லங்காசிறி FM
ஐரோப்பிய நாடொன்றில் பரவும் கொடிய நோய்கள்: பிரித்தானியாவுக்கு நிபுணர்கள் தரப்பு எச்சரிக்கை
ஸ்பெயின் நாட்டில் தீவிரமாக பரவி வரும் இரண்டு கொடிய நோய்களில் ஒன்று பிரித்தானியாவுக்கு தற்போது மிகப்பெரிய அச்சுறுத்தலாக மாற இருப்பதாக நிபுணர்கள் தரப்பு எச்சரிக்கை விடுத்துள்ளனர்.
ஸ்பெயினில் தற்போது லைம் நோய் மற்றும் கிரிமியன் - காங்கோ ரத்தக்கசிவு காய்ச்சல் என இரண்டு கொடிய நோய்கள் தீவிரமடைந்துள்ளது.
இதனையடுத்து, சுகாதாரத்துறை தீவிர நடவடிக்கைகளை முன்னெடுத்து வருவதாக தகவல் வெளியாகியுள்ளது.
கொடிய நோய்கள்
இந்த நிலையில், ஸ்பெயின் நாட்டின் CCAES என்ற சுகாதார அமைப்பின் தலைவர் தெரிவிக்கையில்,
"லைம் நோய் என்பது பரவக்கூடிய வியாதியல்ல, குணப்படுத்த முடியும். ஆனால் மாதக்கணக்கில், அதன் அறிகுறிகள் தொடர்ந்து தோன்றும். அது வாழ்க்கைக்கு தீவிரமான மற்றும் செயலிழக்கச் செய்யும் பாதிப்புகளை ஏற்படுத்தும்.
அதுமட்டுமின்றி, லைம் நோயை உறுதி செய்ய போதுமான மருத்துவ முறைகள் இல்லாததால், அதைக் கண்டறிவது மிகவும் கடினம்.
கிரிமியன்-காங்கோ இரத்தக்கசிவு காய்ச்சல் என்பது ஆப்பிரிக்கா, பால்க்கன் நாடுகள், மத்திய கிழக்கு நாடுகள் மற்றும் ஆசியா உள்ளிட்ட பல நாடுகளில் காணப்படும் நோயாகும்.
இதன் இறப்பு எண்ணிக்கையும் அதிகம். மிக விரைவாக உறுதி செய்யப்படுவதுடன் உரிய சிகிச்சையும் அளித்தால் மட்டுமே நோயாளிகளை மீட்டெடுக்க முடியும்.
கடந்த 8 ஆண்டுகளில் ஸ்பெயின் நாட்டில் 15 பேர்கள் இந்த நோயால் பாதிக்கப்பட்டுள்ளனர்.
அத்துடன், இந்த எண்ணிக்கை அதிகரிக்கும் என்றே நாங்கள் நம்புகிறோம்" என அவர் குறிப்பிட்டுள்ளார்.
நிபுணர்கள் தரப்பின் எச்சரிக்கை
இதேவேளை, இந்த நோய்களில் ஒன்று பிரித்தானியாவுக்கு தற்போது மிகப்பெரிய அச்சுறுத்தலாக மாற இருப்பதாக நிபுணர்கள் தரப்பு எச்சரிக்கின்றனர்.
குறித்த நோய் தொடர்பில் நிபுணர்கள் தெரிவிக்கையில்,
"கிரிமியன்-காங்கோ இரத்தக்கசிவு காய்ச்சல் என்பது நைரோ வைரஸால் ஏற்படுகிறது. ஒட்டுண்ணிகள் மூலமாக பரவுகிறது. இந்த நோயால் இறப்பு எண்ணிக்கையும் அதிகம். பாதிக்கப்பட்ட இரத்தம் அல்லது கால்நடைகளின் திசுக்களில் இருந்து இந்த நோய் பரவும் வாய்ப்புகள் அதிகம்.
ஆப்பிரிக்கா, பால்க்கன் நாடுகள், மத்திய கிழக்கு நாடுகள் மற்றும் ஆசியா உள்ளிட்ட பல நாடுகளில் காணப்பட்ட இந்த நோயானது தற்போது ஸ்பெயினில் உறுதி செய்யப்பட்டுள்ளது.
இந்த நோய் தற்போது பிரித்தானியாவுக்கும் அச்சுறுத்தலை ஏற்படுத்தியுள்ளது. பாதிப்புக்கு உள்ளானவர்களுக்கு மூக்கில் இருந்து தீவிரமான இரத்தக்கசிவு ஏற்படலாம் என்பதுடன், இரண்டு வாரங்கள் வரையில் இது நீடிக்கும்.
மேலும்,பாதிப்பு உறுதி செய்யப்பட்ட இரண்டு வாரத்தில் 30 சதவிகிதம் மரணம் ஏற்பட வாய்ப்புள்ளதுடன் இந்த நோய்க்கு இதுவரை தடுப்பூசி உருவாக்கப்படவில்லை." என நிபுணர்கள் தெரிவித்துள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
கடும் கட்டுப்பாடுகளை மீறி... கப்பல் கப்பலாக: வடகொரியாவின் கோரிக்கையை நிறைவேற்றிய ரஷ்யா News Lankasri
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
