சிங்களவர்களிடம் இந்த நாட்டை கையளித்ததில் இருந்து சுதந்திர தினம் தமிழருக்கு கரிநாள் - தர்மலிங்கம் சுரேஸ்

இந்த நாட்டை பிரித்தானியர்கள் சிங்களவர்களிடம் கையளித்ததில் இருந்து தொடர்ச்சியாக தமிழர்கள் இந்த நாளை கரிநாளாக அனுஷ்டித்து வருகின்றனர், எனவே பல்கலைக்கழக மாணவர்கள், காணாமல்போன உறவுகள் மற்றும் பொது அமைப்புக்கள் முன்னெடுத்து வரும் இந்த கரிநாள் போராட்டத்திற்கு மக்கள் வலுச் சேர்க்க வேண்டும் என தமிழ் தேசிய மக்கள் முன்னணி கட்சி தேசிய அமைப்பாளர் தர்மலிங்கம் சுரேஸ் கோரிக்கை விடுத்துள்ளார்.

மட்டக்களப்பு வொய்ஸ் ஒப் மீடியா கற்கை நிலையத்தில் நேற்று (03.02.2026) இடம்பெற்ற ஊடக சந்திப்பில் வைத்து அவர் இந்த விடயத்தை கூறியுள்ளார்.

போராட்டங்கள்

மேலும் தெரிவிக்கையில், இந்த நாட்டிலே தமிழர் தாயகம் எங்கும் இந்த நாளை ஒரு கரிநாளாக பிரகடனப்படுத்தி பல போராட்டங்கள் நடைபெறவுள்ளது. அதனடிப்படையில் வடக்கில் கிளிநொச்சியிலும் கிழக்கில் மட்டக்களப்பிலும் கரிநாள் எதிர்ப்பு போராட்டம் இடம்பெறவுள்ளது.

இலங்கையில் இனவாதத்திற்கு இடமில்லை! சுதந்திர தினத்தில் அநுர சூளுரை - LIVE

பிரித்தானியர்கள் 1948 பெப்பிரவரி 4ஆம் திகதி இந்த நாட்டை ஒரு சிங்கள தேசிய வாதத்திடம் கையளித்ததில் இருந்து தமிழர்களை பொறுத்தமட்டில் இந்த நாளை தொடர்ச்சியாக ஒரு கரிநாளாக அனுஷ்டித்து வருகின்றனர்.

பல்லின மக்கள் வாழுகின்ற சூழ்நிலையில் நாட்டினுடைய சிங்கள தேசியவாதிகளான ஆட்சியாளர்கள் பிரித்தானியர்கள் கையளித்தில் இருந்து ஏனைய மக்களை அடக்கி ஒடுக்கி அடிமைப்படுத்தி வருகின்ற நிலமையினால் இந்த நாளை சிறுபான்மை மக்கள் கரிநாளாக அனுஷ்டிக்கின்றனர்.

இந்த நாடு தெற்கு ஆசிய பிராந்தியத்தில் ஒரு முன்னிலையாக வரவேண்டிய நாடு. துரதிர்ஷ்டவசமாக இந்த சிங்கள தேசிய ஆட்சியாளர்கள் தங்களுடைய நலனுக்காக முன்னிலைப்படுத்தி கொண்டு செல்வதால் இந்த நாடு வளர்ச்சி பாதையில் இருந்து பின்தங்கிய நிலையில் காணப்படுகின்றது.

தமிழர்கள் அடிமைப்படுத்தப்பட்டு வருகின்ற இந்த நிலைமையிலே பெரும்பான்மையாக இருக்கும் சிங்கள மக்கள் இந்த நாளை சுதந்திர நாளாக கருதி அவர்கள் கொண்டாடினாலும் அந்த மக்கள் இந்த நாளை கரிநாளாக அனுஷ்டித்துக் கொண்டிருக்கின்றனர்.

தென்னிலங்கையில் தமிழ் பெண் ஒருவர் கொடூரமான முறையில் கொலை

அடக்குமுறை

ஏன் என்றால் இந்த வளர்ச்சி பாதையை தடுப்பது சிங்கள தேசியவாதம் இந்த நாட்டின் அரசியல் அமைப்பு 1948இற்கு பிற்பாடு ஒரு ஒட்சியாட்சி அரசியல் அமைப்பாக ஒரு அடிமை சாசனமாக இருப்பதால் இந்த அரசியல் அமைப்பில் உள்ள சட்டங்கள் ஒரு இனத்தை அடக்கி ஒடுகின்றது.

அந்த அடக்குமுறை என்பது சிங்கள மக்களையும் முழுமையாக பாதிக்கின்றது. எனவே வடக்கு கிழக்கில் நடக்கும் கரிநாள் நிகழ்வு சிங்கள மக்களுக்கு பொருத்தமாக அமைகிறது எனவே இந்த நிலைமைகளை சிங்கள தேசம் விளங்கி கொண்டு அடிப்படை பிரச்சினைக்கு காரணமாக இருக்கின்ற ஒற்றையாட்சி அரசியல் அமைப்பை மாற்றி அதனை ஒரு சமஷ்டி கட்டமைப்பாக மாற்றி இந்த நாட்டிலே இருக்கின்ற பல்லின மக்கள் சம உரிமையுடன் சுயநிர்ணயத்துடன் அவர் அவர் அனுபவிக்க கூடிய அந்த சட்டத்தை மாற்றுவதற்கு ஆட்சியாளர்கள் முன்வரவேண்டும் அவ்வாறு முன் வருகின்ற பட்சத்தில் மட்டும் தான் இந்த நாட்டை கட்டியொழுப்பலாம்.

குறிவைக்கப்பட்ட ஈரானிய இராணுவம்.. ட்ரம்பின் நடவடிக்கையால் பரபரப்பு

இங்கே அடிப்படை காரணமாக இருப்பது இந்த அடிமை சாசனம் தமிழர்கள் தான் நசுக்கப்படுகிறார்கள் என்ற மமதையில் இந்த ஆட்சியாளர்கள் இருப்பார்களாக இருந்தால் இந்த நாடு மீண்டும் ஒரு படுகுழியில் தள்ளப்படும். ஆகவே இந்த நிலைமைகளை ஆட்சியாளர்கள் உணர வேண்டும்.

1949 கல்லோயா திட்டம் தொடக்கம் 2009 கிபிலோயா திட்டம் வரைக்கும் தமிழ் மக்களுடைய தேசம் குறிவைக்கப்பட்டு அடிமைப்படுத்தப்பட்டு அந்த தேசம் அழிக்கப்படுகின்றது. ஒற்றையாட்சி கட்டமைப்பு தான் தமிழ் தேசத்தை அழிக்கின்றது. எனவே இந்த கட்டமைப்பை மாற்றுவதற்கு ஆட்சியாளர்கள் முன்வர வேண்டும் என தெரிவித்துள்ளார்.