பெருந்தோட்ட தொழிலாளர் சம்பள உயர்வு விவகாரம்: விமர்சனத்திற்கு சுந்தரலிங்கம் பிரதீப் பதிலடி

Sri Lanka Upcountry People Sri Lankan Peoples Jeevan Thondaman Sundaralingam Pradeep Salary

By DHUSHI Feb 21, 2026 11:09 AM GMT

DHUSHI

in அரசியல்

Report

தோட்டத் தொழிலாளர்களின் சம்பள உயர்வு குறித்து பேசுவதற்கு மலையக அரசியல் கட்சிகளைச் சேர்ந்த அரசியல் தலைவர்களுக்கு என்ன தகுதி இருக்கிறது என பிரதி அமைச்சர் சுந்தரலிங்கம் பிரதீப் கேள்வியெழுப்பியுள்ளார்.

இது தொடர்பில் லங்காசிறி ஊடகத்திற்கு வழங்கிய நேர்காணலில் கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

அவர் மேலும் தெரிவிக்கையில்,

தோட்டத் தொழிலாளர்களுக்கு சம்பள உயர்வு வழங்கியது சில அரசியல் தலைமைகளுக்குப் பிடிக்கவில்லை. நாட்டில் ஊழல், மோசடி நடைபெறும்போது மௌனமாக இருந்தவர்கள், இப்போது ஏன் கேள்வி எழுப்புகிறார்கள் என்பது தெரியவில்லை.

தேசிய மக்கள் சக்தி ஆட்சிக்கு வரும் போதே பெருந்தோட்ட மக்களுக்கு சம்பள உயர்வு வழங்க வேண்டும் என்ற உறுதிப்பாடு இருந்தது. இதன்படி, தற்போது 400 ரூபாய் சம்பள உயர்வு வழங்கப்பட்டுள்ளது.

இனிவரும் காலங்களில் சம்பள உயர்வு மேலும் அதிகரிக்கவும் வாய்ப்பு உள்ளது. அதேபோன்று, தற்போது எரிவாயு சிலிண்டர் தட்டுப்பாடு நிலவுகிறது.

இதுவும் விரைவில் அனைத்து பகுதிகளிலும் உள்ள மக்களும் பெற்றுக்கொள்ளும் வகையில் ஏற்பாடு செய்து தரப்படும் என அவர் உறுதியளித்துள்ளார்.