இலங்கையின் கடன் மறுசீரமைப்புக்கு அமெரிக்கா பச்சைக்கொடி

Shehan Semasinghe United States of America World Bank IMF Sri Lanka

By Dharu May 04, 2024 01:58 PM GMT

Dharu

in பொருளாதாரம்

Report

இலங்கையின் கடன் மறுசீரமைப்பு நடவடிக்கைகளுக்கு தொடர்ந்தும் ஆதரவளிப்பதாக அமெரிக்கா மீண்டும் உறுதியளித்துள்ளது.

அமெரிக்க திறைசேரியின் துணை உதவிச் செயலாளர் ராபர்ட் கப்ரோத் (Robert Kaproth) இந்த உறுதியை வழங்கியதாக நிதி இராஜாங்க அமைச்சர் செஹான் சேமசிங்க தெரிவித்துள்ளார்.

ஆசிய அபிவிருத்தி வங்கியின் வருடாந்த கூட்டத்தில் பங்கேற்பதற்காக அண்மையில் ஸ்ரீலங்கா நிதி இராஜாங்க அமைச்சர் ஷெஹான் சேமசிங்க ஜோர்ஜியாவுக்கு உத்தியோகப்பூர்வ பயணத்தை மேற்கொண்டுள்ளார்.

அமெரிக்க திறைசேரி

இந்த கூட்டத்தின் பக்க சந்திப்பாக அவர் பல நாடுகளின் முக்கிய தரப்பினரை சந்தித்து வருகிறார்.

இலங்கையின் கடன் மறுசீரமைப்புக்கு அமெரிக்கா பச்சைக்கொடி | Us Backed Sri Lanka S Debt Restructuring

இதற்கமைய, அமெரிக்க திறைசேரியின் துணை உதவிச் செயலாளர் ராபர்ட் கப்ரோத்தை ஷெஹான் சேமசிங்க சந்தித்துள்ளார்.

இந்த சந்திப்பின் போது, இலங்கையின் மறுசீரமைப்பு செயல்முறை தொடர்பில் ஆழமாக கலந்துரையாடப்பட்டதாக ஸ்ரீலங்கா நிதி இராஜாங்க அமைச்சர் தெரிவித்துள்ளார்.

கடன் மறுசீரமைப்பு செயல்முறையை சரிவர கொண்டு செல்வது நிலையான பொருளாதாரத்துக்கு வழிவகுக்கும் எனவும், எதிர்காலத்தில் ஏற்படக்கூடிய பொருளாதார நெருக்கடியை தவிர்கக உதவுமெனவும் ராபர்ட் கப்ரோத் கூறியுள்ளார்.