லங்காசிறி FM
தமிழ் தேசம் ஜோதிலிங்கத்தை இழந்துவிட்டது : கஜேந்திரகுமார் பொன்னம்பலம் ஆழ்ந்த இரங்கல்
ஆசிரியர், வழக்கறிஞர், அரசியல் ஆய்வாளர் என்ற எல்லைகளைத் தாண்டித் தமிழ் தேசத்தின் எதிர்காலம் குறித்து ஆழமாகச் சிந்தித்த மிக முக்கிய சிந்தனையாளரான ஜோதிலிங்கம் ஐயாவின் இழப்பு தமிழ் மக்களுக்கு ஈடுசெய்ய முடியாத ஒன்றாகும் எனத் தமிழ் தேசிய மக்கள் முன்னணியின் தலைவரும் நாடாளுமன்ற உறுப்பினருமான கஜேந்திரகுமார் பொன்னம்பலம் தெரிவித்துள்ளார்.
காலமான சிரேஷ்ட அரசியல் ஆய்வாளரும் சிந்தனையாளருமான ஜோதிலிங்கத்தின் மறைவு குறித்து வெளியிட்டுள்ள விசேட இரங்கல் செய்தியிலேயே கஜேந்திரகுமார் பொன்னம்பலம் இவ்வாறு குறிப்பிட்டுள்ளார்.
அரசியல் நடவடிக்கைகளில் ஈடுபட
அவர் வெளியிட்டுள்ள இரங்கல் செய்தியில் மேலும் தெரிவிக்கப்பட்டுள்ளதாவது, "ஜோதிலிங்கம் வெறும் ஆசிரியர் அல்லது வழக்கறிஞர் மட்டுமல்ல. என் பார்வையில் அவர் எல்லாவற்றிற்கும் மேலாக ஒரு சிறந்த சிந்தனையாளர்.
அன்றாட வாழ்வின் கடமைகளுக்கு அப்பாற்பட்டு, சமுதாயத்தைப் பற்றியும், தமிழ் மக்களையும் தமிழ் தேசத்தையும் பற்றியும் ஓயாது சிந்திப்பவராக அவர் செயற்பட்டார்.
இந்தத் தீவில் தமிழ் மக்களும் தமிழ் தேசமும் எதிர்கொண்டிருந்த பெரும் ஆபத்துகளையும், வரவிருந்த அரசியல் அபாயங்களையும் அவரால் முன்கூட்டியே கணிக்க முடிந்தது.
பொதுமக்களிடையே விழிப்புணர்வை ஏற்படுத்தி, அவர்களை அரசியல் நடவடிக்கைகளில் ஈடுபடத் தூண்டும் நோக்கில், தான் கண்டறிந்த ஆபத்துகளைப் பற்றிப் பேச வேண்டும் என்ற உந்துதலால் தனது குடும்பத்தின் நலன்களிலும்கூட அவர் சமரசம் செய்து கொண்டார். அதுவே ஜோதிலிங்கம் ஐயாவின் மிகப்பெரிய பலமாகவும், அவரது தனித்துவமான அடையாளமாகவும் திகழ்ந்தது.
சிக்கலான அரசியல் பிரச்சினை
புவிசார் அரசியல், உலகளாவிய அரசியல் போக்குகள் மற்றும் பேரினவாதம் போன்ற மிகவும் சிக்கலான அரசியல் பிரச்சினைகளைப் புரிந்து கொள்ளும் அசாத்திய திறன் அவருக்கு இருந்தது.
குறிப்பாக, இனப்படுகொலைக் குற்றம் மற்றும் அதன் பின்னணியில் உள்ள நோக்கம் போன்ற சிக்கலான விடயங்களை, சாதாரண மக்களும் எளிதில் புரிந்து கொள்ளும் வகையில் தனது எழுத்துக்கள் மூலம் தெளிவாக எடுத்துரைக்கும் உன்னத ஆற்றலை அவர் கொண்டிருந்தார்.
அவரது மறைவால் தமிழ் மக்கள் மீது விட்டுச் செல்லப்பட்டுள்ள பாரம் இனிவரும் காலங்களில் மிகப் பெரிய அளவில் உணரப்படும். ஜோதிலிங்கத்தின் இழப்பால் துயருறும் அவரது குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன்" எனத் தெரிவித்துள்ளார்.
தனிப்பட்ட முறையிலும், தமிழ் தேசிய பேரவை, தமிழ் தேசிய மக்கள் முன்னணி மற்றும் அகில இலங்கை தமிழ் காங்கிரஸ் சார்பாகவும் தனது ஆழ்ந்த இரங்கலையும் மரியாதையையும் தெரிவிப்பதாகக் கஜேந்திரகுமார் பொன்னம்பலம் மேலும் குறிப்பிட்டுள்ளார்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
