ஒரே இலக்கம் கொண்ட இரு முச்சக்கர வண்டிகள் பொலிஸாரால் பறிமுதல்

Sri Lanka Police Nuwara Eliya Crime

By Thiva Oct 13, 2026 09:35 AM GMT

Thiva

in குற்றம்

Report

ஒரே இலக்க தகடுகள் கொண்ட இரண்டு முச்சக்கர வண்டிகள் நுவரெலியா பிரதேச குற்றப் புலனாய்வுப் பிரிவின் பொலிஸாரால் கைப்பற்றப்பட்டு அவற்றின் உரிமையாளர்களும் கைது செய்யப்பட்டுள்ளனர்.

அந்த இரண்டு முச்சக்கர வண்டிகளும் நுவரெலியாவின் ராகலை மற்றும் சாந்திபுரப் பகுதிகளில் கண்டறியப்பட்டுள்ளது.

சந்தேக நபர்கள் இருவர்

மேலும், நுவரெலியாவின் சாந்திபுரப் பகுதியில் பறிமுதல் செய்யப்பட்ட முச்சக்கர வண்டி, வாடகைக்குப் பயன்படுத்தப்பட்ட ஒன்றாகும் என பொலிஸார் தெரிவித்துள்ளனர்.

ஒரே இலக்கம் கொண்ட இரு முச்சக்கர வண்டிகள் பொலிஸாரால் பறிமுதல் | Three Wheelers Same Registration Number Seized

மற்றொரு முச்சக்கர வண்டி ராகலை பகுதியில் உள்ள ஒரு வீட்டில் மறைத்து வைக்கப்பட்டிருந்த நிலையில் கண்டுபிடிக்கப்பட்டுள்ளது எனவும் இந்த இரண்டு முச்சக்கர வண்டிகளையும் பறிமுதல் செய்த நுவரெலியா பிரதேச குற்றப் புலனாய்வுப் பிரிவின் அதிகாரிகள், சந்தேக நபர்கள் இருவரும் உறவினர்கள் என தெரிவித்துள்ளனர்.

சட்டவிரோதச் செயல்கள்

இரு முச்சக்கர வண்டிகளிலும் ஒரே இலக்க தகடுகள் பயன்படுத்தப்பட்டது தொடர்பாக, நுவரெலியா மாவட்ட பிரதி பொலிஸ் தலைவர் ஜகத் சந்திரகுமார மற்றும் நுவரெலியா சிரேஷ்ட பொலிஸ் கண்காணிப்பாளர் சந்திரசேகர பண்டார ஆகியோரின் அறிவுறுத்தல்களின்படி, அந்த இரு வண்டிகளின் சேசிஸ் எண் மற்றும் எஞ்சின் எண்களை சரிபார்க்க நுவரெலியா மாவட்ட பிரதம மோட்டார் வாகன ஆய்வாளரின் உதவியைப் பெறுவதற்கான நடவடிக்கைகள் எடுக்கப்பட்டுள்ளது.