சுரேஷ் சலே விவகாரம்! GSP+ சலுகைகளை இழக்கும் அபாயத்தில் இலங்கை

தேசிய புலனாய்வுச் சேவையின் முன்னாள் பணிப்பாளர் ஓய்வுபெற்ற மேஜர் ஜெனரல் சுரேஷ் சலேவுக்கு எதிரான சித்திரவதைகள் காரணமாக இலங்கையானது, ஐரோப்பிய ஒன்றியத்தின் சலுகைகளை இழக்கும் அபாய நிலையில் இருப்பதாக எச்சரிக்கப்பட்டுள்ளது.

கொழும்பில் நடைபெற்ற செய்தியாளர் சந்திப்பில் முன்னாள் அமைச்சர் பந்துல குணவர்த்தன மேற்கண்ட எச்சரிக்கையை விடுத்துள்ளார். அங்கு தொடர்ந்தும் கருத்து வெளியிட்ட அவர்,

இளம் பெண் வைத்தியரின் மர்ம மரணம்! சந்தேகநபரின் பல மோசடிகள் அம்பலம்

சலுகைகளை இழக்கும் அபாயம்

பயங்கரவாதத் தடுப்புச் சட்டத்தைத் தவறாகப் பயன்படுத்துவதாலும், உளவுத்துறைப் பணிப்பாளரான சுரேஷ் சலேவுக்கு எதிராக இழைக்கப்பட்ட மனித உரிமை மீறல்களாலும், இலங்கை GSP+ ஐரோப்பியப் பொருளாதாரச் சலுகைகளை இழக்கும் கடுமையான அபாயத்தில் உள்ளது.

பயங்கரவாதத் தடுப்புச் சட்டம் தவறாக பயன்படுத்தப்படுவதால், அதனை உடனடியாக மாற்றவோ அல்லது நீக்கவோ வேண்டும் என்று ஐரோப்பியப் பொருளாதாரச் சமூகம் இலங்கைக்கு நீண்ட காலமாக அழுத்தம் கொடுத்து வருகின்றது.

நாட்டுக்கு மகத்தான தேசிய சேவையாற்றிய சுரேஷ் சலே சித்திரவதை செய்யப்படுகிறார் என்று மனித உரிமைகள் ஆணைக்குழுவிடம் அளிக்கப்பட்ட புகார்கள் சர்வதேச அளவில் பகிரங்கமாகும்போது நாட்டின் மீது எதிர்மறையான தாக்கத்தை ஏற்படுத்தும்.

இத்தகைய விடயங்களை சர்வதேச சமூகத்திற்கு வெளிப்படுத்துவது, இலங்கை பெற்றுள்ள சர்வதேசச் சலுகைகளில் நேரடியான எதிர்மறையான தாக்கத்தை ஏற்படுத்தக்கூடும்.

மனிதாபிமானமற்ற செயலை மூடிமறைக்கும் CID

குற்றப் புலனாய்வுத் துறையின் (CID) காவலில் இருந்தபோது, ​​சுரேஷ் சலே நிர்வாணமாக்கப்பட்டு ஆசனவாய் பரிசோதனைக்கு உட்படுத்தப்பட்டார் என்பதை இலங்கை மனித உரிமைகள் ஆணைக்குழுவிடம் (HRCSL) CIDயே ஒப்புக்கொண்டுள்ளது.

ஊடகங்களிடம் பேசிய சுரேஷ' சலேவின் மனைவி மனோரி சலே, மார்ச் 8 ஆம் திகதி நடைபெற்ற இந்த மனிதாபிமானமற்ற செயலை CID மூடிமறைத்திருந்தாலும், அதை மனித உரிமைகள் ஆணைக்குழுவிடம் ஒப்புக்கொள்ள வேண்டியிருந்தது என்று தெரிவித்துள்ளார்.

சுரேஷ் சலேவை அவரது சிறையறையிலிருந்து வெளியே இழுத்து, நிர்வாணமாக்கி, முன்னோக்கிக் குனிய வைத்த இந்த கொடூர செயலில் ஈடுபட்ட அதிகாரிகளின் பட்டியலையும், சிசிடிவி காட்சிகளையும் சமர்ப்பிக்குமாறு மனித உரிமைகள் ஆணைக்குழு CID-க்கு உத்தரவிட்டுள்ளது.

தனக்கு மேற்கொள்ளப்படும் அநீதிக்கு எதிராக சுரேஷ் சலே தொடர் உண்ணாவிரதப் போராட்டத்தில் ஈடுபட்டுள்ளார்.

கொழும்பு தேசிய மருத்துவமனையில் மருத்துவர்கள் தற்போது குழாய் மூலம் திரவ உணவைச் செலுத்தி அவரது உயிரைக் காப்பாற்ற முயன்று வருகின்றனர்.

6x4 அடி கூண்டில் அடைக்கப்பட்ட சலே

காற்றோட்ட வசதி மற்றும் 24 மணி நேர மின்விளக்குகள் இல்லாத 6x4 அடி கூண்டில் அவர் அடைக்கப்பட்டிருந்தார். மேலும், முதல் 40 நாட்களுக்கு வெறும் சிமெண்ட் தரையில் உறங்கும்படி கட்டாயப்படுத்தப்பட்டுள்ளார்.

ஒற்றைத் தலைவலியால் அவதிப்படும் அவர், எலிகள் நிறைந்த, துர்நாற்றம் வீசும் கழிப்பறைக்கு அருகிலுள்ள ஒரு சிறை அறையில் அடைக்கப்பட்டு, வேண்டுமென்றே மனோரீதியாக இழிவுபடுத்தப்பட்டதாக அவரது மனைவி குற்றம்சாட்டுகிறார்.

ஐரோப்பிய ஒன்றியத்தின் GSP+ வரிச் சலுகையானது, இலங்கை 27 சர்வதேச மனித உரிமைகள், தொழிலாளர் மற்றும் சுற்றுச்சூழல் உடன்படிக்கைகளை நடைமுறையில் செயல்படுத்துவதைப் பொறுத்தது.

சித்திரவதைக்கு எதிரான ஐக்கிய நாடுகள் உடன்படிக்கையின் (UNCAT) 2வது சரத்து, யாரும் சித்திரவதைக்கோ அல்லது மனிதாபிமானமற்ற அல்லது இழிவான நடத்தைக்கோ உட்படுத்தப்படக்கூடாது என்று கூறுகிறது.

சிவில் மற்றும் அரசியல் உரிமைகளுக்கான சர்வதேச உடன்படிக்கையின் (ICCPR) 7வது சரத்து சித்திரவதையைத் தடை செய்கிறது.

பயங்கரவாதத் தடுப்புச் சட்டத்தை (PTA) சர்வதேச தரங்களுக்கு இணையாகத் திருத்துவது அல்லது இரத்து செய்வதும், கைதிகள் மீதான சித்திரவதையை முடிவுக்குக் கொண்டுவருவதும் GSP+ திட்டத்தைத் தக்கவைக்கப் பூர்த்தி செய்யப்பட வேண்டிய முக்கிய நிபந்தனைகளாகும். ஐரோப்பிய ஒன்றிய விதிகளின்படி, GSP+ பயனாளி நாடுகளில் நிகழும் கடுமையான மனித உரிமை மீறல்களை விசாரிக்க அவர்களின் விசேட குழுக்கள் அனுப்பப்படுகின்றன.

கைதிகள் மீதான சித்திரவதை

இலங்கையில் PTA-வின் தவறான பயன்பாட்டையும், கைதிகள் மீதான சித்திரவதைகளையும் உடனடியாக நிறுத்த வேண்டும் என்று கடந்த காலம் முழுவதும் ஐரோப்பிய ஒன்றியம் வலியுறுத்தி வருகிறது.

CID-க்குள் முன்னாள் புலனாய்வுத் தலைவர் இத்தகைய சித்திரவதைக்கு உள்ளாக்கப்பட்டுள்ளதால், வரவிருக்கும் ஐரோப்பிய ஒன்றிய தூதுக்குழுக்கள் இந்தச் சம்பவம் தொடர்பாக உன்னிப்பாகக் கண்காணிக்கும்.

இது, ஆடைகள் உள்ளிட்ட நாட்டின் ஏற்றுமதித் துறைக்கு இன்றியமையாத பல மில்லியன் டொலர் மதிப்பிலான GSP+ வரிச் சலுகையை இலங்கை இழக்கும் பெரும் அபாயத்தில் ஆழ்த்துகிறது என்றும் முன்னாள் அமைச்சர் பந்துல குணவர்த்தன தொடர்ந்தும் எச்சரித்துள்ளார்.  

இலட்சக்கணக்கானோரின் வங்கி கணக்குகளில் இன்று வைப்பிலிடப்படவுள்ள பணம்