லங்காசிறி FM
புதிய வாகனம் வாங்கும் மக்களின் கனவை அரசாங்கம் கொன்று விட்டது- தயாசிறி ஆதங்கம்
Amal
in பொருளாதாரம்
அரசாங்கம் வாகன இறக்குமதி மீதான கட்டுப்பாடுகளைத் தளர்த்தியுள்ளது, ஆனால் நான்கு அடுக்கு வரி விதிப்பு மற்றும் ஜனாதிபதியால் குறிப்பிடப்பட்ட உற்பத்தி ஆண்டுக்கான குறைப்பு ஆகியவை புதிய வாகனங்களை நாட்டுக்குள் கொண்டுவருவதற்கான நம்பிக்கையை தகர்த்துவிட்டன என்று நாடாளுமன்ற உறுப்பினர் தயாசிறி ஜெயசேகர கூறியுள்ளார்.
ஊடகவியலாளர்கள் மத்தியில் உரையாற்றிய அவர், வாகனங்களை கொள்வனவு செய்ய காத்திருந்த பலருக்கு இது, தொலைதூரக் கனவாக மாற்றியுள்ளது என்று கூறியுள்ளார்.
தற்போதைய அரசாங்கம் தேர்தல்களின் போது இளைஞர்கள் உட்பட பொது மக்களுக்கு, குறைந்தபட்சம் ஒரு புத்தம் புதிய ஜப்பானிய மோட்டார் சைக்கிள் மற்றும் புதிய வாகனங்களை வாங்குவதற்கான சூழலை எளிதாக்குவது போன்ற பெரும் வாக்குறுதிகளுடன் ஆட்சிக்கு வந்ததாக அவர் குறிப்பிட்டுள்ளார்.
வாகன இறக்குமதி
குறைந்த விலையில் வாகனங்களை இறக்குமதி செய்வதற்கான நடைமுறைகளை அறிமுகப்படுத்துவதாக ஜனாதிபதியும் உறுதியளித்திருந்தார். இருப்பினும், அரசாங்கம் இறக்குமதிகளைத் தளர்த்தியுள்ளது.
ஆனால் தளர்வுகள் உருவாக்கப்பட்டு எந்த வகையான வாகனத்தையும் இறக்குமதி செய்ய முடியாதபடி சட்டங்கள் விதிக்கப்பட்டன. வாகன இறக்குமதிகளுக்கு நான்கு அடுக்கு வரி விதிக்கப்பட்டுள்ளது,
இதில் வாகனத்தின் மதிப்பு, ஆடம்பர வரி, சுங்க வரி மற்றும் செலவு, காப்பீடு மற்றும் சரக்கு ஆகியவற்றின் அடிப்படையில் சிறப்பு இறக்குமதி வரி, தற்போதுள்ள 18வீத வெட் ஆகியவை அடங்கும்.
இதன் விளைவாக, வாகனங்கள் மீதான ஒட்டுமொத்த இறக்குமதி வரி கணிசமாக அதிகரித்துள்ளது.
உற்பத்தி ஆண்டிலிருந்து ஐந்து ஆண்டுகளுக்கு மேல் பழமையான வாகனங்களை இறக்குமதி செய்ய அனுமதிக்குமாறு வாகன இறக்குமதியாளர்கள் அரசாங்கத்திடம் கோரிக்கை விடுத்த போதிலும், உற்பத்தி திகதியிலிருந்து மூன்று ஆண்டுகளுக்கு மேல் பழமையான வாகனங்களுக்கு இறக்குமதியை அரசாங்கம் கட்டுப்படுத்தியுள்ளது என்று ஜயசேகர கூறியுள்ளார்.
இதில் துரதிஸ்டவசமான சூழ்நிலை என்னவென்றால், ஜப்பான் தங்கள் நாட்டில் அதிகபட்சமாக ஏழு ஆண்டுகளுக்கு தங்கள் வாகனங்களைப் பயன்படுத்த முடிவு செய்துள்ளது.
இந்த முடிவின் காரணமாக, உற்பத்தி திகதியில் இருந்து ஏழு ஆண்டுகளுக்கும் குறைவான பழைய வாகனங்களை ஜப்பானில் இருந்து கண்டுபிடிக்க முடியாத சூழ்நிலைக்கு ஏற்படும். எனவே, வாகன இறக்குமதி தொடர்பான முடிவு, முழுமையான பொய்யாக மாறியுள்ளது.
உற்பத்தி
இறக்குமதி செய்யப்படும் வாகனங்களுக்கான அதிகபட்ச அனுமதிக்கப்பட்ட வயதை உற்பத்தி செய்யப்பட்ட நாளிலிருந்து ஐந்து ஆண்டுகளாக நீடிக்க ஜனாதிபதி உத்தரவிட்டிருந்தாலும், அரச அதிகாரிகள் அவரது உத்தரவைப் பின்பற்றாமல் அதை அதிகபட்சமாக மூன்று ஆண்டுகளாக அதனை குறைத்துள்ளனர் என்று தயாசிறி ஜயசேகர குறிப்பிட்டுள்ளார்.
இதன்படி, உண்மையில், உற்பத்தி செய்யப்பட்ட நாளிலிருந்து மூன்று ஆண்டுகளுக்குக் குறைவான வாகனத்தை இறக்குமதி செய்வது மிகவும் அரிதான கஸ்டமானது.
அத்தகைய வாகனம் கண்டுபிடிக்கப்பட்டு நாட்டுக்கு இறக்குமதி செய்யப்பட்டாலும், அதன் விலை 8 மில்லியன் ரூபாய் வரை உயரக்கூடும்.
இது வாகனங்களை வாங்குபவர்களுக்கு குறிப்பிடத்தக்க நிதிச் சுமையை உருவாக்கும் என்று ஜயசேகர தெரிவித்துள்ளார். எனவே புதிய வாகனம் வாங்கும் மக்களின் கனவை அரசாங்கம் கொன்றுவிட்டது என்று அவர் மேலும் கூறியுள்ளார்.
சிங்கள இனமயமாக்கலை எதிர்கொள்ளும் ஈழத்தமிழினம் 2 நாட்கள் முன்
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
மலேசியா, Malaysia, உரும்பிராய் கிழக்கு, தெஹிவளை, Sutton, United Kingdom
05 Feb, 2021
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
4th ward,Puthukkudiyiruppu, Mullaitivu, London, United Kingdom
04 Feb, 2011
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
