இலங்கையில் யூத மத சடங்கை பூர்த்தி செய்ய முற்பட்ட 5 வெளிநாட்டவர்கள் கைது

Sri Lanka Department of Immigration & Emigration Israel

By Dev Jun 10, 2025 01:12 AM GMT

Dev

in குற்றம்

Report

வருகை விசா நிபந்தனைகளை மீறிய குற்றச்சாட்டில் மூன்று இஸ்ரேலியர்கள் உட்பட 5 பேர் குடிவரவு மற்றும் குடியகல்வுத் துறையால் கைது செய்யப்பட்டுள்ளனர்.

மீரிகமவில் உள்ள ஒரு கோழி பதப்படுத்தும் தொழிற்சாலையில் வைத்து நேற்றையதினம்(09.06.2025) அவர்கள் கைது செய்யப்பட்டதாக தெரிவிக்கப்பட்டுள்ளது.

கைது செய்யப்பட்டவர்களில் 3 பேர் இஸ்ரேலை சேர்ந்தவர்கள் எனவும் இருவர் அவுஸ்திரேலியா மற்றும் இத்தாலியை சேர்ந்தோர் எனவும் குறிப்பிடப்பட்டுள்ளது.

சட்டவிரோத செயற்பாடு

குறித்த ஐவரும் யூத சட்டங்களின் தேவைகளைப் பூர்த்தி செய்யும் கோழிப் பொருட்களை தயாரிக்கும் கோஷர் பாரம்பரியத்தை பின்பற்றி வந்ததாக முதற்கட்ட விசாரணைகளில் தெரியவந்துள்ளது.

இலங்கையில் யூத மத சடங்கை பூர்த்தி செய்ய முற்பட்ட 5 வெளிநாட்டவர்கள் கைது | Three Israelis Arrested In Sri Lanka

கோஷர் சிகிச்சை பெற்ற இறைச்சியை உள்ளூர் சபாத் வீடுகளின் யூத மத மையங்கள் வாங்கி அதன் பின்னர் அவற்றை அறுகம் குடாவிற்கு அனுப்ப வேண்டும்.

இலங்கையில் யூத சமையல் மரபுகள் தொடர்பான மத சடங்குகளைச் செய்வது சட்டவிரோதமானது அல்ல என்றாலும், வருகை விசாவுடன் வணிக நிறுவனத்தில் இதுபோன்ற நடவடிக்கைகளை மேற்கொள்வது சட்டவிரோதமானது என குடிவரவு மற்றும் குடியகல்வுத் துறை அதிகாரி ஒருவர் தெரிவித்துள்ளார்.