லங்காசிறி FM
பிராந்திய சுகாதார பணிமனை கட்டட விவகாரம்: கடிதத்தை மீளப் பெறுவதாக சத்தியமூர்த்தி அறிவிப்பு
யாழ்ப்பாண பிராந்திய சுகாதார பணிமனை கட்டடத்தை மத்திய சுகாதார அமைச்சின் பாவனைக்கு எடுத்துக் கொள்வது தொடர்பில் வட மாகாண சபையின் அவைத் தலைவர் சி.வி.கே.சிவஞானம் கேள்வி எழுப்பிய நிலையில் ஆளுநருக்கு அனுப்பிய கடிதத்தை மீளப்பெறுவதாக யாழ்ப்பாண போதனா வைத்தியசாலை பணிப்பாளரும், பதில் மாகாண சுகாதார பணிப்பாளருமான வைத்தியர் தங்கமுத்து சத்தியமூர்த்தி தெரிவித்துள்ளார்.
யாழ்ப்பாண மாவட்ட அபிவிருத்தி ஒருங்கிணைப்பு குழுத் தலைவர் அமைச்சர் டக்ளஸ் தேவானந்தா தலைமையில் நேற்றையதினம் (27.09.2023) இடம்பெற்ற கூட்டத்தில் வைத்து இந்த விடயம் தெரிவிக்கப்பட்டுள்ளது.
மாகாண அதிகாரங்கள்
இது குறித்து அவர் மேலும் தெரிவிக்கையில்,
மாவட்ட ஒருங்கிணைப்புக் குழு கூட்டத்தில் சுகாதார விடயங்கள் தொடர்பான கலந்துரையாடலின் போது அவைத் தலைவர் சி.வி.கே.சிவஞானம், மாகாண அதிகாரத்துக்கு உட்பட்ட கட்டடம் ஒன்றை மத்திய சுகாதார அமைச்சுக்கு வழங்குவது பொருத்தம் அற்றது எனத் தெரிவித்தார்.
இவ்வாறான விடயங்கள் மாகாண அதிகாரங்கள் தொடர்பில் பலவீனத்தன்மையை ஏற்படுத்தும் எனவும் இதை சம்பந்தப்பட்டவர்கள் கருத்தில் கொள்ள வேண்டும் எனவும் கூறினார்.
கோரிக்கையாக முன்வைக்கப்பட்ட கடிதம்
இதன்போது பதிலளித்த வடமாகாண ஆளுநர் பி.எஸ்.எம்.சாள்ஸ், தன்னிடம் கோரிக்கை அனுப்பப்பட்டதாகவும் குறித்த கடிதத்திற்கு தான் பதிலளிக்கவில்லை எனவும் குறிப்பிட்டுள்ளார்.
அது மட்டும் அல்ல மாகாண அதிகாரங்களை மத்திக்கு வழங்க வேண்டிய தேவை ஏற்படவில்லை எனவும், கடந்த காலங்களில் மாகாண பாடசாலைகளை மத்திக்கு வழங்குவது தொடர்பில் தான் செயற்பட்ட விதம் அனைவருக்கும் தெரியும் எனும் தெரிவித்தார்.
இதன்போது கருத்து தெரிவித்த வைத்தியர் சத்தியமூர்த்தி யாழ்ப்பாணம் போதனா வைத்தியசாலையின் நெருக்கடி நிலைமையை கருத்தில் கொண்டு அருகில் உள்ள பிராந்திய சுகாதார பணிமனை கட்டடத்தை கேட்டேன்.
ஆனால் இந்த கோரிக்கையினால் பிரச்சினை ஏற்படுமாயின் பிரச்சினைக்கு உள்ளாக விரும்பவில்லை. ஆளுநருக்கு அனுப்பிய கடிதத்தை மீளப் பெறுவதற்கான கடிதத்தை அனுப்புவதாக தெரிவித்தார்.
அதிகாரங்கள் மத்திய அரசிடம்
இதன்போது கருத்து தெரிவித்த அவை தலைவர் சிவஞானம் யாழ்ப்பாணம் போதனா வைத்தியசாலையுடனோ அல்லது வைத்தியர் சத்தியமூர்த்தியுடனோ எனக்கு எவ்வித பிரச்சினையும் இல்லை.
நாட்டில் ஏற்பட்ட கோவிட் தாக்கத்தின் போது யாழ்ப்பாணம் போதனா வைத்தியசாலையின் செயற்பாடுகளையும் மருத்துவர்களின் செயற்பாடுகள் தொடர்பிலும் பாராட்டிப் பேசியவன் நான்.
ஆனால் எமக்கு வழங்கப்பட்ட மாகாண அதிகாரங்களை சிறிது சிறிதாக மத்திய அரசிடம் வழங்குவது கவலை அளிக்கின்ற நிலையில் அதனை பாதுகாப்பதற்காக அரசியலைக் கடந்து குடிமகன் என்ற வகையில் இந்த கருத்தை பதிவு செய்வதாக தெரிவித்தார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
Post Office Fixed Deposit -ல் ரூ.25,000 முதலீடு செய்தால்.., திரும்ப கிடைக்கும் தொகை எவ்வளவு? News Lankasri
இரண்டே நாட்களில்... முகேஷ் அம்பானியை முந்தி பெரும் கோடீஸ்வரர் பட்டத்தை தட்டித் தூக்கிய நபர் News Lankasri
சன் டிவியில் திடீரென முடிவுக்கு வரும் முக்கிய சீரியல்... கவலையில் ரசிகர்கள், எந்த தொடர் தெரியுமா? Cineulagam
வண்ணார்பண்ணை, திருநெல்வேலி, யாழ்ப்பாணம், கொழும்பு, Toronto, Canada, Montreal, Canada
19 Sep, 2024
கேகாலை, யாழ்ப்பாணம், Herning, Denmark, Toronto, Canada
19 Sep, 2023
