லங்காசிறி FM
பொலிஸாரின் சட்டவிரோத உத்தரவுகளுக்குக் கட்டுப்பட முடியாது: சுகாஸ் அதிரடி
நீதிமன்றக் கட்டளையை மதிக்கத் தயார் ஆனால் பொலிஸாரின் சட்டவிரோத உத்தரவுகளுக்குக் கட்டுப்பட முடியாது எனவும், போராட்டம் தொடரும் எனவும் தமிழ் தேசிய மக்கள் முன்னணியின் ஊடகப் பேச்சாளர் கனகரத்தினம் சுகாஷ் தெரிவித்துள்ளார்.
நீதிமன்றம் வழங்கிய கட்டளை குறித்து கருத்து தெரிவிக்கையிலேயே அவர் இவ்வாறு கூறியுள்ளார்.
அவர் மேலும் தெரிவிக்கையில்,
“மல்லாகம் நீதவான் நீதிமன்றதினால் சட்டத்தரணி காண்டீபன், சட்டத்தரணி சுகாஷ், நாடாளுமன்ற உறுப்பினர் கஜேந்திரகுமார் பொன்னம்பலம், நாடாளுமன்ற உறுப்பினர் செல்வராஜா கஜேந்திரன் ஆகியோருக்கு எதிராக ஒரு கட்டளை பிறப்பிக்கப்பட்டிருக்கின்றது.
அடிப்படை உரிமைகளை மீறல்
இந்தக் கட்டளையிலே 5.11.2023 மற்றும் 6.11.2023 ஆகிய திகதிகளில் திஸ்ஸ மகா விகாரைக்கு அண்மையில் சொத்துக்களுக்கு அல்லது ஆட்களுக்கோ எந்தவிதமான பாதிப்புகளும் ஏற்படக் கூடாது என்ற கரிசினையில் பின்வரும் கட்டளை மன்றினால் கட்டளையாக்கப் படுகின்றது.
ஆர்ப்பாட்டத்தில் ஈடுபடுகின்றவர்கள் திஸ்ஸ விகாரையில் நடைபெறவிருக்கும் கஜினமகா உற்சவத்திற்கு தடைகளோ குழப்பங்களோ ஏற்படுத்தக் கூடாது.
ஆர்ப்பாட்டக்காரர்கள் அரசியலமைப்பின் கீழ் உத்தரவாதம் அளிக்கப்பட்டுள்ள அடிப்படை உரிமைகளை அனுபவிக்கும் வகையில் அமைதிக்கு பாதிப்பை ஏற்படுத்தும் வகையிலோ அல்லது சொத்துக்களுக்கோ ஆட்களுக்கு பாதிப்பு ஏற்படுத்தும் வகையிலோ செயல்படக்கூடாது என்று நீதிமன்றம் கட்டளை பிறப்பித்துள்ளது.
நாங்கள் நீதிமன்றம் கட்டளை பிறப்பிப்பதற்கு முன்பாகவே இந்த விடயங்களை அனுசரித்து தான் போராடிக் கொண்டிருக்கின்றோம்.
நாங்கள் நீதிமன்றத்தினுடைய கட்டளையை மதிக்க தயார், ஆனால் இங்கே வருகைத்தந்துள்ள பொலிஸார்ர் நீதிமன்றத்தின் கட்டளைக்கு மேலதிகமாக கோஷங்களை எழுப்பக் கூடாது என்றும் நாங்கள் எழுப்புகின்ற கோஷங்கள் சிங்கள மக்களுக்கும் சிங்கள பக்தர்களுக்கும் மன உளைச்சல்களை ஏற்படுத்தக் கூடாது என்றும் புதிதாக சில சட்ட விதிகளை ஏற்படுத்த பார்க்கின்றார்கள்.
இவற்றுக்கு நாங்கள் அடிபணிய போவது கிடையாது. நீதிமன்றத்தின் கட்டளையை நாங்கள் மதிக்க தயார். ஆனால் பொலிஸாருடைய சட்டவிரோதமான கட்டளைகளை நாங்கள் மதிக்க தயார் இல்லை.
மக்களுக்கான காணி உரிமை
ஏனென்றால் இங்கு மன உளைச்சல் ஏற்பட்டிருப்பது தமிழ் மக்களுக்கும் காணி உரிமையாளர்களுக்கும்தான். ஏனென்றால் எங்களுடைய மக்களுக்கு சொந்தமான, தமிழர்களுக்கு சொந்தமான காணிகளை அபகரித்து தான் சட்ட விரோத விகாரை கட்டப்பட்டு இருக்கின்றது.
இந்த விகாரையில் கொண்டாட்டங்கள் நடக்கின்றபடியால் எங்களுடைய மக்களுக்கு தான் மன உளைச்சலே தவிர சிங்கள மக்களுக்கு அல்ல.
எங்களுடைய காணியை பிடித்து விட்டு நீங்கள் வந்து கொண்டாடும்போது நாங்கள் கோஷம் எழுப்பினால் உங்களுக்கு மன உளைச்சல் ஏற்படுமானால் அதற்கு நாங்கள் பொறுப்பில்லை.
மீளவும் செல்கின்றோம் நாங்கள் நீதிமன்றத்தினுடைய கட்டளையை மதிக்க தயார் ஆனால் பொலிஸாருடைய சட்ட விரோதமான உத்தரவுகளை ஒருபோதும் மதிக்கவும் மாட்டோம். செயல்படுத்தவும் மாட்டோம். போராட்டம் தொடரும்” என அவர் குறிப்பிட்டுள்ளார்.
கடும் கட்டுப்பாடுகளை மீறி... கப்பல் கப்பலாக: வடகொரியாவின் கோரிக்கையை நிறைவேற்றிய ரஷ்யா News Lankasri
மூன்றாம் உலகப்போர் அதிகாரப்பூர்வமாக துவங்கிவிட்டது: திகில் கிளப்பும் உக்ரைன் முன்னாள் தளபதி News Lankasri
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
மூன்றாம் உலகப்போர் அச்சம்: அணுகுண்டு வீச்சிலிருந்து தப்ப Bunker வாங்க அலைமோதும் பிரித்தானியர்கள் News Lankasri
விஜயா சொன்ன விஷயத்தால் கடும் ஷாக்கில் ரோஹினி, இந்த முறை தப்பிப்பாரா?... சிறகடிக்க ஆசை புரொமோ Cineulagam
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
