லங்காசிறி FM
அதிரடி திருப்பங்களுடன் அடுத்தடுத்து பதிவாகும் வரலாற்று மாற்றம்! தகர்க்கப்பட்ட தி.மு.க. கோட்டை: எதிர்க்கட்சி தலைவர் தெரிவில் குழப்பம்
தமிழக சட்டசபை தேர்தல் முடிவுகள் வெளியிடப்பட்டு வரும் நிலையில், விஜய்யின் தவெக 110 இடங்களில் முன்னிலை வகித்து வருகின்றது.
இதற்கமைய, 234 தொகுதிகளிலும் மின்னணு வாக்குப்பதிவு இயந்திரங்களில் பதிவான வாக்குகள் விறுவிறுப்பாக எண்ணப்பட்டு வருகின்றன.
முடிவுக்கு வரும் 59 ஆண்டு கால திராவிட கட்சி ஆதிக்கம்
தமிழகத்தில் 1967-ம் ஆண்டு முதல் 2026-ம் ஆண்டு வரை தொடர்ந்து 59 ஆண்டுகள் திராவிட கட்சிகளின் ஆதிக்கமே மேலோங்கி இருந்த நிலையில், 2026-ம் ஆண்டு சட்டசபை தேர்தலில் புதிய வரவான தமிழக வெற்றிக் கழகம், முதல் தேர்தலிலேயே முத்திரை பதித்து வெற்றி வாகை சூடியுள்ளது. இதன் மூலம் 59 ஆண்டு கால திராவிட கட்சிகளின் ஆதிக்கமும் முடிவுக்கு வந்துள்ளது.
தி.மு.க. தலைவரும், முதலமைச்சருமான மு.க.ஸ்டாலினே தோல்வியை சந்தித்துள்ள நிலையில், த.வெ.க. முன்னிலை பெற்று, தனிப்பெரும்பான்மையுடன் ஆட்சியை அமைக்கும் என்று எதிர்பார்க்கப்படுகின்றது.
இந்நிலையில், 2 ஆவது இடத்தை தி.மு.க. கூட்டணி பிடித்துள்ளதுள்ளமையினால், விஜயை எதிர்க்க உதயநிதி ஸ்டாலின் சரியான ஆளாக இருப்பார் என்று தி.மு.க. தலைமை கருதுவதாகவும், தி.மு.க.வில் இருந்தே எதிர்க்கட்சி தலைவர் தேர்வு செய்யப்பட வேண்டிய நிலை உள்ளதாகவும் கூறப்படுகின்றது.
மு.க.ஸ்டாலின் மீண்டும் போட்டியிடலாம்
சேப்பாக்கம் - திருவல்லிக்கேணி தொகுதியில் வெற்றி பெற்றுள்ள மு.க.ஸ்டாலினின் மகன் உதயநிதி, எதிர்க்கட்சி தலைவராக தேர்ந்தெடுக்கப்பட அதிகம் வாய்ப்புள்ளதாகவும் தகவல் வெளியாகியுள்ளது.
கட்சியின் தலைவரே தோல்வி அடைந்துள்ளமையினால் தி.மு.க. தலைமை வருத்தத்தில் உள்ளதாகவும், எதிர்க்கட்சி தலைவர் தெரிவில் சலசலப்ப ஏற்பட்டுள்ளதாகவும் தகவல் வெளியாகியுள்ளது.
அதாவது, திருச்சி கிழக்கு தொகுதியை விஜய் விட்டுக்கொடுக்கும் பட்சத்தில், அங்கு இடைத்தேர்தல் நடைபெறும். அதில் வேண்டுமானால் மு.க.ஸ்டாலின் மீண்டும் போட்டியிடலாம் என கூறப்படுகின்றது.
தமிழ்நாடு சட்டப்பேரவைத் தேர்தல் முடிவுகள் 2026
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
