஆனால், ஈரான் இதை மறுத்துள்ளது.
“சர்வதேச சந்தைக்கு வழங்க எங்களிடம் அதிகப்படியான கச்சா எண்ணெய் இல்லை. அமெரிக்காவின் இந்த கூற்று வாங்குபவர்களுக்கு நம்பிக்கை அளிப்பதற்கானது மட்டுமே,” என ஈரான் எண்ணெய் அமைச்சக பேச்சாளர் சாமன் கொத்தூசி (Saman Ghoddoosi) தெரிவித்துள்ளார்.
இந்த அனுமதி கியூபா, வட கொரியா அல்லது ரஷ்யா ஆக்கிரமித்துள்ள உக்ரைன் பகுதிகளுக்கு எண்ணெய் விநியோகத்திற்கு பொருந்தாது எனவும் குறிப்பிடப்பட்டுள்ளது.
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
