லங்காசிறி FM
சாய்ந்தமருததில் திடீர் சோதனை :பாவனைக்கு உதவாத உணவுகள் அழிப்பு
மட்டக்களப்பு (Baticaloa) சாய்ந்தமருது பிரதேசத்தில் சுகாதாரமற்ற சிற்றுண்டிகள் பொதுமக்களுக்கு விற்கப்படுவதாக கிடைக்கப்பெற்ற தகவல்களை அடுத்து கல்முனை பிராந்திய சுகாதார சேவைகள் பணிப்பாளர் தலைமையில் சுகாதார குழுவினர் மூன்றாவது தடவையாகவும் திடீர் சோதனை நடவடிக்கையில் ஈடுபட்டுள்ளனர்.
கடந்த காலங்களில் சாய்ந்தமருது பிரதேச உணவகங்கள், சந்தை, சில்லறை கடைகள், மொத்த விற்பனை நிலையங்கள், சிறிய சூப்பர் மார்க்கெட்டுக்கள் போன்றவற்றை பார்வையிட்டுள்ளதோடு உரிமையாளர்கள் மற்றும் உணவு தயாரிப்பவர்களுக்கு சுகாதார நடைமுறைகளை பேணி உணவுகளை தயாரிக்குமாறு ஆலோசனை வழங்கியுள்ளதுடன் அறிவித்தல்களை பேணி நடக்காத உணவகங்கள் மீது உரிய நடவடிக்கை எடுக்கப்படும் என்று எச்சரித்துள்ளார்.
எச்சரிக்கை
இந்நிலையில் சாய்ந்தமருது பிரதேச உணவு தயாரிக்கும், விற்பனை செய்யும், விநியோகம் செய்யும் உணவு நிலையங்கள், வர்த்தக நிலையங்கள் மீது திடீர் பரிசோதனையும் முற்றுகையும் இடம்பெற்றுள்ளது.
சுகாதார வைத்திய அதிகாரியின் அறிவித்தல்களை பேணி நடக்காத உணவகங்களில் மனித நுகர்வுக்கு பொருத்தமற்ற மற்றும் பழுதடைந்த உணவுகளும், வெயிலில் வைக்கப்பட்ட மற்றும் வடிகான்கள் மீது வைக்கப்பட்ட உணவுகள் கைப்பற்றப்பட்டுள்ளது.
முறையான களஞ்சிய வசதி இல்லாத மற்றும் பழுதடைந்த உணவுகளை வைத்திருந்தோர் மீது எச்சரிக்கை விடுக்கப்பட்டுள்ளதுடன் பழுதடைந்த உணவுகள் கைப்பற்றப்பட்டு அழிக்கப்பட்டுள்ளது.
மேலும், சில உணவகங்கள் மீது சட்டநடவடிக்கை எடுக்க தேவையான மேலதிக ஒழுங்குகளை சாய்ந்தமருது சுகாதார வைத்திய அதிகாரி காரியாலயம் மேற்கொண்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
வல்வெட்டித்துறை, காரைதீவு, மட்டக்களப்பு, முல்லைத்தீவு, கனடா, Canada
09 Dec, 2024
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
