லங்காசிறி FM
ரஷ்யாவிற்கு எதிராக போரில் இரகசியமாக சண்டையிடும் பிரித்தானிய படைகள்: வெளிவரும் திடுக்கிடும் தகவல்
அமெரிக்க உளவுத் துறையின் இரகசிய ஆவணங்கள் கசிவு மூலம், ரஷ்ய படைகளை எதிர்த்து உக்ரைனில் பிரித்தானிய சிறப்பு விமானப் படை செயல்படலாம் என்ற தகவல் வெளியாகியுள்ளது.
அமெரிக்க உளவுத்துறை ஆவணங்கள் கடந்த வார இறுதியில் இணையத்தில் கசிந்ததை தொடர்ந்து, அவை உலக அளவில் மிகப்பெரிய பரபரப்பை ஏற்படுத்தியது.
ரஷ்ய படைகளுக்கு எதிராக பிரித்தானிய சிறப்பு படை பிரிவு
இந்த இரகசிய ஆவணங்களில் இருந்து அடுத்தடுத்து திடுக்கிடும் விவரங்கள் வெளிவந்து கொண்டு இருக்கும் நிலையில், சமீபத்தில் வெளியான செய்தி மூலம் போருக்கு முன்னதாக ரஷ்யாவிற்கு சுமார் 40,000 ராக்கெட்டுகளை வழங்க எகிப்து இரகசியமாக திட்டமிட்டு இருந்தது தெரியவந்தது.
இது மேற்கத்திய நாடுகள் மத்தியில் பெரும் அதிர்ச்சியை ஏற்படுத்தி இருந்த நிலையில், தற்போது உக்ரைனில் போரில் ரஷ்ய படைகளுக்கு எதிராக பிரித்தானிய சிறப்பு படை பிரிவு நிலைநிறுத்தப்பட்டு இருப்பதாக வெளிபாடுகள் தெரியவந்துள்ளது.
கசிந்த தகவல்களின் படி "US/NATO SOF in UKR" என்ற தலைப்பில் ஒரு பிரிவில், உக்ரைனில் இருக்கும் மேற்கத்திய சிறப்புப் படைகளின் எண்ணிக்கையை ஆவணங்கள் பட்டியலிடுகின்றன.
ஆவணங்கள் பெப்ரவரி மற்றும் மார்ச் 2023 திகதியிட்டதாகத் தெரிவிக்கப்டுகின்றது, கோப்புகளின்படி, உக்ரைனில் செயலில் உள்ள நேட்டோ நாடுகளைச் சேர்ந்த 97 சிறப்புப் படைகளில் 50 பேர் பிரித்தானியர்கள் என்று அமெரிக்க அதிகாரிகள் அப்போது மதிப்பிட்டனர்.
அதில் பெரும்பாலும் எலைட் ஸ்பெஷல் ஏர் சர்வீஸ் (எஸ்.ஏ.எஸ்) படைகள் இருப்பதாக தெரியவந்துள்ளது.
இந்த ஆண்டு பெப்ரவரி முதல் மார்ச் வரை உக்ரைனில் இருந்த மேற்கத்திய நாடுகளை சேர்ந்த சிறப்புப் படை வீரர்களில் பாதிக்கும் மேற்பட்டவர்கள் பிரித்தானியராக இருக்கலாம் எனவும் தெரியவந்துள்ளது.
பிரித்தானியா அரசாங்கத்தின் விளக்கம்
ஆனால் எவ்வாறாயினும், உக்ரைனில் இந்த சிறப்புப் படைகள் என்ன பங்கு வகிக்க வேண்டும் என்பதை அந்த ஆவணம் குறிப்பிடவில்லை.
மார்ச் 23ம் திகதியிட்ட கசிந்த ஆவணம், பிரித்தானியாவை சேர்ந்த (50) மற்றும் அண்டை நாடுகளான நேட்டோ உறுப்பினர்களான லாட்வியா (17), பிரான்ஸ் (15), அமெரிக்கா (14), மற்றும் நெதர்லாந்து (1) ஆகியவை உக்ரைனில் உள்ள உயரடுக்கு படைகளின் மிகப்பெரிய குழுவைக் கொண்டுள்ளது என்று கூறுகிறது.
கசிந்த இந்த விவகாரம் குறித்து பிரித்தானியா அரசாங்கம் இன்னும் எந்த விளக்கமும் தராமல் மௌனம் காக்கின்றன.
ஈழத் தமிழர்கள் தேசமாய் திரண்டு அரசாக சிந்திக்க வேண்டும்..! 23 மணி நேரம் முன்
ஹனிமூன் போட்டோக்களை வெளியிட்ட கீர்த்தி சுரேஷ்.. கணவருடன் எந்த நாட்டில் இருக்கிறார் பாருங்க Cineulagam
வரலாறு காணாதப் பனிப்பொழிவில் சிக்கிய நாடு... 1500 விமானங்கள் ரத்து: அவசர நிலை பிரகடனம் News Lankasri
Daily Rasipalan: 2025-ல் இருமுறை ஒன்றிணையும் சனி- சுக்கிரன்.. பணமும், வெற்றியும் குவியும் 3 ராசிகள் Manithan
பன்னாலை, தெல்லிப்பழை, கொழும்பு, Ikast, Denmark, London, United Kingdom
03 Dec, 2024
சிறுப்பிட்டி, புதுக்குளம், பிரித்தானியா, United Kingdom, சின்னக்கடை
06 Jan, 2020
Klang, Malaysia, யாழ்ப்பாணம், கலிஃபோர்னியா, United States
08 Jan, 2022
மிருசுவில், தமிழ்நாடு, India, பரிஸ், France, Neuss, Germany
06 Jan, 2023
சரவணை மேற்கு, கரம்பொன் மேற்கு, ஊர்காவற்துறை, பேர்லின், Germany
05 Jan, 2022
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022