நீதிமன்றத்தில் கழுத்தை அறுத்துக் கொண்ட சந்தேக நபர்களால் பரபரப்பு - நீதிமன்றம் பிறப்பித்துள்ள அதிரடி உத்தரவு..!

புதிய இணைப்பு

திருகோணமலை நீதவான் நீதிமன்றத்தில் தங்களது கழுத்தை அறுத்துக் கொண்ட இருவர் உட்பட ஐந்து சந்தேக நபர்களையும் 14 நாட்கள் விளக்கமறியலில் வைக்குமாறு திருகோணமலை நீதவான் எம்.எஸ்.எம். சம்சுதீன் உத்தரவிட்டுள்ளார்.

இது தொடர்பான வழக்கு இன்று(28.10.2026) விசாரணைக்கு எடுத்துக் கொள்ளப்பட்ட போதே மேற்கண்டவாறு உத்தரவிடப்பட்டுள்ளது.

48 மணி நேர தடுப்புக்காவல் விசாரணை

கைக்குண்டுகளைத் தம்வசம் வைத்திருந்ததாகச் சந்தேகத்தின் பேரில் கைது செய்யப்பட்ட ஐந்து சந்தேக நபர்களும், கடந்த 48 மணித்தியாலங்களாகத் திருகோணமலை தலைமையக பொலிஸாரின் தடுப்புக் காவலில் வைத்து விசாரணைக்கு உட்படுத்தப்பட்டனர்.

விசாரணைகளின் பின்னர், குறித்த ஐந்து சந்தேக நபர்களும் இன்று நீதவான் நீதிமன்றத்தில் முன்னிலைப்படுத்தப்பட்டுள்ளனர். இதன்போது, சந்தேக நபர்களில் ஒருவர் தனது கழுத்தை அறுத்துக் கொண்டதையடுத்து, மற்றுமொரு சந்தேக நபரும் அவரிடமிருந்த கூரான பிளேட்டைப் பெற்று தனது கழுத்தை அறுத்துக் கொண்டதாகத் தெரிவிக்கப்படுகின்றது. 

நீதிமன்ற உத்தரவு

சம்பவத்தில் காயமடைந்த இருவரும் திருகோணமலை பொது வைத்தியசாலையில் அனுமதிக்கப்பட்டுள்ளனர். அவர்களில் ஒருவரின் நிலை கவலைக்கிடமாக இருப்பதாக வைத்தியசாலை வட்டாரங்கள் தெரிவித்துள்ளன.

பொலிஸார் தமக்கு எதிராகப் பொய்யான குற்றச்சாட்டுகளைச் சுமத்தியுள்ளதாகக் கவலையடைந்த நிலையிலேயே சந்தேக நபர்கள் இவ்வாறு நடந்துகொண்டதாகக் கூறப்படுகின்றது.

இந்த நிலையில், கழுத்தை அறுத்துக் கொண்ட இருவர் உட்பட ஐந்து சந்தேக நபர்களையும் 14 நாட்கள் விளக்கமறியலில் வைக்குமாறு நீதவான் உத்தரவிட்டுள்ளார். சம்பவம் தொடர்பான மேலதிக விசாரணைகள் முன்னெடுக்கப்பட்டு வருகின்றன.      

விடுதலைப் புலிகள் மீதான தடையை கனடா நீக்க வேண்டும்! சிறீதரன் எம்.பி. வலியுறுத்தல்

இரண்டாம் இணைப்பு

திருகோணமலை நீதிமன்றத்தில் விசாரணைக்காக முன்னிலைப்படுத்தப்பட்ட சந்தேக நபர்களில் ஒருவர் தன்னுடைய கழுத்தை தானே அறுத்துக் கொண்டதையடுத்து, அருகில் இருந்த சந்தேக நபர் ஒருவரின் கழுத்தையும் அறுப்பதற்கு முயற்சி செய்துள்ளார்.

அதன் பின்னர், படுகாயமடைந்த சந்தேக நபரின் கையில் இருந்த கூர்மையான அயுதத்தை (பிளைட்) வாங்கிய மற்றுமொரு சந்தேக நபர் அவருடைய கழுத்தை அறுப்பதற்கு முயற்சி செய்துள்ளனர்.

இதன்போது, அங்கிருந்த பொலிஸார் இருவரையும் கட்டுப்பாட்டிற்குள் கொண்டு வந்துள்ளதுடன், இருவரையும் வைத்தியசாலையில் அனுமதித்துள்ளனர்.

படுகாயமடைந்த இருவரில் ஒருவர், மோசமான நிலையில் இருப்பதாக எமது செய்தியாளர் தெரிவித்துள்ளார்.  

முதலாம் இணைப்பு

திருகோணமலை நீதிமன்றத்தில் விசாரணைக்காக முன்னிலைப்படுத்தப்பட்ட சந்தேக நபரொருவர் தனது கழுத்தை அறுத்துக் கொண்ட சம்பவம் இன்று(28) நீதிமன்ற வளாகத்தில் பரபரப்பை ஏற்படுத்தியுள்ளது.

கைக்குண்டுகளைத் தம்வசம் வைத்திருந்ததாகத் தெரிவித்து, சந்தேகத்தின் பேரில் கைது செய்யப்பட்ட ஐவர், 48 மணித்தியால விசாரணைகளின் பின்னர் இன்று  திருகோணமலை நீதவான் எம்.எஸ்.எம். சம்சுதீன் முன்னிலையில் பிரசன்னப்படுத்தப்பட்டனர். 

நீதிமன்ற வளாகத்தில் பரபரப்பு

இவ்வாறு நீதிமன்றத்தில் முன்னிலைப்படுத்தப்பட்ட ஐந்து சந்தேகநபர்களுள் ஒருவரே நீதிமன்றத்திற்குள் வைத்து தனது கழுத்தை அறுத்துக் கொண்டுள்ளார். 

பொலிஸார் தமக்கு எதிராகப் பொய்யான குற்றச்சாட்டுகளைச் சுமத்தியுள்ளதாக தெரிவித்து குறித்த சந்தேகநபர் கவலையடைந்த நிலையிலேயே நீதிமன்றத்தில் சந்தேக நபர் கழுத்தை அறுத்துக் கொண்டதாக தகவல்கள் வெளியாகியுள்ளன. 

இந்தச் சம்பவத்தை  தொடர்ந்து நீதிமன்ற வளாகத்தில் பரபரப்பான நிலை ஏற்பட்டுள்ளது.

கோட்டாபயவின் வெளிநாட்டுப் பயணத் தடை : நீதிமன்றம் பிறப்பித்த உத்தரவு

யாழ்.நெடுந்தூரப் பேருந்து சேவை விவகாரம் – நீதிமன்றில் வழக்கு தாக்கல்

You may like this..