ரஷ்யாவை திணற வைக்கும் ட்ரம்பின் இரகசிய நகர்வுகள்

Donald Trump United States of America World Russia

By Sajithra Oct 25, 2025 06:53 PM GMT

Sajithra

in உலகம்

Report

உக்ரைன் போரை நிறுத்த விளாடிமிர் புடின் இன்னும் தாமதம் செய்வார் என்றால், ரஷ்ய பொருளாதாரத்தின் முக்கிய அம்சங்களை குறிவைக்க ட்ரம்ப் நிர்வாகம் தயாராகி வருவதாக தகவல் கசிந்துள்ளது.

ரஷ்யாவிற்கு எதிராக ஐரோப்பிய நாடுகளும் தொடர்ந்து அழுத்தமளிக்க வேண்டும் என்று ட்ரம்ப் நிர்வாகம் கோரியுள்ளது. மேலும், முடக்கப்பட்டுள்ள ரஷ்ய சொத்துக்களில் இருந்து பெருந்தொகைக்கு அமெரிக்க ஆயுதங்கள் வாங்கி, உக்ரைனுக்கு உதவும் திட்டத்திற்கும் அமெரிக்க அதிகாரிகள் ஆதரவளித்துள்ளனர்.

ஆனால், இந்த நகர்வுகள் அனைத்தும் மிக விரைவிலேயே அமெரிக்கா முன்னெடுக்குமா என்பதில் உறுதியான தகவல் இல்லை. ட்ரம்ப் ஆட்சிக்கு வந்ததன் பின்னர் ரஷ்யாவிற்கு எதிராக முதல் முறையாக பொருளாதார நெருக்கடியை ஏற்படுத்தியுள்ளார்.

போர்நிறுத்த உத்தி

மட்டுமின்றி, உக்ரைனில் ரஷ்யாவின் மூன்று ஆண்டுகளுக்கும் மேலான போரை முடிவுக்குக் கொண்டுவர முயற்சிப்பது எதிர்பார்த்ததை விட கடினமான விவகாரம் என்பதையும் ட்ரம்ப் ஒப்புக்கொண்டுள்ளார்.

ரஷ்யாவை திணற வைக்கும் ட்ரம்பின் இரகசிய நகர்வுகள் | Trump Secret Moves To Embarrass Russia

உக்ரைன் விவகாரத்தில் புடினிடம் அமெரிக்கா போலியான கோபத்தை வெளிப்படுத்தி வருவதாக ஐரோப்பிய நாடுகள் குற்றஞ்சாட்டி வந்த நிலையிலேயே, மிக முக்கியமான எண்ணெய் நிறுவனங்கள் மீது ட்ரம்ப் நிர்வாகம் தடைகள் விதித்தது.

ஆனால், இந்த நிறுவனங்கள் மீது ஐரோப்பிய நாடுகளும் பிரித்தானியாவும் ஏற்கனவே தடை விதித்துள்ளன. இந்த நிலையில், ரஷ்யா மீது அடுத்தகட்ட மிகப்பெரிய நகர்வை ஐரோப்பிய நாடுகள் முன்னெடுக்க வேண்டும் என மூத்த அமெரிக்க அதிகாரி ஒருவர் குறிப்பிட்டுள்ளார்.