லங்காசிறி FM
இந்திய நிதியமைச்சருடன் இலங்கைத் தமிழ் பிரதிநிதிகள் முக்கிய சந்திப்பு
இந்திய மத்திய நிதியமைச்சர் நிர்மலா சீதாராமனை இலங்கைத் தமிழ் நாடாளுமன்ற உறுப்பினர்கள், அவுஸ்திரேலியா மற்றும் அமெரிக்க தமிழ்ப் பிரதிநிதிகள் உள்ளிட்ட குழுவினர் புதுடெல்லியில் உள்ள நிதி அமைச்சு அலுவலகத்தில் புதன்கிழமை (28.10.2026) மரியாதை நிமிர்த்தமாகச் சந்தித்துக் முக்கிய கலந்துரையாடலில் ஈடுபட்டனர்.
பாரதிய ஜனதா கட்சியின் தேசியச் செயலாளர் ம.வெங்கடேசனின் ஒருங்கிணைப்பில் இந்த சந்திப்பு ஏற்பாடு செய்யப்பட்டிருந்தது. இந்தசந்திப்பின் போது, தமிழ் மக்களின் முக்கிய பிரச்சினைகள் தொடர்பாக கலந்துரையாடப்பட்டது.
இந்திய நிதியமைச்சருடன் சந்திப்பு
இதன்போது நாடாளுமன்ற உறுப்பினர் வைத்தியர் சிறிநாத்தினால் தமிழ் மக்களின் வரலாற்று மற்றும் ஆன்மீக அடையாளமான பாடல் பெற்ற திருத்தலங்களில் ஒன்றான திருகோணேஸ்வரர் ஆலய விடயம், இலங்கைத் தமிழர்களின் அரசியல் உரிமைகள், அரசியல் தீர்வு மற்றும் சமகால அரசியல் சூழல், இலங்கையிலிருந்து இடம்பெயர்ந்து தமிழ்நாட்டின் முகாம்களில் வாழ்ந்து வரும் இலங்கைத் தமிழர்களின் சமூக நலன் மற்றும் பாதுகாப்பு உள்ளிட்ட விடயங்கள் நிதியமைச்சரிடம் விரிவாக எடுத்துரைக்கப்பட்டன.
இக்கோரிக்கைகளை கேட்டறிந்த மத்திய நிதியமைச்சர், இந்தியப் பிரதமர் நரேந்திர மோடி தலைமையிலான மத்திய அரசு, இலங்கையில் வாழும் தமிழ் மக்களின் நலனுக்காகவும் வாழ்வாதார மேம்பாட்டிற்காகவும் இதுவரை மேற்கொண்டுள்ள பல்வேறு நலத்திட்டங்கள் மற்றும் அபிவிருத்தி நடவடிக்கைகள் குறித்து விளக்கமளித்தார்.
அத்துடன், இலங்கைத் தமிழ் மக்களின் எதிர்காலத் தேவைகளைக் கருத்திற் கொண்டு, அவர்களுக்குத் தேவையான அனைத்து உதவிகளையும் இந்திய அரசு தொடர்ந்து செய்து தரும் என உறுதியளித்தார்.
இச்சந்திப்பில் தமிழ்த் தேசிய மக்கள் முன்னணியின் நாடாளுமன்ற உறுப்பினர் கஜேந்திரகுமார் பொன்னம்பலம், பாரதிய ஜனதா கட்சியின் தேசியச் செயலாளர் ம.வெங்கடேசன், ஆஸ்திரேலியத் தமிழ் காங்கிரஸின் தலைவர் கிருஷ்ணபிள்ளை இளங்கோ, அதன் முன்னாள் தலைவர் மனோகரன் மாணிக்கவிநாயகம் மற்றும் அமெரிக்கத் தமிழர் அமைப்பின் செயற்குழு உறுப்பினர் லவன் முத்து ஆகியோர் கலந்து கொண்டிருந்தமை குறிப்பிடத்தக்கது.
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018